Кунлардан бир кун Расулуллоҳ соллаллоҳу алайҳи васаллам ансорий саҳобийлардан бирининг боғига кирдилар. Боғнинг салқинроқ бир жойида суви қуриб қолган бир кичикроқ қудуқ бор эди. Расулуллоҳ соллаллоҳу алайҳи васаллам келиб шу қудуққа муборак оёқларини солиб ўтирдилар. Ортларидан Абу Бакр Сиддиқ розияллоҳу анҳу у зотни қидириб келиб, у киши ҳам оёқларини солиб ўтирдилар, кетларидан Умар ибн Хаттоб розияллоҳу анҳу келиб, худди шундай ўтирдилар. Сўнг Усмон ибн Аффон розияллоҳу анҳу келиб қолдилар. Ҳолбуки, у кишига бу қудуқда жой қолмаганлиги учун бошқа жойга ўтирдилар. Аллоҳ таолонинг тақдири билан бу ажралмас уч дўстнинг бир қудуққа оёқларини солиб ўтиришлари ҳикмати уларнинг қабрлари бир жойдалигига боғлиқ бўлди…

Расулуллоҳ соллаллоҳу алайҳи васалламнинг касалликлари кучайиб кетганидан кейин барча аёлларидан Оиша розияллоҳу анҳонинг уйида қолишга изн сўрадлар. Чунки, Оиша розияллоҳу анҳо аёлларининг ичида энг ёши эдилар. Аёллари рухсат бергач, ўша уйда турдилар ва шу уйда, олтмиш уч ёшларида вафот этдилар. Дафн этилган жойлари ҳам шу уй бўлди.

Маълумки, Расулуллоҳ соллаллоҳу алайҳи васалламдан кейин ўринларига Абу Бакр Сиддиқ розияллоҳу анҳу халифа бўлганлар. Абу Бакр розияллоҳу анҳу “Вафот этганимда мени Расулуллоҳ соллаллоҳу алайҳи васалламнинг оёқ томонларига дафн этинглар”, деб илтимос қилдилар. Барча бунга рози бўлди. У зот ҳам олтмиш уч ёшларида вафот этдилар ва васият қилган жойларига, Оиша онамизнинг уйи, Набий алайҳиссаломнинг оёқ тарафларига дафн этилдилар.

Вафотларидан кейин ўрниларига Умар ибн Хаттоб розияллоҳу анҳу халифа бўлдилар. У зот ҳам вафот этсалар, Оиша розияллоҳу анҳодан шу уйга қўйилишга рухсат сўрадилар. Шунда Оиша розияллоҳу анҳо: “Мен бу жойни ўзимга сақлаётган эдим, майли, ўрнимни Умарга бердим” дедилар. Ҳикматни қарангки, Умар ибн Хаттоб розияллоҳу анҳу ҳам олтмиш уч ёшларида вафот этиб, шу уйга дафн этилдилар. Бу уйда бўш жой қолмаганлиги боис Оиша розияллоҳу анҳо бошқа ерга қўйилдилар.

“Қиёматли дўст – ажралмас”, деб, бекорга айтилмайди. Мана бир минг тўрт юз йилдан ўтибдики, бу уч дўст ҳали ҳам бир уйда, бир жойда, ҳали ҳам биргалар..!

Ўтганларимиз мангуга қўним топган масканларни зиёрат қилсак, уларнинг руҳи шод бўлади. Карами кенг Парвардигоримиз ана шу ишимиз учун ҳам бизга улкан ажру савоблар ато этади ҳамда ўлим ҳақ эканини эслаб, дунёнинг жилваларига бўлган иштиёқимиз озгина бўлса-да сусаяди.

Шу боисдан зиёрат қилувчи одам ўтганларнинг руҳини шод қилиш ва савоб олиш учун боради зиёратгоҳларга. Бироқ дину диёнатдан узоқда ўсгани сабабми ёки илмнинг камлигиданми – айрим эркак-аёллар зиёрат билан саёҳатнинг фарқига бормаяпти. Натижада ташвиш-тарадду билан бир неча чақирим йўл босиб зиёратгоҳга бориб савоб ўрнига гуноҳ ишлаб оляпти.

Яқинда Имом Бухорий ҳазратларининг зиёратига бордик. У ерга оилалар, тенгдошлар, жамоадошлар ва бошқалар гуруҳ-гуруҳ бўлиб борган. Ўшаларнинг аксари Имом Бухорий ҳазратларининг шундоққина мақбарасига орқа ўгириб туриб расмга тушяпти. Аёл-қизлар бўйнини бир томонга қийшайтириб, сочини ўша томонига ёйиб, иккита бармоғини кўтариб суратга тушяпти, у нима маънони билдирса?..

Кейин музейга кирдик. Музейда Қуръони каримнинг турли мамлакатлардан келтирилган нусхалари бор экан. Очиқ-сочиқ кийинган бир аёл бошига бир парча докага ўхшаган ҳарир, аммо ялтироқ нарса ўраб олган. Қабрдаги марҳумларни ва атрофидаги одамларни бошидаги нарсанинг рўмол эканига ишонадиган даражада содда деб ўйлаган бўлса керак-да. Балки унинг қилаётган қилиқлари одамнинг кўзи шундай кўрсатиб қўйгандир. У ойнаванд жавонга солиб қўйилган Қуръони каримга орқа ўгириб олиб, деярли жавонга ўтиргандек бўлиб сельфи тушар эди. Аёл музейда нечта муборак ашё бўлса ҳаммасига орқа ўгириб туриб сельфи қилиб чиқди.

Булар зиёратдаги гаплар эди. Энди ҳажга бориб келган бир аёлнинг мана бу гапини эшитинг: “Биз борган гуруҳда бир қўшиқчи ҳам борган экан, Минода юрганимизда уни кўриб қолган бир аёл: “Вой, ану қўшиқчи ҳам келибди, концерт қўйиб берса бўларкан”, деб қолди. Шу фаҳму фаросат билан қандай қилиб ҳажга келган экан бу аёл деб кўпчилик ҳайрон бўлиб қолдик”.

Пайғамбар соллаллоҳу алайҳи ва саллам қабрларни зиёрат қилишга ижозат бериб: “Мен сизни қабр зиёратидан қайтарган эдим. Энди уни зиёрат қилаверинглар. Чунки у охиратни эслатади”, деганлар (Имом Муслим ва Имом Ҳанбал ривояти).

Модомики, қабристон зиёрати охиратни эслатиб, зиёратчи шуни ҳис қилар экан, унга сельфининг нима кераги бор. Охиратга олиб кетадими, ўша сельфисини, унда ўзига қарши ҳужжат бўлади-ку сельфилари, ахир Қуръони каримга орқасини қўйиб турган бўлса...

Шундай экан, азизлар, зиёратга боришни ният қилган одам зиёрат одобларини ўрганиб, шунга амал қилса, ҳам ўзига яхши бўлади – савоб олади ҳамда ён-атрофдаги зиёратчиларнинг кўзига хунук кўринмайди. Энг муҳими, унинг одобидан қабр аҳли мамнун бўлиб, руҳи шод бўлади. Зиёратдан кўзланган мақсад ҳам шу эмасми ўзи!

Дамин ЖУМАҚУЛ

ЎМИ Матбуот хизмати

ЎМИ Матбуот хизмати

13 ноября, состоялся прием по случаю открытия Генерального консульства Республики Узбекистан в городе Екатеринбурге. На мероприятии принял участие губернатор Свердловской области Евгений Куйвашев, посол Узбекистана в России, а также представители дипмиссий, местных властей и общественные деятели региона.
По данным ИА IslamNews, по приглашению генерального консула Абдусалома Хатамова на мероприятии принял участие также муфтий Свердловской области Абдуль-Куддусс Ашарин.
Исламский деятель рассказал губернатору области об успешном взаимодействии Духовного управления мусульман с коллегами в Узбекистане.

Губернатор внимательно выслушал религиозного деятеля и отметил, что духовные лидеры всегда оказываются впереди нас.
Напомним, что Управление мусульман Узбекистана за последние годы с муфтиятом Свердловской области провело ряд совместных мероприятий, обменялись визитами делегаций, узбекские имамы посетили мечети Свердловской области, встречались с их прихожанами, проводили просветительские беседы об исламе со студентами вузов и заключенными исправительных колоний ФСИН России. Также вместе с муфтием Абдуль-Куддуссом и преподавателями кафедры теологии Уральского государственного горного университета в течение недели проводили ряд встреч и мероприятий, посвященных популяризации традиционных духовных ценностей и профилактике экстремизма в уральском регионе.

Пресс-служба Управления мусульман Узбекистан