Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган. 

Эҳтимол, золим зулм билан кўп нарсага эга бўлар. Лекин мазлумнинг дуоси билан ҳамма нарсасидан ажралади.

Аллоҳ таоло барча мазлум мусулмонларга нусрат берсин!

“Ховатир роқия журнали” саҳифаси асосида

*****

Муҳим эслатма!

Намозингни ҳеч қачон тарк қилма! Бир марта сажда қилиш учун ҳаётга қайтарилишни орзу қилиб ётган миллонлаб вафот этганлар бор.

“Фикр ажойиботлари”

*****

Усмон ибн Аффон розияллоҳу анҳу дедилар:

“Агар қалбларимиз пок бўлганида, Роббимизнинг Каломига тўймаган бўларди”.

*****

Меҳри дарё онам 

Қоматимни тиклаш учун ўзларининг қоматлари эгилган онам саломат бўлсинлар!

Мени ўқитаман деб ўзлари кўп ўқишга вақт тополмаган онам омон бўлсинлар!

Қорнимни тўйдираман деб ўзлари оч қолган онам соғ-саломат бўлсинлар!

Мени хурсанд қилиш учун ўзларининг оғриқларини яширган онам барака топсинлар!

Эй Роббим, барча ота-оналарга, шу жумладан, менинг ҳам ота-онамга икки дунё саодатини бергин!

“Ховатир роқия журнали”

*****

Қабрдаги савол-жавоб

— Роббинг ким?

— Роббим Аллоҳ.

— Пайғамбаринг ким?

— Пайғамбарим Муҳаммад соллаллоҳу алайҳи васаллам.

— Дининг нима?

— Диним Ислом дини.

Эй Аллоҳ! Бизни савол-жавоб пайтида собит қилгин!

*****

Зиёнга учраш, йўқотишнинг энг оғири тури - жаннатнинг кенглиги осмонлар ва ерчалик бўлиши, аммо у ерда бизга жой бўлмаслигидир.

Ё Аллоҳ! Бизни жаннат ва унга яқинлаштирадиган сўз ва амал ила ризқлантир!

“Ховатир роқия журнали”

*****

Аёлларга савол

Сочингиз ҳам АВРАТлигини биласизми?! 

Интернет материалларидан тўплаб,

таржима қилувчи Нозимжон Иминжонов

"Кўкалдош” ўрта махсус ислом билим юрти

Матбуот хизмати

Самарқанд шаҳар 21- умумтаълим мактабида “Ислом - эзгулик дини” мавзусида ўқувчилар билан учрашув ўтказилди. Ўқувчи ёшларга “Қорабой Оқсақол” жоме масжиди имом-хатиби Бобобек Абдураҳимов Қуръони карим оятлари, Пайғамбаримиз алайҳиссаломнинг муборак ҳадислари асосида мавзуни ёритиб берди. 

Сўнгги пайтларда, исломдан ва мусулмонлардан қўрқув ва уларга нафрат туйғуси билан қараш, шу билан бирга ислом динини қолоқ, мусулмон маданиятини эса қотиб қолган, ҳурфикрлиликка мойил бўлмаган, аёллар фаолиятини чеклайдиган ва бошқа маданиятларга таҳдид солувчи, уруш, қотиллик, босқинчликка далолат қилувчи дин, каби ноўрин айбловлар ҳам қўйилаётгани, аслида Ислом дини бизни эзгулик ва тинчликка, асл инсоний фазилатларни асраб-авайлашга даъват этиши ҳақида сўз юритилди.

Албатта, имом-хатибларнинг аҳоли, айниқса ёшлар билан шу каби диний-маърифий суҳбатлар олиб бориши уларнинг ҳаётда тўғри йўлни танлашларида муҳим ўринни эгаллаши шубҳасиздир.   

ЎМИ Самарқанд вилоят вакиллиги 

Дин ишлари бўйича қўмита
Матбуот хизмати

Ўзбекистон мусулмонлари идораси раиси, муфтий Усмонхон Алимов ҳазратлари ва Дин ишлари бўйича қўмита раиси Абдуғофур Аҳмедовларнинг водий вилоятлари бўйлаб халқимиз билан учрашувлари давом этмоқда. Фарғона вилояти бўйлаб амалга оширилган таассуротларга тўла ташрифлардан сўнг, Муфтий ҳазратлари Наманган вилоятига ташриф буюрдилар.

Наманган вилоят вакиллигининг мажлислар залида Муфтий ҳазратлари иштирокида вилоятда фаолият олиб борувчи имом-хатиблар билан учрашув ташкил этилди. Тадбирда Дин ишлари бўйича қўмита раиси Абдуғофур Аҳмедов, вилоят ҳокимининг ўринбосари Ж.Алойдинов, вилоят маънавият ва маърифат бўлими раҳбари Ҳ.Маткаримовлар иштирок этдиган.

Учрашувда Президентимиз Ш.Мирзиёев бошчилигида мамлакатимиз бўйлаб олиб борилаётган кенг кўламли ислоҳотларнинг мазмун-моҳияти, бугунги доруломон кунларга шукроналик ҳисси билан яшаш каби жиҳатларга тўхталиб ўтилди. Ушбу йиғилишда тизимда олиб борилаётган ишлар таҳлил қилиниб, мавжуд муаммолар тингланди, ечими бўйича аниқ таклифлар берилди.

Ўзбекистон мусулмонлари идораси Матбуот хизмати