muslim.uz

Понеділок, 20 май 2019 00:00

Хориждаги ватандошларимизни ҳайратига солган “Шайх Муҳаммад Содиқ Муҳаммад Юсуф” масжиди, АҚШдаги ифторлик - тарғибот тадбирлари ҳақида

АҚШ ва Россия Федерациясида хатми Қуръон ўтказиб бераётган ўзбекистонлик қорилар у жойдаги ватандошларимиз, меҳнат муҳожирлари билан диний-маърифий суҳбатлар ўтказмоқдалар.

Қориларимизнинг хабар беришларича, ифторлик маросимлари, турли тадбирларда маҳаллий аҳоли ва ўзбек ватандошлар билан қизғин суҳбатлар бўлмоқда. Айниқса, Ўзбекистонда бўлаётган диний маърифий ислоҳотлар, очилаётган янги масжидлар, кўркам ва бетакрор қиёфа касб этаётган мажмуалар уларда катта қизиқиш уйғотмоқда.

“Шайх Муҳаммад Содиқ Муҳаммад Юсуф” масжиди Россиядаги ватандошларимизни ҳайратига солди

“Яқиндагина Президентимиз очиб берган “Шайх Муҳаммад Содиқ Муҳаммад Юсуф” номларига барпо бўлган мажмуани, у ерда ўтказилаётган таровеҳ намозини ватандошларимиз ва маҳаллий мусулмонларга интернет орқали мобил телефонимизда қўйиб бердик. Шайх ҳазратларини бу ерда яхши билишади. Ислом оламида машҳур олимнинг номлари чинакам қадр топибди, дея қувонишди. Ўзбекистонга бориб, бу масжидни зиёрат қилиш ниятлари туғилганини билдиришди”, дейди Ставрополь ўлкасида бўлиб турган вакилимиз Ойбек қори Раҳмонов.

Ўзбекистонлик қориларга ишонч катта

Чувашия Республикаси, Чебоксары шаҳрида фаолият олиб бораётган вакилимиз Абдуллатиф қори Рустамжонов у ердаги миллатдошларимизга ҳалол касб-ҳунар тартиботлари, исломда поклик, бандага ато этилган неъматларга шукур қилишлик ва рўзага оид масалаларда намоздан сўнг мавъизалар қилмоқда.

“Ўзбекистонлик қорилар жаҳондаги бошқа мураттаб ва мужаввид қорилардан асло кам эмас. Буларнинг ҳаммаси Ўзбекистонда Қуръонга бўлган юксак эҳтиром ва эътибор”, деб фикр билдиришмоқда дейди вакилимиз.

Намоз, рўза ва диний маросимларга оида саволлар кўп берилади

Хабаровск вилоятидаги масжидларда хатми Қуръон қилиб бераётган Оқилжон Исхоқов ва Абдулҳаким Хотамовлар у жойдаги диний идора тавсиясига биноан пешин, аср намозларидан сўнг масжид жамоати, хусусан, ўзбек, қирғиз, тожик миллатига мансуб намозхонларга турли мавзуларда: Ислом арконлари, ҳадислар, ислом тарихи, гуноҳи кабиралар ва бошқа мавзуларда мавъизалар қилиб беришмоқда. Намозхонларнинг саволларига жавоб беришмоқда. “Айниқса, намоз, рўза, маросимлар ва уларни ўтказиш билан боғлиқ саволлар кўпроқ берилади”, дейди Оқилжон қори Исхоқов.

Ўзбкистондаги 2500 га яқин қори АҚШда алоҳида эътироф этилди

АҚШда бўлиб турган вакилимиз Муҳаммадий қори Эргашев Туркистон-Америка жамияти томонидан ташкил этилган ифторлик маросимида иштирок этди. Муҳаммадий Эргашев ўзбек ватандошларимизга юртимизда сўнгги йиллардаги диний-маърифий сохадаги ислоҳотлар, хайрли ташаббуслар ҳақида сўзлаб берди.

“Жаҳон илм фани тамаддунига ҳисса қўшган улуғ алломаларнинг бой меросини тадқиқ этиш, ёш авлодга етказиш бўйича олиб борилаётган ишлар, халқаро илмий-тадқиқот марказлари, ислом илмларига оид мактаблар, Ислом цивилизацияси марказининг қурилиши, қолаверса, Рамазон ойида 1200 дан ортиқ масжидларда хатми Қуръонларнинг ўтказилаётгани, уларда 2500 га яқин қорилар қатнашаётгани ҳақидаги маълумотлар миллатдошларимизда катта қизиқиш уйғотди”, дейди Муҳаммадий Эргашев.

“Бизни хурсанд қилган нарса маҳаллий аҳолини ўзбек миллати ҳақидаги билдирган ижобий фикрлари бўлди”

Чувашия Республикасидаги яна бир қоримиз Фазлиддин Мамадалиев ҳам у жойдаги меҳнат муҳожирлари, маҳаллий аҳоли билан урашувлар, диний суҳбатлардаги таассуротларини қуйидагича баён этди:

“Суҳбатларда биз қандай буюк миллат фарзандлари, имом Бухорий, Термизий, Насафий, Нақшбандий каби зотларнинг авлоди эканлигимизни, бу миллат шаънига доғ туширмаслик, аксинча, қаерда бўлсак ҳам ватан, миллат обрўсини юксакларга кўтаришимиз кераклигини ҳаётий мисоллар, оят ҳадислар билан тушунтириб берилди. Ўзга юртларга келиб меҳнат қилаетган, уни ҳеч ким танимаслиги, билмаслиги мумкин бўлган оддий ишчи орқасида буюк бир миллат борлигини эсдан чиқармасликни уқтирилди. Бизни хурсанд килган нарса маҳаллий ахолининг ўзбек миллати ҳақидаги билдирган ижобий фикрлари бўлди. Юртимиздан келган ватандошларимиз ўз миннатдорчиликларини, уларга Ўзбекистон мусулмонлари идораси тарафидан берилаётган бундай эьтибордан жуда мамнун эканликларини ўзларининг содда, оддий фикрлари билан изҳор килишди”.

Ўзбекистон мусулмонлари идораси Масжидлар бўлими

Published in Ўзбекистон янгиликлари

Понеділок, 20 май 2019 00:00

Соғлиқни сақлаш вазирлиги томонидан рўза таомлари рўйхати тасдиқланди

Соғлиқни сақлаш вазирлиги ва Ўзбекистон ошпазлар уюшмаси рамазон ойида истеъмол қилиниши фойдали бўлган бир қатор таомлар рўйхатини ишлаб чиқди.

– Бу ойда таомлар одатдагидан фарқ қилмаслиги, иложи борича оддий бўлиши лозим, – дейди Ўзбекистон ошпазлар уюшмаси бош технологи Толибжон Умаралиев. – Сабаби, таомномадаги кескин ўзгаришлар ҳам айрим аъзоларни зўриқтириши, турли муаммоларга дучор қилиши мумкин. Кўпроқ сабзавотлар, мевалар, парранда, балиқ, нон, донли ва сут махсулотларини истеъмол қилиш тавсия этилади. Қовурилган таом ейишдан ўзингизни тийинг. Бундай таомлар ҳазм қила омасликка, жиғилдон қайнашига, кучли чанқоққа сабаб бўлади. Бундан ташқари, иссиқдан сақланиш ҳам лозим. Бу танани сувсизлантириб, чанқашга олиб келади.

Кунинг исиб бораётганини ҳисобга оладиган бўлсак, шу кунларда саҳарлик вақтида қандай тартибда овқатланиш кун давомида керак бўладиган қувватни беради?

– Саҳарлик рўзадор учун жуда муҳим бўлиб, у организмга куннинг биринчи ярмида самарали ишлаш учун зарур қувватга эга бўлиш имконини беради, –дейди Т.Умаралиев.– Демак, куннинг иккинчи ярмида организмга зарур энергия углеводлар ва ёғларнинг бир қисми парчаланиши ҳисобига ажралиб чиқади. Бу оқсиллар алмашинувига таъсир қилмайди, шундай экан, организмдаги алмашинув жараёни ҳеч ҳам зарар кўрмайди. Шу боис буғдой нон (қора нон), ёрмалардан тайёрланган таомлар, янги узилган сабзавотлардан салатлар ва қуруқ мевалар истеъмол қилиш тавсия этилади. Мураккаб углеводлар организмда узоқ вақт давомида ҳазм бўлади ва шунинг учун организмни камида 8–12 соат давомида қувват билан таъминлайди. Уларга гўшт, балиқ, тухум ёки сут маҳсулотлари кўринишида бироз оқсил қўшиш мумкин. Оқсил ҳазм бўлиши учун ҳам анча узоқ (8 соат) вақт талаб этилади. Аммо, уни кўп миқдорда истеъмол қилиш орқали жигарга оғирлик тушириш мумкин, бу аъзо ўзи шундоқ ҳам рўза пайтида зўр бериб ишлайди.

Шунингдек, оғиз ёпиш вақтида хурмоқоқи, бодом, банан тановул қилиш ҳам фойдали. Бироқ, ҳаддан ташқари кўп ейиш ва ичиш керак эмас. Йўқса, кун давомида организм фаолиятини қўллаб-қувватлаб туриш учун зарур бўлган минерал тузлар организмдан чиқиб кетади. Саҳарлик вақтида қаҳвадан бутунлай воз кечган (ёки уни минимал миқдорда ичган) маъқул. Қатиққа кўкат ва бироз туз қўшиб ичилса, ҳам фойдали, ҳам чанқоқбосди бўлади.

Ошпазлар ва шифокорлар ифторликда қандай таомларни тавсия этади? Бунда нималарга эътибор берган маъқул?

– Оғиз очиш вақтида дастурхонга мевалар, қуруқ мевалар, пишириқлар ва бошқаларни тортиш, лекин ошириб юбормаган маъқул, – дейди Т.Умаралиев. – Овқат кўп бўлиши керак эмас – қовурилган ва хамирли таомларни чеклаш керак. Ёғли ва қовурилган овқатларни, таркибида шакар жуда кўп бўлган маҳсулотларни еманг. Қовурилган таом овқат ҳазм қила олмаслик, жиғилдон қайнашига олиб келади, вазнни кўпайтиради.

Энг маъқули – сабзавотлардан ёки гўшт ва сабзавотлардан тайёрланган таомдир. Янги узилган сабзавотлардан салатлар, ёрмалардан таомлар – фойдали. Ширинликлар ейиш мумкин, бироқ кўп бўлмаган миқдорда. Овқатланиш мувозанатга келтирилган- масалан, сабзавотлар, мевалар, гўшт, товуқ гўшти, нон, дон ва сут маҳсулотлари кириши керак. Иложи борича кўпроқ сув ва шарбатлар ичинг, бу организмда суюқлик миқдорини нормал даражада сақлаб туриш учун зарур. Ичимликлардан янги сиқилган шарбатлар, морслар, компотлар, кисель ва чой, шунингдек, оддий сув ҳам тўғри келади.

бу таомлардан ташқари яна қандай тартибга риоя қилсак, рўза кунларини енгил ва осон ўтказиш мумкин?

Бу борада бир қатор тавсиялар ишлаб чиқилган, – дейди Т.Умаралиев.– Энг аввало, ёғли ва қанд миқдори кўп бўлган маҳсулотларни истеъмол қилмаган маъқул Улар туфайли чанқоқ қийнаши мумкин. Сахарлик вақтида кўп еб қўйишдан, кўп миқдорда сув ичишдан чекланинг. Бунинг оқибатида кун давомида организмни тонусда ушлаб турувчи минерал тузлар чиқиб кетади. Чекманг, агар бу одатингизни ташлай олмасангиз, бугундан чекишни камайтириб боринг. Саҳарлик вақтида қайнатилган, енгил, аммо узоқ вақт давомида ҳазм бўлувчи таомлар- дуккакли ва дон маҳсулотларидан тайёрланган овқатларга эътибор қаратиш керак. Шунингдек, организмингизда сувни меъёрда ушлаб туриш учун ифтор вақтида ва кечки уйқу орасида кўпроқ сув ва шарбатлар ичинг. Бу танангизнинг сув билан тўйинишига ёрдам беради.

Рўзанинг қолган кунлари учун намуна тариқасида тайёрланган таомлар рўйхатини эътиборингизга ҳавола этамиз. ↓

Сайёра Шоева, ЎзА

Манба: http://www.uza.uz

Published in Ўзбекистон янгиликлари

Понеділок, 20 май 2019 00:00

ЎзА сайтида ҳадислар бўлими очилди

Ўзбекистон мусулмонлари идораси ва Ўзбекистон миллий ахборот агентлиги билан ҳамкорликда муборак Рамазон ойи муносабати билан “http://uza.uz” сайтида “Имом Бухорий ҳадислари” номли бўлим ташкил этилди.
Ушбу бўлимни очишдан мақсад, Ислом динининг асл моҳиятини ёшларга ҳадиси шарифлар орқали етказиш, юртимиздан етишиб чиққан Имом Бухорий ва бошқа муҳаддис алломалар қолдирган бой илмий меросни халқимиз ўртасида кенг тарғиб қилишдан иборат.
Ҳазрати Пайғамбаримиз Муҳаммад мустафо соллаллоҳу алайҳи ва салламнинг Имом Бухорий ҳазратлари тўплаган ҳадислари ушбу бўлимда босқичма-босқич тақдим этиб борилади.
Ҳадисларни баён этиш жараёнида унинг кўпчилик тушунадиган, содда тилда бўлишига алоҳида эътибор қаратилди. Қолаверса, юртимизда асрлар оша мусулмонларнинг фиқҳий мазҳаби бўлмиш, Ҳанафий мазҳабида бўлиши ҳам эътиборимизда турди.
“Имом Бухорий ҳадислари” номли бўлим фаолиятини Имом Бухорий бобомизнинг иккинчи бош асарлари бўлмиш «Ал-адаб Ал-Муфрад» китобларига забардаст уламо, фазилатли Шайх Муҳаммад Содиқ Муҳаммад Юсуф ҳазратларининг қилган шарҳларидан бошлашга қарор қилдик. Имом Бухорий ҳазратлари ушбу китобларида одоб-аҳлоқ масалаларига оид ҳадисларни саралаб келтирганлар.
Мана шундай шарафли ишга муяссар қилган Аллоҳ таборака ва таолога ҳадсиз шукрлар айтиш билан бирга бу ишда ўз ёрдамини аямаган инсонларга ўз миннатдорлигимизни изҳор қиламиз.

Ўзбекистон мусулмонлари идораси Матбуот хизмати

Published in Ўзбекистон янгиликлари

Понеділок, 20 май 2019 00:00

Тошкент шаҳридаги 20 май кунидаги хатмоналар

Иймонли кишиларнинг бутун борлиғини муборак Рамазон ойининг шукуҳи тўла қамраган онлар. Масжидларимизда Аллоҳнинг муқаддас Каломи хатм қилинмоқда. Қалблари Қуръонга ташна мўминлар жомеларда қоим бўлиб, илоҳий каломга сомеъ бўлмоқдалар.

Бугун 20 Май, Муборак Рамазон ойининг мағфират даҳаси, 15-кунларидир. Тошкент шаҳридаги бир неча жоме масжидларда бу кеча Қуръони Карим хатмонаси яъни, Каломуллоҳнинг сўнгги суралари ўқилиб, чин ихлос ила дуолар қилинади.

Бугун 20.05.2019 санасида Тошкент шаҳридаги қуйидаги масжидларда Қуръони Карим хатмонаси якунига етади:

“Аҳмаджон қори”жоме масжиди. (Манзил: Олмазор тумани, Олимпия мавзеи, Мухбир кўчаси 15-уй. Телефон: +99871 227-83-01, +90 350-13-99)

Қорилар: Абдумажидов Ҳасанхон, Забихуллаев Абдураззоқ, Тожиддинов Нуруллоҳ

“Дўстжонбой” жоме масжиди. (Олмазор тумани, Пахта маҳалласи, Сағбон кўчаси 9-уй. Телефон: +99871 229 73 69, +90 355-06-99)

Қорилар: Бобораҳимов Фазлиддин, Салоҳиддинов Нуриддин

“Иброҳим ота”жоме масжиди. (Олмазор тумани, Иброҳим Ота кўчаси 20-уй. Телефон: +93 532-27-50, +94 604-54-88)

Қорилар: Саидов Ҳудойберди, Шодмонов Сирожиддин, Сайдуллаев Нуруллоҳ, Тўрақулов Иброҳим

“Алибек”жоме масжиди. (Манзил: Бектемир тумани, Ҳусайн Бойқаро кўчаси 1-уй. Тел.:+91 165-40-56, +93 554-57-33)

Қорилар: Норматов Нажмиддин, Муродулло ўғли Зикрулло

“Валихўжа ўғли Норхўжа”жоме масжиди. (Миробод тумани, Файзобод 1-тор кўчаси 26-уй. Телефон: +93 506-67-29)

Қорилар: Шукруллаев Мухаммад Бобурхон, Шукруллаев Мухаммад Алихон, Шукуруллаев Омилхон

“Кўкча оқтепа”жоме масжиди. (Манзил: Учтепа тумани, Шула кўчаси,12-уй. Тел.:+71 271 44 98, +91 137-84-66)

Қорилар: Тўраев Муҳаммад, Иминов Омадбек

7. “Лабизах”жоме масжиди. (Учтепа тумани, “Хуршид” маҳалласи, Атоий 2-тор кўчаси 1-уй. Тел.:+998 93 490-88-85, +97 470-70-11)

Қорилар: Ахунжанов Довуд, Ғофуржонов Исмоил.

Хатми Қуръондан кейинги дуолар мустажобдир. Рамазоннинг энг баракотли онларини қўлдан бой берманг, азизлар!

Ўзбекистон мусулмонлари идораси Масжидлар бўлими

Published in Рамазон-2019

Понеділок, 20 май 2019 00:00

Рамазон – бизни ўзгартиради!

Танловга!

Аллоҳ таолога беадад ҳамду санолар бўлсинки, бизни муборак Рамазон ойига етказди ва аввали раҳмат, ўртаси мағфират ва охири Дўзах оловидан халос бўлиш ойи неъмати билан ризқлантирди. Қанча инсонлар бор ушбу кунгача етиб кела олмади. Аммо, бизни Аллоҳ таоло шундай шараф билан сийлади. Бу учун Аллоҳ субҳанаҳу ва таолога ҳамду санолар бўлсин!

Ушбу ойнинг фазилатини зикр этиш учун Аллоҳ таолонинг қуйидаги каломининг ўзини келтириш кифоя қилади:

شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ

“Рамазон ойики, унда одамларга ҳидоят ҳамда ҳидояту фурқондан иборат очиқ баёнотлар бўлиб, Қуръон туширилгандир” (Бақара сураси 185-оят).

Бутун мусулмон умматини ҳидоят йўлига бошлашлик учун нозил қилинган Қуръони карим ушбу ойда нозил қилингандир. Албатта, ушбу ой мусулмон уммати учун яхшиликларни кўпайтирадиган, Аллоҳ таолога қурбат ҳосил қиладиган, нафсни тарбиялайдиган, маъсиятдан тоатга ва фасоддан ислоҳга ўтадиган баракали ой ҳисобланади.

Рамазон бизни ўзгартирсин! Чунки, бу ойда раҳмат ва баракалар мўлу-кўл бўлади. Раҳмат эса бутун мусулмонларни қамраб олади, фақатгина якка бир кишини эмас!

Расулуллоҳ соллаллоҳу алайҳи васаллам: «Беш маҳал намоз ва жума кейинги жумагача, Рамазон кейинги Рамазонгача орадаги (гуноҳ)ларга каффоратдир, агар киши гуноҳи кабиралардан сақланган бўлса», дер эдилар. (Муслим ривоят қилган).

Имом Термизий роҳимаҳуллоҳнинг “Сунан”ларида келади, Абу Ҳурайра розияллоҳу анҳудан ривоят қиланади: Расулуллоҳ соллаллоҳу алайҳи васаллам шундай марҳамат қилдилар: “Бурни ерга ишқалансин! Унинг ҳузурида менинг номим зикр этилиб, саловот айтмаган кишини. Бурни ерга ишқалансин! Рамазонга кириб, ундан (гуноҳлари) кечирилмай чиққан кишини. Бурни ерга ишқалансин! Ота-онасини катталик чоғида топиб, Жаннатга кирмаган кишини”.

Кўрдим, гуноҳлар қалбни ўлдирар,

Унда бардавомлик хорлик келтирар.

Гуноҳларни тарк этиш қалблар ҳаёти,

Нафсга бўйсунмаслик киши нажоти!

Расулуллоҳ соллаллоҳу алайҳи васаллам: "Ким Рамазон рўзасини иймон билан, савоб умидида тутса, унинг ўтган гуноҳлари мағфират қилинади. Ким қадр кечасини иймон билан, савоб умидида ибодат билан ўтказса, унинг ўтган гуноҳлари мағфират қилинади," дедилар. (Муттафақун алайҳ)

Расулуллоҳ соллаллоҳу алайҳи васаллам: "Ким Рамазонда фарзлигига ишониб, савоб умидида рўза тутса, уни аввалги гуноҳи кечирилади", дедилар. (Муттафақун алайҳ)

Ҳасан Басрий айтадилар: «Халойиқ тоат-ибодатда мусобақалашиши учун Рамазон ойини Аллоҳ таоло мусобақа майдони қилди. Бир қавм у мусобақада ғалаба қозонди, бошқа бир қавм ортда қолиб, енгилди».

Ишонч ҳосил қилайлик, биз тавба қиладиган ва ўз ҳолатларимизни тўғирлаб, Роббимиз билан алоқамизни мустаҳкамлайдиган кунлар олдида турибмиз.

Аллоҳ таоло ушбу ойда қиладиган ибодатларимизни Ўз даргоҳида ҳусни мақбул айласин!

Кўкалдош ўрта махсус ислом билим юрти

4-курс талабаси Абдуссамиъ Эргашев тайёрлади

Published in Рамазон-2019

Сторінка 786 з 2297