Ўзбекистон мусулмонлари идораси Матбуот хизмати
muslimuz
Середа, 01 май 2024 00:00
Шукр саждаси қандай қилинади?
Абу Бакр розияллоҳу анҳудан ривоят қилинади: “Расулуллоҳ соллаллоҳу алайҳи васаллам ўзларини хурсанд қилган бирор иш содир бўлса, Аллоҳга шукрона ўлароқ сажда қилар эдилар” (Имом Абу Довуд, Имом Ибн Можа ривояти).
Шукр саждаси ҳам тиловат саждасига ўхшаш бўлади. Сажда қилиб, Аллоҳ таолога ҳамду сано айтилади. Имом Моликдан бошқа ҳамма уламолар “Бир неъмат ҳосил бўлганда ёки бало-офат даф бўлганда, шукр саждаси қилиш суннатдир”, деганлар.
Расулуллоҳ соллаллоҳу алайҳи васаллам Али розияллоҳу анҳуни Яманга юборадилар, у ердан туриб Али розияллоҳу анҳу Расулуллоҳ соллаллоҳу алайҳи васалламга Яманликларни Исломни қабул қилганлари ҳақида мактуб юборади. Расулуллоҳ соллаллоҳу алайҳи васаллам мактубни ўқигач Аллоҳга шукур қилиб саждага йиқиладилар (Имом Бухорий ривояти).
Бу каби неъмат етганида ёки мусибат ариганида шукур қилиш жоиз. Аммо ҳар намоздан кейин қўшимча битта сажда қилиб қўйиш шариатимизда йўқ. Бу бидъатдир. Уламолар: “Омма халқ намозни қўшимчаларидан деб тушуниб олмаслари учун уни тарк қилиш лозим” деганлар.
Даврон НУРМУҲАММАД
Published in
Мақолалар
Вівторок, 30 апрель 2024 00:00
Ҳомила қачон инсон шаклига ўтади?
Ҳомила қачон инсон шаклига ўтади?
Published in
Видеолавҳалар
Вівторок, 30 апрель 2024 00:00
Tanamiz haqida biz bilmagan maʼlumotlar
Tanamiz haqida biz bilmagan maʼlumotlar
Published in
Видеолавҳалар
Вівторок, 30 апрель 2024 00:00
Ёлғон қаерда шаклланишини биласизми?
Ёлғон қаерда шаклланишини биласизми?
Published in
Видеолавҳалар
Вівторок, 30 апрель 2024 00:00
Мисрда Қуръон радиоси иш бошлаганига 60 йил бўлди
Мисрда Қуръон радиосининг 60 йиллигига бағишланган маросимда радиостанция Аллоҳнинг китоби ва Ислом таълимотларини тарғиб этишга қўшган ҳиссаси кенг нишонланди.
“IQNA” сайтининг “al-Ahram” матбуот хизматига таяниб хабар беришича, Миср Ислом университетлари уюшмаси томонидан Қоҳира университетининг Медиа факультети билан бирга “Қуръон радиоси: Аллоҳнинг китобига 60 йил хизмат” мавзусида тадбир ўтказилди.
Ушбу радио Мисрдаги ислом таълимотлари ҳақида аҳолининг хабардорлигини оширишда муҳим аҳамият касб этди ва машҳурлиги туфайли бутун дунё бўйлаб миллионлаб мусулмонларни қамраб олди.
Мисрдаги “Қуръон” радиоэшиттириши 1964 йил 25 мартда иш бошлаган. 1960-йилларнинг бошида Мисрда Қуръоннинг қиммат нашри чоп этилди. Унда кўплаб хатоликлар бор эди. Шу боис “ал-Азҳар” уламолари ва Миср расмийлари бу бузилишларга қарши курашишга қарор қилди.
“Қурони карим” радиоэшиттириши дастлаб “Қуръон бекати” деб номланди ва кунига 14 соат ишлади. Дастурлар эрталаб соат 06:00 да бошланиб, кундузги соат 11:00 га қадар давом этди. Кейин дастурларнинг иккинчи қисми 14:00 дан 23:00 соатгача давом этди.
Ушбу радиоэшиттириш иккита тўлқинда узатилди. Бири қисқа ва иккинчиси ўрта. Ўша пайтда Қуръон радиоси Мисрдаги энг катта “Қуръон ҳифзи” воситасига айланди.
Ўзбекистон мусулмонлари идораси ходими
Илёсхон Аҳмедов тайёрлади.
Published in
Дунё янгиликлари
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.