muslim.uz

Середа, 22 августь 2018 00:00

Искренние поздравления

На имя Президента Республики Узбекистан Шавката Мирзиёева поступают поздравления от глав зарубежных государств и правительств, руководителей международных организаций в связи с празднованием Курбан хайита. В них выражаются наилучшие пожелания здоровья и успехов Президенту нашей страны, мира, спокойствия и процветания народу Узбекистана.

В частности, свои поздравления направили:

Президент Республики Казахстан Нурсултан Назарбаев;

Президент Кыргызской Республики Сооронбай Жээнбеков;

Президент Республики Таджикистан Эмомали Рахмон;

Президент Туркменистана Гурбангулы Бердымухамедов;

Президент Азербайджанской Республики Ильхам Алиев;

Президент Республики Турция Режеп Тайип Эрдоган;

Президент Арабской Республики Египет Абдельфаттах Ас-Сиси;

Президент ОАЭ Шейх Халифа бен Заид аль-Нахайян;

Эмир Кувейта Сабах аль-Ахмед аль-Джабер ас-Сабах;

Султан Омана Кабус бин Саид;

Король Бахрейна Хамад ибн Иса Аль Халифа;

Король Иордании Абдалла Второй ибн Хусейн;

Президент Бангладеш Абдул Хамид;

Президент Палестины, Председатель Исполнительного комитета Организации освобождения Палестины Махмуд Аббас;

Председатель Исполнительного совета Правительства Афганистана Абдулла Абдулла;

Вице-президент, Премьер-министр, правитель эмирата Дубай Шейх Мохаммед ибн Рашид Аль Мактум;

Наследный принц эмирата Абу Даби, заместитель Верховного главнокомандующего Вооруженными силами ОАЭ Шейх Мухаммад бен Заид аль-Нахайян;

Заместитель Премьер-министра ОАЭ, министр внутренних дел Шейх Сейф бен Заид аль-Нахайян;

Генеральный секретарь Организации исламского сотрудничества Юсуф аль-Усаймин;

Председатель Управления мусульман Кавказа, сопредседатель Межрелигиозного совета СНГ Шейх-уль-ислам Аллахшукюр Паша-Заде.

Поздравительные послания продолжают поступать.

УзА

Published in Новости Узбекистан

Вівторок, 21 августь 2018 00:00

Ҳайит байрами барчага бирдек хурсандчилик улашди

“Вақф” фонди тушумлари миқдори маълум

Инсонларга меҳр-мурувват, хайру-саховат кўрсатиш мўмин мусулмонларнинг асосий вазифаси саналади. Бугун юртимиздаги масжидлардан Қурбон ҳайити байрами муносабати билан “Вақф” хайрия жамоат фондига йиғилган пул миқдори 4.067.131.544 сўмни ташкил қилди.

Булардан ташқари юртимиз имом-хатиблари томонидан Қурбон ҳайити муносабати билан кам таъминланган оилалар, меҳрга мухтож кишилар, боқувчисини йўқотган қариялар, “Меҳрибонлик”, “Мурувват” ва “Саховат” уйларига 1.449.473.900 сўм миқдорида моддий ёрдамлар кўрсатилди.

«Вақф» фонди томонидан «Маҳалла», «Ўзбекистон ёшлар иттифоқи», «Нуроний» ҳамда ҳокимлик вакиллари билан ҳамкорликда жойларда амалга оширилган моддий ёрдамлар 5 млрд. 343 млн. 87 минг сўм ташкил этади, жумладан, 54849 нафар ногиронлар, ёлғиз кексалар, боқувчисини йўқотган фуқаролар ҳамда кам таъминланган оилаларга 4 млрд. 975 млн. сўмдан ортиқ, 89 та «Меҳрибонлик», «Мурувват» ва «Саховат» уйларига эса 367 млн. 425 минг сўмдан ортиқ моддий ёрдам кўрсатилди ва бу каби хайрли тадбирлар давом этмоқда.

ЎМИ матбуот хизмати

Published in Ўзбекистон янгиликлари

Вівторок, 21 августь 2018 00:00

Мустақиллигимиз биз учун...

Дунёда икки юздан ортиқ давлат, минглаб халқ ва элатлар мавжуд. Улар орасида Ўзбекистон дея аталмиш гўзал ва бетакрор мамлакатнинг ўз ўрни ва нуфузи, ўзига хос тараққиёт йўли борлиги қалбимизга ифтихор бағишлайди. Мустақиллигимиз биз учун Она каби мўътабар, нондай азиз ва қадрлидир. Тарихи бир неча минг йиллар билан бўйлашадиган, жаҳон тамаддунининг тамал тошини қўйган, илм-фани, санъати, маданияти, улкан маданий ва маънавий мероси, олиму фузалолари билан донг таратган халқимиз ўз истиқлолини осонликча қўлга киритгани йўқ. Яқин ўтмишда-қарийб бир аср давомидаги мустамлака ҳолатидаги ҳолат, унгача ҳам ҳақ-ҳуқуқлари поймол этиб келинган халқимиз қаддини, руҳини ҳеч қандай куч буколмаган, сўндиролмаган. Ўзбек тилига давлат тили мақоми берилгани, 1990–1991 йилларда Наврўз байрами қайта тиклангани, Рамазон ва Қурбон ҳайитлари байрам ҳамда дам олиш кунлари деб эълон қилингани халқимизнинг асрий орзу ва армонлари рўёбга чиқиши, миллий қадриятларимиз тикланиши йўлидаги дастлабки йирик қадамлар бўлганини алоҳида таъкидлаш зарур. Мустақилликка эришилиши билан дастлаб унинг кафолати бўлмиш Конституциянинг қабул қилиниши, мамлакатни модернизациялаш миллий давлатчилигимизни барпо этиш йўлидаги залворли қадам бўлди. Теран тарихий илдизларимиз, кўп асрлик тажриба ва маънавий қадриятларимиз, аждодларимизнинг ҳуқуқий мероси, халқимизнинг орзу ва интилишлари чуқур сингдирилган Конституциямизнинг ҳаётий негизи жуда мустаҳкамдир. Ўзбекистонда ҳуқуқий демократик давлат қуриш ва адолатли фуқаролик жамиятини шакллантириш бош вазифа этиб белгиланиб, мамлакат сиёсий ҳаётида кўппартиявийлик муҳити қарор топди, нодавлат тузилмалар, жамоат ташкилотлари ва ўзини-ўзи бошқариш органлари фаолияти такомиллаштирилди, суд-ҳуқуқ тизимида, оммавий ахборот воситалари, маънавий-маърифий соҳаларда кенг кўламли ислоҳотлар амалга оширилди.

Давлатимиз раҳбарининг ташаббуси билан ишлаб чиқилган “Таълим тўғрисида” ги Қонун, Кадрлар тайёрлаш миллий Дастури, мактаб таълимини ривожлантириш Давлат умуммиллий дастурининг ҳаётга татбиқ этилиши таълим сифати ва мазмун-моҳиятини тубдан яхшилаш имконини берди. Бугун мамлакатимизнинг олис қишлоқларида ҳам қад кўтарган замонавий мактаб, лицейда ўқувчиларнинг таълим олиши учун барча шарт-шароит яратилган. Бу эзгу ишларнинг бари Ватан келажагига, миллат истиқболи йўлидаги ғамхўрликнинг амалий ифодасидир. Мамлакатимизнинг қулай геосиёсий ўрни, унинг биринчи навбатда ўз миллий манфаатларини инобатга олган ҳолда олиб бораётган ҳар томонлама чуқур ўйланган, мустақил ва изчил ташқи сиёсати давлатимизнинг жаҳон халқаро ҳамжамияти томонидан эътироф этилиши, халқаро майдонда мамлакатимиз обрў-эътиборининг ортиб боришини таъминлади. Ўзбекистон БМТ, Ислом конференцияси, Европада хавфсизлик ва ҳамкорлик ташкилотлари, Шанхай ҳамкорлик ташкилоти, Коллектив хавфсизлик шартномаси ташкилоти, Мустақил Давлатлар Ҳамдўстлиги каби кўплаб халқаро ташкилотлар, ихтисослашган халқаро тузилмалар ишида фаол иштирок этиб келмоқда. Мустақиллик халқимизга, миллатимизга ўзлигини теран англаш, минг йиллар давомида аждодларимиз томонидан яратилган бой маънавий-маданий меросдан баҳраманд бўлиш имконини берди. Мустақиллигимизнинг турли йилларида миллатимизнинг буюк фарзандлари-Аҳмад Фарғоний, Амир Темур, Мирзо Улуғбек, Жалолиддин Мангуберди, Алишер Навоий, Имом Бухорий, Абдухолиқ Ғиждувоний, Баҳоуддин Нақшбанд, Имом Мотурудий, Бурҳониддин Марғилоний, Имом Термизий, Хожа Аҳрор Валий сингари улуғ зотларнинг таваллуд саналарини алоҳида нишонлаш ҳамда бой илмий, диний-маърифий меросини кенг оммалаштириш ва ўрганиш, Самарқанд, Бухоро, Тошкент, Хива, Шаҳрисабз, Қарши, Термиз, Марғилон сингари қадим ва муаззам шаҳарларнинг халқаро миқёсдаги юбилейлари ўтказилди.

Мустақиллигимизнинг ўтган йигирма етти йилида, айниқса охирги икки йилида амалга оширилган ишлар, қўлга киритилган ютуқлар, эришилган натижаларни шарҳлаш, таҳлил қилиш учун йиллар камлик қилади. Ҳар бир воқеа, ҳар бир жараён, ҳар бир соҳа-катта тарихдир.

МУСТАҚИЛЛИГИМИЗ БИЗ УЧУН ОНА КАБИ МЎЪТАБАР, НОНДАЙ АЗИЗ ВА ҚАДРЛИДИР.

Абдулазиз БОБАМИРЗАЕВ

“Ҳидоя” ўрта махсус ислом билим юрти мудири

Published in Мақолалар

Вівторок, 21 августь 2018 00:00

Юртимизда ҳайит байрами кўтаринки руҳда ўтди

Бугун Республикамизнинг барча ҳудудларида Қурбон ҳайити байрами тинчлик ва осойишталикда ўтди. Юртимиздаги 1982 та масжидда 1906974 нафар мўмин-мусулмонлар эмин-эркин, кўтаринки кайфиятда Қурбон ҳайити намозини адо этдилар. Фазилати улуғ кунда юртимиз мусулмонлари бир-бирларини байрам билан муборакбод этиб, шундай кунларга етказган Аллоҳ таолога шукроналикда дуолар қилдилар.

Имом-хатиблар ҳозирда юртдошларимиз Ҳаж амалларини адо қилиб, дуолар қилаётганлари, шунингдек, Қурбон ҳайитининг фазилатлари ҳақида маъруза қилдилар.

ЎМИ матбуот хизмати

Published in Ўзбекистон янгиликлари

Понеділок, 20 августь 2018 00:00

Нуриймон Абулҳасан Каъбатуллоҳ калитдорлари бўлган Усмон Ибн Толҳа авлодларининг уйида меҳмон бўлди

Нуриймон Абулҳасан Маккада Каъба калитдори (ҳожиби) саҳобий Усмон ибн Толҳа авлодлари билан учрашди.

Тарихдан маълумки, Иброҳим алайҳиссалом Каъбани қурганидан кейин, унинг назоратини ўғиллари Исмоил алайҳиссаломга топширди. Каъбанинг калити дастлаб Исмоил алайҳиссалом, сўнгра уларнинг авлодларида бўлди. Кейинроқ калитни Исмоил алайҳиссалом авлодларидан Яманнинг Журҳум қабиласи, сўнгра Журҳумдан Хузоа қабиласи тортиб олди. Бундан 16 аср олдин Қусай ибн Килоб Хузоа қабиласи устидан ғалаба қозониб, калитни Қурайшга – Исмоил авлодларига қайтарди.

Расулуллоҳ (с.а.в) насаблари қуйидагича: Муҳаммад ибн Абдуллоҳ ибн Абдулмуттолиб ибн Ҳашим ибн Абдул Манаф ибн Қусай ибн Килоб. Бинобарин, Қусай ибн Килоб Расулуллоҳнинг (с.а.в) 4-боболари ҳисобланади.

Қусай ибн Килоб ўлимидан олдин Каъба ҳожиблиги (калитдорлик) катта ўғил Абдуддорга мерос қолди. Шу билан Каъба ҳожиблиги пайғамбаримиз (с.а.в) Маккани фатҳ қилиб, ислом нурини муқаддас диёрга қайтаргунларича Қурайшнинг Бани Абдуддор оиласида бўлди. Бу оиланинг раҳбари Усмон ибн Толҳа Макка фатҳидан олдинроқ Холид ибн Валид билан ҳижрат қилиб, исломга кирган эдилар. Макка фатҳ этилган куни Расулуллоҳ Усмон ибн Абу Толҳани олдиларига чорлаб: «Эй Абу Толҳа ўғиллари, ҳожибликни – калитдорликни авлоддан-авлодга абадий мерос ўлароқ олинглар, уни сизлардан фақат золимгина тортиб олади», дедилар. Шундай қилиб, Каъба калитдорлиги баъзи қисқа узилишларни ҳисобга олмаганда 1 минг 400 йил давомида Усмон ибн Толҳа авлодлари қўлларида сақланади.

Куни кеча Дин ишлари бўйича қўмита раиси ўринбосари Нуриймон Абулҳасан Каъбатуллоҳ калитдорлари бўлган Усмон Ибн Толҳа авлодларининг уйида меҳмон бўлди.

Буюк саҳобий авлодлари уй музейида Каъбатуллоҳнинг қадимги ва бугунги кундаги калитлари, турли асрлардан сақланиб қолган каъбапўш парчалари, Каъбани таъмирлаш вақтида унинг остидан топилган қадимий, тарихий ашёлар, ёзувлар ва хазиналар сақланар экан.

Муборак оила вакиллари билан учрашув илмий мазмунга ва таассуротларга бой ўтди. Унда саҳобий Усмон ибн Толҳа авлодлари Имом Бухорий юртини зиёрат қилиш ва Ҳазрати Имом мажмуасидаги Усмон мусҳафини кўриш орзусида эканликларини билдирди.

Ҳожиларимиз Ҳаж ибодатларини чиройли адо қилиб, юртимизга соғ-саломат қайтиши, дин ва халқ манфаати йўлида амалга оширилаётган ислоҳотлар бардавомлигини тилаб дуолар қилди.

Нуриймон Абулҳасан саҳобий Усмон ибн Толҳа авлодларини Ватанимизга таклиф қилди ва навбатдаги учрашув яқин келажакда Ўзбекистонда бўлишига келишиб олишди.

Саҳобий авлодлари Ўзбекистон делегациясини муқаддас Каъбатуллоҳга кириш ва уни ювиш маросимига таклиф этди. Бу шарафли анъана Ҳаж якунида Саудия Подшоҳи иштирокида ўтказилиб, фақат мартабали меҳмонларгагина насиб этади. Мазкур маросимга Марказий Осиёдан фақат Ўзбекистон «Ҳаж-2018» ишчи гуруҳи раҳбари таклиф этилгани мамлакатимизга ва ҳожиларимизга бўлган чексиз ҳурматдан далолатдир.

ЎзА

Published in Ўзбекистон янгиликлари

Сторінка 3411 з 3750

ХОРИЖДАГИ ЮРТДОШИМ САҲИФАСИ

КОНЦЕПЦИЯ

Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.

Шунинг баробарида бизнинг юртдошларимизнинг ҳам хорижий давлатларга чиқиши ортмоқда.

Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.

Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.

Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.

Ушбу рукнда:

- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;

- йўлга чиқувчиларга тавсиялар, маслаҳатлар;

- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;

- Интернет сайтда эълон қилинган мақоланинг аудио формати ҳам тавсия қилинади.

Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.