Ўзбекистон мусулмонлари идораси Матбуот хизмати
muslim.uz
vendredi, 05 avril 2019 00:00
"Менинг жанозамни бутун мамлакат аҳли ўқийди”
Толеи баланд бир ўлканинг адолатпарвар подшоҳи одамларнинг ҳолидан хабар олишни ният қилиб, оддий инсонлардек кийиниб олди, қоровуллар бошлиғини ҳам шундай кийинтириб, у билан бирга шаҳар айлангани чиқди. Ўша куни шилта ёмғир ёққан эди. Улар йўлда бир одамнинг балчиққа ботиб ётганини кўрдилар. Унда ҳаёт асари кўринмасди. Одамлар беэътибор ўтиб-қайтиб юришибди.
Одамларнинг бепарволигидан ранжиган подшоҳ уларга қараб: “Бу одам қандай вафот этди, нима учун буни ташлаб кетяпсиз, унинг аҳли қаерда? деди. Одамларнинг бири: “У ароқ ичадиган фаҳшга борадиган, масжидга бормайдиган фосиқ эди. Шу ерга йиқилиб тушди-ю ўлиб қолди. Ундан нафратлангани боис ҳеч ким уни кўтаришни истамаяпти”, деди. Подшоҳ: “Ҳар қанча гуноҳкор бўлса ҳам менинг мамлакатим фуқароси, уни бу ҳолда ташлаб кета олмайман”, деб ўйлади. Сўнгра қоровулбоши иккаласи маййитни чеккароққа олдилар. Қоровулбошига сув қуйдириб унинг лой чапланиб қолган юзини юва бошлаган подшоҳнинг тобора ҳайрати кучайиб бораверди. Чунки сув теккани сайин маййитнинг чеҳраси очилиб нур таратиб бораётган эди.
Атрофдагилардан унинг уйи қаерда эканини сўради. Фалон жойда дедилар. Уйига бориб аёлига эрининг вафот этганини хабар қилмасдан унинг кимлигини, қандай одам эканини сўради. Аёли: “Эрим ҳунарманд. Кечгача ишлаган пулининг бир қисмига ароқ сотиб олади, бир қисмига енгилтак аёлларни уйга бошлаб келади. Уйга келгандан сўнг ароқ шишаларини ҳожатхонага бўшатади. Аёлларга эса мен тонггача зинонинг ҳаром иш эканини тушунтираман. Жамоага қўшилиб намоз ўқиш учун қўшни маҳалладаги масжидга боради. “Нега ўзимизнинг масжидга бормайсиз?” десам, “Узоғроқ юриб борсам кўпроқ савоб оламан-да”, деб кулади. Аммо унинг бу ишларини ҳеч ким билмайди, билдирмайди. Одамлар уни ёмон одам деб ўйлашади. Шуларни ўйлаб бугун жуда ҳам сиқилдим. “Кунингиз битиб қолса, ўлигингиз кўчада қолади, майитингизни ювадиган, жанозангизни ўқийдиган одам чиқмайди, бундай қилманг”, деб қаттиқ гапириб қўйдим.
У бўлса сира ҳам хафа бўлмади. Аксинча, масрурона жилмайиб: “Буни ўйлаб асло сиқилма, менинг жанозамни машойиху уламолар, бутун мамлакат аҳли ўқийди”, деди.
Бу гапни эшитиб подшоҳ дод солиб йиғлаб юборди. Кейин аёлга эрининг вафот этгани ва ўзининг подшоҳ эканини айтиб берди. Майитни уйига олиб келтириб, бутун мамлакат аҳлини жанозага чақиртирди. Майитни эса ўзи ювди. Кейин жанозасини ўқитиб жойига қўйиб келдилар.
Яҳё АБДУРАҲМОНОВ,
“Шайх Зайниддин” жоме масжиди имом-хатиби
Published in
Мақолалар
vendredi, 05 avril 2019 00:00
Нишонга урилган гаплар: “Безовталик ҳеч нарсани ўзгартирмайди. Лекин Аллоҳ таолога бўлган ишонч ҳамма нарсани ўзгартиради”
Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.
Эй Роббим, Сен енгил қилувчисан. Сен осон қилувчисан. Ишларимни осон қил, истакларимни рўёбга чиқар, мен учун барча ишларда хайрлисини насиб эт.
*****
Безовталик ҳеч нарсани ўзгартирмайди. Лекин Аллоҳ таолога бўлган ишонч ҳамма нарсани ўзгартиради.
Муҳаммад Ғаззолий раҳимаҳуллоҳ
*****
Биринчи ва охирги насиҳат
Намозни яхшилаб ўқи!
Саждани узоқроқ қил!
Чуқур-чуқур нафас олгин-да, Қуръонни тиловат қил!
Аллоҳни кўп зикр қил!
Унутма, бу дунё беш кунликдир.
*****
Куни келиб кетаман. Мен билан бирга кулгуларим, сукутларим, оғриқларим, шодлигим, безовталигим ҳам кетади. Хотирамдан бошқа нарса қолмайди.
Эй Роббим! Яхши ном қолдиришимни, мендан яхши хотира қолишини насиб этгин!
*****
Бошингизга шундай замон келадики, унда кексаларингиз гуноҳ қилувчи, олимларингиз мунофиқ, кичикларингиз катталарни ҳурмат қилмайдиган ва бойларингиз фақирларга ёрдам бермайдиган бўлади.
Али ибн Абу Толиб розияллоҳу анҳу
*****
Ёмон кимсаларга ўртоқ бўлгандан кўра ёлғиз бўлган афзал.
“Тарих муҳрлаган сўзлар”
*****
Инсонларнинг қанақалигини сафарда ёки бошингга ташвиш тушганда биласан.
“Тарих муҳрлаган сўзлар”
*****
Дунё ўтиш диёридир, қолиш диёри эмас.
“Сукутдаги садолар”
*****
Одобнинг чўққиси – аввало Аллоҳдан ҳаё қилишдир.
“Сукутдаги садолар”
*****
Сендан нимадир олмоқчи бўлган лаҳзаларидагина сенга эътибор қиладиганлар яхши одамлар эмас.
“Сукутдаги садолар”
*****
Бир инсон билан сафарга бирга чиқмаган, олди-берди қилмаган бўлсангиз, уни танийман демай туринг.
*****
Интернет материалларидан тўплаб, таржима қилувчи
Нозимжон Иминжонов
Published in
Мақолалар
jeudi, 04 avril 2019 00:00
Фоторепортаж: Пойтахтдаги "Новза" жоме масжидининг тунги қиёфаси
Расмлар муаллифи Шаҳзод Шомансур
Published in
Фотолавҳалар
jeudi, 04 avril 2019 00:00
Кувейт миллий Қуъон мусобақасида 2700 киши қатнашмоқчи
Муборак Абдул Азиз Ал Ҳисави номидаги миллий Қуръон мусобақаси жорий йилнинг 6 апрель куни бошланади.
al-Anba daily нашрининг хабарига кўра, мусобақада иштирок этиш учун 2700 нафардан ортиқ кувейтликлар ариза топширган. Мусобақа ташкилий қўмитаси расмийси Юсуф ал Самийининг айтишича эркаклар ва аёллар ўртасидаги мусобақа турли кунларда ўтказилади.
Бундан ташқари, эътиборга молик жиҳати шундаки мусобақада 850 нафар ногиронлиги бўлган шахслар иштирок этади. Мусобақа ғолиблари 30 апрель куни маълум бўлади.
Ўзбекистон мусулмонлари идораси Матбуот хизмати
Published in
Дунё янгиликлари
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.