muslim.uz
“Энг маърифатли имом” танлови шартлари билан танишинг!
Ҳар йили Ўзбекистон мусулмонлари идораси тизимида фаолият олиб бораётган имом-хатиблар ўртасида “Йил имоми” кўрик танлови ўтказилар эди. Бу йилдан танлов “Энг маърифатли имом” номи билан Низом асосида ташкил этилмоқда. Танловнинг мақсади бугунги кун талабларига жавоб берадиган, кучли илмий салоҳиятга эга, ташаббускор, илғор фикрли, замонавий ахборот технологияларидан етарлича фойдалана оладиган ва кенг халқ оммасига ўз фикрини етказиш қобилиятига эга бўлган энг иқтидорли, фаол имом-хатибларни аниқлаш ва қўллаб-қувватлашдир.
Танловда масжидларда камида уч йиллик иш тажрибасига эга бўлган имом-хатиблар, имом ноиблари иштирок этишлари мумкин.
Танлов уч босқичда ўтказилади: туман-шаҳар, вилоят ва Республика босқичлари.
Танлов шартларига кўра иштирокчилар тўрт йўналиш бўйича ҳакамлар ҳайъати томонидан баҳоланадилар.
- Қуръони каримнинг учта жойидан тиловат қилиш, унинг тафсири ва нозил бўлиш сабабларини сўзлаб бериш. Шунингдек, Қуръони каримнинг ҳайъат томонидан кўрсатилган ўқиш ва ундаги тажвид қоидаларини баён қилиш.
- Ақоид бўйича “Фиқҳул Акбар” китобидан ўқиб, таржима қилиб, изоҳлаб бериш.
- Фиқҳ бўйича “Мухтасар” китобининг саккиз боби – таҳорат, намоз, рўза, закот, ҳаж, никоҳ, талоқ ва савдо бўйича берилган саволларга жавоб бериш ва ҳайъат томонидан берилган матнни ўқиб шарҳлаш.
- Имомнинг ОАВ ларидаги фаоллиги.
20 сентябр куни танловнинг Тошкент шаҳар туманлари босқичлари бошланди. Ҳар бир туманларда энг юқори натижа қайд этган уч нафар иштирокчи эсдалик совғалари билан тақдирланадилар. Биринчи ўринни қўлга киритган иштирокчилар эса танловнинг шаҳар босқичида иштирок этиш ҳуқуқини қўлга киритадилар.
ЎМИ матбуот хизмати
Флоренция меҳмонхоналари «muslim-friendly» бўла бошлади
Италиянинг Флоренция шаҳридаги қатор меҳмонхоналар мусулмон мижозларнинг эҳтиёжлари учун мослаша бошлади. Бу ҳақда IslamNews'га таяниб Azon интернет нашри хабар берди.
Жумладан, «muslim-friendly», яъни мусулмонлар учун дўстона муҳит яратилган хоналарнинг совуткичларида спиртли ичимликлар йўқ, озиқ-овқатлар эса ҳалол. Шунингдек, хоналарга жойнамоз ва Маккани кўрсатадиган компас ҳам қўйилди.
Бундай ўзгаришлардан мақсад Флорерцияга мусулмон сайёҳларни яна кўпроқ жалб этишдир. Маълум бўлишича, сўнгги пайтда Венеция, Рим ва Милан билан бир қаторда Флоренцияга ҳам мусулмон сайёҳлар оқими ортган.
ЎМИ Матбуот хизмати
Ушбу 3 оятни ўқиганга 70 минг фаришта вакил бўлади
Маъқал ибн Ясор розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Ким тонг отганда уч марта “Аъуузу биллаҳис-самийъул-алийм минаш-шайтонир-рожийм” деса, сўнгра Ҳашр сурасининг охирги уч оятини ўқиса, Аллоҳ унга етмиш минг фариштани вакил қилади. Фаришталар унинг ҳаққига кечгача салавот айтадилар. Агар у ўша куни вафот этса, шаҳид (мақомида) кетади. Кимки кеч кирганда ўқиса, худди ўша мартабага эришади”, дедилар (Имом Аҳмад ривояти).
“У шундай Аллоҳдирки, Ундан ўзга илоҳ йўқдир. (У) яширин ва ошкора нарсаларни билувчидир. У Меҳрибон ва Раҳмлидир.
У шундай Аллоҳдирки, Ундан ўзга илоҳ йўқдир. (У) Подшоҳ, (барча айб-нуқсонлардан) Пок, (бандаларига) тинчлик бахш этувчи, Омонлик берувчи, Кузатиб турувчи, Қудрат соҳиби, Бўйин сундирувчи ва кибр эгасидир. Аллоҳ (мушриклар) келтираётган ширкдан покдир.
У – Яратувчи, (йўқдан) Бор қилувчи, (барча нарсага) Сурат (ва шакл) берувчи Аллоҳдир. Унинг гўзал исмлари бордир. Осмонлар ва Ердаги (бор) нарса Унга тасбеҳ айтур. У Қудратли ва Ҳикматли (зот)дир” (Ҳашр сураси, 22-24 – оятлар).
Даврон НУРМУҲАММАД
Исломнинг адолати
Андалус давлатида бир роҳиб бор эди. У ўзи хизмат қиладиган черков томида ноёб бир гул ўстираётган эди. Роҳибнинг бир эчкиси ҳам бор эди. Эчкиси ҳар-ҳар замон черков томига чиқар эди.
Роҳиб бир куни гулга қараш учун томга чиққанида гулнинг узилганини кўрди. Бундан ниҳоятда дарғазаб бўлди. Шу вақтда черков томида эчки кўриниб қолди. Гулни шу эчки еган деб ўйлади. Жаҳл устида эчкини тутиб олиб томдан пастга улоқтирди. Бечора эчки тап этиб ерга тушди-ю тил тортмай ўлиб қолди.
Бу ҳолни кўрган қўшнилар ҳайвонга нисбатан шафқатсизлик қилганликда айблаб, роҳибни қозига олиб бордилар. Қози:
– Ҳайвонлар қилган ишлари учун жавобгар эмасликларини билмайсанми? Ўзи у гулни эчки еганинини қаердан билдинг? Кўзинг билан кўрдингми ёки сенга эчкининг еганини бирор киши айтдими? – деб сўради.
Pоҳиб:
– Йўқ, кўрмадим, кўрган киши ҳам йўқ. Бироқ у томга мендан бошқа ҳеч ким чиқмайди. Эчкини у ерда кўрганим заҳоти у еган деб ўйладим. Унга ғазаб қилдим, жазо беришимда ҳақсизлик йўқ, – деб ўзини ҳимоя қилди.
Қози эса:
– Исломда бароати зиммат асосдир. Бир кишининг жиноят қилганига гувоҳ бўлмаса, уни жиноятда айблаб бўлмайди. Боз устига ҳайвонлар қилган ишларига масъул ҳам эмасдир, Унга бундай жазо беришинг зулмдир, – деди. Сўнгра роҳибга ҳайвонга нисбатан шафқатсизлик қилгани учун таъзир жазосини берди.
Роҳиб қозининг бу ҳукмини ҳақсизлик деб ўйлаб норози бўлиб юрди. Унинг тушунчасига кўра, эчкиси айбдор эди ва уни ўзи истаганидек жазолашга ҳақли эди.
Орадан қанчадир вақт ўтди. Бир куни роҳиб кимсасиз йўлакдан ёлғиз келаётган эди, қаршисидан гандираклаб келаётган одамнинг йиқилиб тушганини кўрди. Унга ёрдам қиламан деб югуриб борди ва у одамнинг орқасига ханжар санчилганига кўзи тушди. Ханжарни тортиб чиқармоқчи бўлаётган чоқда шаҳар муҳофизлари келиб қолди ва уни одамни ўлдирганликда гумон қилиб, тутиб олдилар.
Маҳкамага чиқардилар ва:
– Тақсир, у ерда роҳибдан бошқа ҳеч ким йўқ эди, шунинг учун у ўлдирган деб ўйлаяпмиз, – дедилар.
Роҳиб бўлган воқеани қандай бўлса, ўшандай қилиб гапириб берди ва ўзининг айбдор эмаслигини айтди.
– Воқеа содир бўлган жойда сендан бошқа кимса бўлмаса-да, у одамни сен ўлдирганингни кўрган бирорта гувоҳ йўқ. Шу сабабли Ислом таълимотига кўра, сени айблашга ҳаққимиз йўқ, – деди. Сўнг қози унга ўтмишда кўрган бир даъвони хотирлатиб:
– Ўшанда сен эчкининг гулни еганини кўрмасдан туриб, унга жазо берган эдинг. Агар ҳозир мен ҳам сен каби хулоса қилсам, сени қотилликда айблаган бўлар эдим. Аммо Исломда айби исбот этилгунга қадар ҳар қандай инсон айбсиз саналади. Энди Ислом адолатининг тўғри эканини тушундингми? – деди.
Роҳиб бир ғайримуслим бўлишига қарамасдан, уни айблашдан кўра оқлашга мойил бўлиб турган мусулмон қозига:
– Сиз ҳақсиз, сизнинг адолатингиз устундир, – демоқдан бошқа чора топа олмади.
Дамин ЖУМАҚУЛ таржима қилди.
Посол Узбекистана в Малайзии раскрыл суть пакетов паломнического туризма «Умра Плюс»
Как известно, Узбекистан сегодня раскрывает двери любителям путешествий, предлагая свои большие возможности в сфере туризма. Ведь туристический обмен способствует расширению межкультурных связей, взаимному познанию и уважению, имея при этом и значительные экономические бонусы.
Интерес к туризму в Узбекистан растет изо дня в день. В этой связи Национальное информационное агентство Малайзии Berita Nasional Malaysia (BERNAMA) обратилось в Куала-Лумпуре к Чрезвычайному и Полномочному Послу нашей страны Равшану Усманову с просьбой рассказать о туристическом потенциале республики и ее уникальном историко-культурном наследии в специальном интервью. По данным ИА «Дунё», оно было опубликовано под заголовком «Приезжайте и ощутите «новый» Узбекистан».
В интервью наш посол рассказал об предпринимаемых мерах по развитию туризма, либерализации визовой политики, а также преимуществах инвестирования в туристическую инфраструктуру страны.
Отмечалось, что число малайзийских туристов с февраля этого года выросло на 30,2 процента, что связано с введением безвизового режима с Малайзией и рядом других государств.
Однако, как заметил дипломат, в настоящее время количество узбекистанцев, посещающих Малайзию, в десятки раз больше ежегодно прибывающих в республику малайзийских туристов. В этой связи Р.Усманов поделился планами относительно выравнивания турпотоков между двумя странами. Он подчеркнул, что связывает большие надежды с совместной разработкой и дальнейшим предоставлением узбекскими и малайзийскими туроператорами пакетов паломнического туризма «Умра Плюс». Данные пакеты предусматривают посещение малайзийцами в процессе совершения обряда Умры священных мест Узбекистана, таких как Мавзолей Имама Аль-Бухари и Мемориальный комплекс Бахавуддина Накшбанда. Для этого с 28 октября этого года национальным авиаперевозчиком НАК «Узбекистон хаво йуллари» планируется запуск прямых рейсов по маршруту Ташкент - Джидда. Малайзийцы смогут воспользоваться этим рейсом и задействовать Ташкент в качестве транзитного хаба с полезным с посещением мест паломничества в нашей стране.
Пресс-служба Управления мусульман Узбекистана