Тошкентда Ўзбекистон экспортчилари уюшмаси, Ислом бизнеси халқаро ассоциацияси ва Литванинг “World Halal Trust Group” ҳалол сертификат ва стандартини жорий қилувчи компанияси билан ҳамкорликда илк бор “Ўзбекистон Республикаси биринчи ҳалол форуми” бўлиб ўтди. Унда ҳалол сертификатининг имтиёзлари, ютуқлари ҳақида қизғин фикрлар билдирилди.

Таъкидланишича, аксарият тадбиркорлар ишлаб чиқараётган маҳсулоти ёки тақдим этаётган хизмати учун “Ҳалол” стандартини жорий қилиш ҳамда сертификатлаш жараёнини мураккаб деб ўйлайди.  

Ҳалол (яъни – рухсат этилган) тушунчаси – Ислом динида рухсат этилган маҳсулотлар бўлса, “Ҳалол” стандартлари эса, маҳсулотларни ислом дини талаблари бўйича ишлаб чиқариш, сақлаш, ташиш, сотиш ва тамғалаш жараёнларига бўлган талабларни белгилайди.  

Статистик маълумотларга кўра, “Ҳалол” стандартини жорий этиш бўйича Малайзия, Туркия, БАА, Саудия Арабистони, Қатар, Индонезия каби мамлакатлар илғор ҳисобланади.

Бугунги кунда “Halal” белгиси остида ишлаб чиқариладиган маҳсулотларга Европа Иттифоқи, АҚШ, Буюк Британия, Австралия, Канада, Хитой, Ҳиндистон, Лотин Америкаси, Янги Зеландия ва Таиландда ҳам алоҳида эътибор қаратилмоқда.

Россия Федерацияси, Украина, Қозоғистон, Қирғизистон каби МДҲ мамлакатлари Саудия Арабистони, Бирлашган Араб Амирликлари, Эрон, Иордания, Миср, Баҳрайн каби мусулмон мамлакатларига “Halal” белгиси остида ўз маҳсулотларини экспортга чиқариб улгурган. Шунингдек, дунёда мусулмонларнинг ортгани сари “Ҳалол” стандарти талаблари асосида ишлаб чиқариладиган маҳсулотларга бўлган талаб ҳам кўпаймоқда.

Форумда ана шулар ҳақида сўз юритилди.

Шаҳноза Маматуропова,  

ЎзА

Шукрулло домла Умаров

Имом Термизий халқаро илмий тадқиқот маркази директори

Жорий йилнинг 27 май куни Қирғизистон Республикаси Ош шаҳрида қирғизистонлик етук уламо Чубак Ҳожи Жалиловнинг ёрқин хотирасига бағишланган халқаро азон мусобақаси бўлиб ўтди. Унда Ўзбекистон, Қирғизистон ҳамда Қозоғистон муаззинлари ўзаро беллашди.
Мусобақада юртдошларимиздан Жиззах вилояти Шароф Рашидов тумани "Жиззахлик" жоме масжиди муаззини Ҳамзахон Дадаев ҳамда “Кўкалдош” ўрта махсус ислом таълим муассасаси 4-курс талабаси Мираъазам Ҳасановлар муносиб иштирок этди. Мусобақада Ҳамзахон Дадаев биринчиликни қўлга киритган бўлса, Мираъазам Ҳасанов ҳам фаол қатнашгани учун “Мақтов ёрлиғи” ҳамда қимматбаҳо совғалар билан тақдирланди.
Қайд этиш керакки, Ўзбекистон мусулмонлари идораси раиси, муфтий Нуриддин домла Холиқназаров ҳазратларининг ташаббуси билан устоз Шайх Алижон қори томонидан республикамиз муаззинлари ўртасида “Азон дарслари” ташкил этилган эди. Муаззинларимизнинг мазкур мусобақадаги иштироклари ана шу саъй-ҳаракатларнинг амалий натижаси бўлди, десак янглишмаймиз.

Ўзбекистон мусулмонлари идораси Матбуот хизмати

Саудия Арабистонининг “AMMONNEWS.net” электрон нашри Ўзбекистоннинг бой сайёҳлик имкониятларига бағишланган мақола эълон қилди, деб хабар бермоқда “Дунё” АА мухбири.
“Tanmiah Press” газетаси мухбири Абдулҳамид Аль-Куббий ўз мақоласида саудиялик газетхонларни мамлакатимизнинг туризм йўналишидаги кенг имкониятлари билан яқиндан таништиради.
“Ўзбекистон туризм мақсадида боришни орзу қилганлар учун ўзига хос сайёҳлик йўналишларидан биридир. Бу мамлакат илм-фан ва билимларга бой тарихга эга. Табиий гўзаллик ва ажойиб муҳитни ўзида мужассам этган ушбу мафтункор диёр билан чексиз завқланиш мумкин.
Дарҳақиқат, Ўзбекистон ноёб сайёҳлик масканларига эга. Бугунга қадар хорижлик меҳмонларга унутилмас таассуротлар улашиб келаётган тарихий ва маданий мерос ёдгорликлару, кўҳна археологик обидалар, буларнинг барчаси мамлакатнинг ўзига хослигини ёрқин намоён этади. Туризм соҳасида эришилган улкан ютуқлар, Ўзбекистоннинг эртанги куни порлоқ эканидан дарак бермоқда”, деб ёзади муаллиф.
Мақолада Тошкент, Самарқанд, Бухоро, Хоразм ва Шаҳрисабз шаҳарларининг диққатга сазовор жойлари тўғрисида батафсил маълумот берилган.
Ўзбекистон ҳукуматининг соҳага қаратаётган эътибори ва тегишли инфратузилманинг яратилгани шарофати билан мамлакатда туризм тобора ривожланиб бораётгани, бу эса уни тарғиб қилиш ва сайёҳларни янада кўпроқ жалб этишга хизмат қилаётгани алоҳида урғуланган.
“Ўзбекистон аҳолиси меҳмонлар ва сайёҳлар учун барча имкониятларни ишга солган ҳолда, уларга ўз санъати ва меҳмондўстлигини намойиш этади. Буларнинг барчаси юксак тамаддун мақомидаги меросхўр бўлмиш, меҳмону сайёҳларда катта қизиқиш уйғотаётган, замон билан ҳамнафас яшаб келаётган ўзбек халқи қалбидан чуқур жой олган”, - дея якунланади Саудия Арабистони электрон нашрида чиққан мақола.

Ўзбекистон мусулмонлари идораси матбуот хизмати

Ўзбекистон мусулмонлари идораси раиси ўринбосари

Жалолиддин домла Ҳамроқулов