Қуръон барча эҳтиёжларингиз ва амалларингиз учун дастуруламал бўлувчи Китобдир.

1. Сиз: “Омадсизман”, деб айтманг!

Чунки Аллоҳ таоло: “Мўминлар нажот топдилар” деб марҳамат қилган (Муьминун сураси, 1-оят).

2. Сиз: “Бунчалик қийин”, деб айтманг!

Чунки Аллоҳ таоло: “Бас, албатта, ҳар бир қийинчилик билан бирга енгиллик бордир. Албатта, ҳар бир қийинчилик билан бирга енгиллик бордир” деб марҳамат қилган (Шарҳ сураси, 5-6-оятлар).

3. Сиз: “Менга ҳеч ким ёрдам бермайди”, деб айтманг!

Чунки Аллоҳ таоло: “Мўминларга мадад бериш Бизнинг зиммамиздаги ҳақ бўлган” деб марҳамат қилган (Рум сураси, 47-оят).

4. Сиз: “Ёлғизман”, деб айтманг!

Чунки Аллоҳ таоло: “Қўрқмангиз! Албатта, Мен сизлар билан биргаман – эшитаман ва кўраман” деб марҳамат қилган (Шарҳ сураси, 5-6-оятлар).

5. Сиз: “Гуноҳларим жуда кўп”, деб айтманг!

Чунки Аллоҳ таоло: “Албатта, Аллоҳ тавба қилувчиларни севади” деб марҳамат қилган (Бақара сураси, 222-оят).

6. Сиз: “Динга амал қилиш жуда қийин”, деб айтманг!

Чунки Аллоҳ таоло: “Аллоҳ сизларга енгилликни истайди, оғирликни хоҳламайди” деб марҳамат қилган (Бақара сураси, 185-оят).


7. Сиз: “Камбағал-фақирман”, деб айтманг!

Чунки Аллоҳ таоло: “Имон келтирган ва солиҳ амалларни қилганлар учун мағфират ва фаровон ризқ бордир” деб марҳамат қилган (Ҳаж сураси, 50-оят).


8. Сиз: “Беморман”, деб айтманг!

Чунки Аллоҳ таоло: “Қуръонни мўминлар учун шифо ва раҳмат ўлароқ нозил қилурмиз” деб марҳамат қилган (Исро сураси, 82-оят).


9. Сиз: “Бунга кучим етмайди”, деб айтманг!

Чунки Аллоҳ таоло: “Аллоҳ ҳеч бир жонга тоқатидан ташқари нарсани таклиф этмайди” деб марҳамат қилган (Бақара сураси, 286-оят).


10. Сиз: “Меҳнатларим қадрланмаяпти, ўзимни қадрсиз ҳис қиляпман”, деб айтманг!

Чунки Аллоҳ таоло: “Албатта, бу сизлар учун мукофот ва сизларнинг саъй-ҳаракатларингиз (Аллоҳ наздида) мақбулдир” деб марҳамат қилган (Инсон сураси, 22-оят).


11. Сиз: “Шайтоннинг макри бунча кучли”, деб айтманг!

Чунки Аллоҳ таоло: “Албатта, шайтоннинг макри заифдир” деб марҳамат қилган (Нисо сураси, 76-оят).


12. Сиз: “Ғалаба узоқда”, деб айтманг!

Чунки Аллоҳ таоло: “Огоҳ бўлингки, Аллоҳнинг ёрдами (ҳамиша) яқиндир” деб марҳамат қилган (Бақара сураси, 214-оят).

Аллоҳ таоло ҳаётимизнинг ҳар бир лаҳзасини Қуръони карим оятларига мувофиқ ўтказишимизга тавфиқ ато этсин!

Даврон НУРМУҲАММАД

Воқеа – қиёмат номларидан бири. Воқеа сурасида қиёмат қоим бўлганда рўй берадиган ҳодисалар баён этилган, охиратда бандалар оладиган мукофотлари, жаннат неъматлари, дўзах аҳлининг азоб-уқубатлари тафсилоти келтирилган.

Ибн Асокир нақл қилишича, Абдуллоҳ ибн Маъсуд розияллоҳу анҳу вафот этиши арафасида бетоб бўлиб қолди. Усмон ибн Аффон розияллоҳу анҳумо уни кўргани бориб, ҳол-аҳвол сўради:

– Нимадан шикоятинг бор?

– Гуноҳларимдан.

– Нимани хоҳлайсан?

– Роббимнинг раҳматини.

– Сенга табиб буюрайми?

– Табиб (яъни, Аллоҳ) мени бетоб қилди.

– У ҳолда сенга совға-салом буюртирайми?

– Ҳожати йўқ.

– Сенга керак бўлмаса, қизларингга қолади.

Ибн Масъуд розияллоҳу анҳу бунга жавобан бундай деди:

– Қизларим камбағал бўлиб қолишларидан қўрқяпсанми? Мен уларга ҳар кеча Воқеа сурасини ўқишни буюрганман. Чунки Расулуллоҳ соллаллоҳу алайҳи васаллам: “Ким ҳар кеча Воқеа сурасини ўқиса, зинҳор қашшоқликка учрамайди”, деганларини эшитганман.

Тунда Воқеа сурасини бошидан охиригача ихлос билан ўқиган одам қашшоқлик кўрмайди: ризқи кенг бўлади, касб-корига барака киради. Тажрибада синаб кўрганлар бунинг ҳақиқат эканини таъкидлашган.

Воқеа сураси кенг ризққа сабаб бўлиши ҳақида бундан бошқа ривоятлар ҳам бор. Жумладан, Анас ибн Молик розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Воқеа бойлик сурасидир. Уни (ўзингиз) ўқинг, фарзандларингизга ҳам ўргатинг”, деганлар (Ибн Мардавайҳ ривояти).

Муҳаммад Раҳим домла Абдуқодиров,
"Доруссалом" масжиди имом-хатиби.

"Албатта, Лут ҳам юборилган Пайғамбарлардандир" (Соффат сураси, 133-оят).

Ўзбекистон мусулмонлари идораси Матбуот хизмати

 Хитойнинг машҳур “Phoenix Weekly” журналида “Ўзбекистон: Ипак йўлининг дурдона асари” мақоласи чоп этилди, деб ёзади “Дунё” ахборот агентлиги.

Нашрнинг ёзишича, Ўзбекистон дунёга машҳур сайёҳлик масканига айланмоқда. Нуфузли “Lonely Planet” туризм журнали 2024 йилда Ўзбекистонни дунёнинг энг яхши сайёҳлик йўналишларидан бири деб топди.

Ўзбекистоннинг Тошкент, Самарқанд, Бухоро ва Хива каби шаҳарлари сайёҳлар учун энг машҳур йўналиш ҳисобланади. Бу ерда сайёҳлар учун барча шароит яратилган.

“Самарқанд Марказий Осиёдаги энг қадимий шаҳар бўлиб, 2500 йилдан ортиқ тарихига эга. Унинг жуғрофик жиҳатдан қулай жойлашуви Ипак йўлининг гуллаб-яшнашига катта ҳисса қўшган. 2001 йилда Самарқанд ЮНЕСКОнинг Жаҳон маданий мероси рўйхатига киритилган”, дейилади мақолада. Регистон майдони, Гўри Амир мақбараси, Бибихоним масжиди, Шоҳи Зинда мажмуаси ва Самарқанднинг бошқа кўплаб диққатга сазовор жойлари жаҳон сайёҳларининг эътиборини тортмоқда”.

Яна бир тарихий шаҳар – Бухоро ўзига хос меъморий услубда қурилган. Шаҳар марказида жойлашган “Калон” минораси жуда чиройли ва машҳур сайёҳлик обидаси саналади.

“Ҳозирда Ўзбекистон Хитойнинг сайёҳлик компаниялари ва оммавий ахборот воситалари билан ҳамкорликда туризмни ривожлантириш устида ишламоқда. 2020 йилда Самарқандда хитой тилида сўзлашувчи гидлар тайёрлаш ва Ўзбекистонга ташриф буюрган хитойлик сайёҳларга хизмат кўрсатиш учун хитой таомларини тайёрлашга ихтисослашган “Ипак йўли” халқаро туризм университети ташкил этилди”, дея хулоса қилади “Phoenix Weekly” журнали.

 Ўзбекистон мусулмонлари идораси Матбуот хизмати.

   خلال شهر رمضان المبارك يقوم مجموعة من العلماء والأئمة والقراء المهرة في رحلة عمل إلى دول مثل الولايات المتحدة الأمريكية وروسيا الاتحادية وكوريا الجنوبية للتحدث مع أبناء وطنهم في الخارج والاستماع إلى آلامهم وهمومهم والاستجابة لها لمناشداتهم والمشاركة في صلاة التراويح

 شارك ممثل إدارة مسلمي أوزبكستان في محافظة أنديجان و رئيس الأئمة والخطباء ميرزا مقصود داملا عليموف و نائب ممثل إدارة مسلمي أوزبكستان في محافظة نمنكان عابدخان قاري إكراموف و نائب ممثل إدارة مسلمي أوزبكستان في محافظة بخارى أويزوف آتابيك و نائب مدير معهد طشقند الإسلامي بإسم الإمام البخاري طاهر عوض الله يوف والإمام والخطيب لمسجد " تشينار" الواقع في مدينة أنديجان عوض بيك داملا مؤمنوف في الإجتماعات التي عقدت في مدن كوريا الجنوبية مثل سيول و كوجيدوو كيمخي و تشيونغجو و موكبو وأجرى الحوارات المثيرة للاهتمام

   يتم تنظيم مثل هذه الأحداث أيضًا لمواطنينا الذين وصلوا للعمل والدراسة في مناطق الاتحاد الروسي مثل موسكو وماجادان وجنوب سخالين. شارك مظفر داملا كمالوف رئيس قسم المساجد بإدارة مسلمي أوزبكستان ومظفر داملا إبراهيموف إمام مسجد "الملا عبد القادر" الواقع في مدينة نمنكان  وفضل الدين داملا عبد الله يوف إمام مسجد "عثمان ذي النورين" الواقع في مدينة أنديجان في الاجتماعات المنعقدة بهذه المناطق

    مواطنو في ولاية أورلاندا التابعة للولايات المتحدة الأمريكية يستمعون إلى المحاضرات والخطب وختمات القرآن الكريم التي القيت من قبل الإمام والخطيب  لمسجد "خوجة عبد الله" بمحافظة فرغانة عبد الواحد داملا منصورعليوف ونائب إمام لمسجد "بابا توكل" الواقع بمدينة أنديجان محمدجان قاري خوجايوف

   ويتحدث موظفو القطاع الديني خلال الرحلة مع أبناء الوطن عن قيم الدين الإسلامي وفضائل شهر رمضان وحب الوطن وعدم الانخداع بالأفكار الهدامة

الخدمة الصحفية لإدارة مسلمي أوزبكستان