Кекса отахон бемор бўлди ва уч ўғлини қошига чорлаб, уларга мол-мулкини тақсимлаб бергандан сўнг:

– Ўғилларим, қўлимда қимматбаҳо бир дур қолди. Бу дурни ким охирги уч ой ичида энг улуғ савоб иш қилган бўлса, шунга бераман, – деди.

Бу гапни эшитган тўнғич ўғил:

– Отажон, бир кун анҳор ёқалаб кетаётсам, бир аёл у ёқдан-бу ёққа дод солганча йиғлаб, югу­рар эди. Билсам, тўққиз ёшли фарзанди сувга тушиб кетиб чўкаётган экан. Анҳор чуқур ва тез оқаёт­ган бўлса-да, жонимни хатарга қўйиб, ўзимни сув­га отдим ва болани қутқардим. Боласини бағ­рига босган она, хурсандлигидан ҳақимга кўп дуо­лар қилди, бу ҳақиқий мардлик эмасми? – деди.

– Баракалла ўғлим, катта жасорат кўрсатиб­сан. Бу улуғ савоб иш, сен ҳақиқий ботир йигит­нинг ишини қилибсан, – деб мақтаб қўйди.

Навбат иккинчи ўғилга келди:

– Дўконимда савдо-сотиқ билан машғул эдим, нотаниш бир киши менга анчагина олтин-кумушни “сизга омонат” деб, ташлаб кетди. Исми­ни ҳам, манзилини ҳам айтмади. Орадан анча вақт ўтди. У одамдан дарак йўқ! Кунларнинг бирида дўконимга омонатнинг эгаси кириб келиб, ташлаб кетган омонатини сўради. Омонатнинг бир тийинига ҳам хиёнат қилмай, эгасига қайтариб бердим. Бу ишим мардлик эмасми? – деди.

– Ҳа, сен ҳам омонатдор, содиқ мўминнинг ишини қилибсан! Омонатни сақлаш ва унга хиё­нат қилмаслик олижаноб иш, – деб ўртанча ўғлини алқади.

Навбат кенжа ўғилга етди:

– Менинг ашаддий душманим бор эди. Бир кун тонгда ёнбағирда айланиб юрсам, бир одам жарлик ёқасида ухлаб ётибди. Озгина ҳаракат қилса, жарга қулайди. Ёнига борсам, душманим! Ита­риб юборсам, ўлиши аниқ эди. Аммо унга ўлимни истамадим, уни уйғотиб, “Эҳтиёт бўл, жарга ту­шиб кетишинг мумкин!” деб ўлимдан сақлаб қол­дим, – деди.

Ота кенжа ўғлини бағрига босиб:

– Болажоним, сен энг улуғ савоб ишни қилиб­сан! Душманингни ўлдиришга қодир бўла туриб, унга яхшилик қилиб, ўлимдан сақлаб қолибсан, бу – мард йигитнинг иши. Манави қимматбаҳо дур сенга, – деб ваъда қилинган мукофотни унга берди.

Ҳақиқий мард инсон душманига ҳам ёмон­ликни раво кўрмайди. Қўлидан келганича яхшилик қилади. Доно халқимизда “Яхшидан боғ, ёмондан доғ қолади», деб бежиз айтилмаган.

Азиз китобхон! Сиз кимларга яхшилик қил­гансиз? Яхшиликнинг мукофоти яхшилик эка­нини биласизми?!

“Қасамини бузган қиз” китобидан

Зиёратчиларимиз Маккаи мукаррамада ибодатларини амалга оширар эканлар, бу ерда зиёратчиларимизга Макка шаҳри тарихи, ҳаж амали тарихи, унинг одоблари ва фазилатлари, ҳаж ибодатини адо этиш тартиби билан боғлиқ муҳим маълумотлар кундалик тарзда бериб борилмоқда.
Бугун ҳам зиёратчиларимиз учун Тошкент вилояти бош имом-хатиби Хайрулло Турматов томонидан ана шундай суҳбат ўтказилди. Ушбу суҳбат Макка шаҳрининг барпо бўлиш тарихи ва унинг ривожланиши, ҳаж амалининг тарихи ва унинг сирлари мавзусида бўлиб отди. Суҳбат давомида, Иброҳим алайҳиссаломнинг ҳаёти, Исмоил алайҳиссаломнинг дунёга келиши ва болалик даври, қурбонлик қилиш тарихи бевосита Исмоил алайҳиссалом билан боғлиқ экани, Сора онамиз ва Ҳожар онамиз ҳақларида ҳамда Каъбанинг қурилиши, зам-замнинг мўжизавий жиҳатлари борасида маълумотлар берилди. Кўплаб муҳим тарихий маълумотларга эга бўлган юртдошларимиз ташкилотчиларга ўз миннатдорчиликларини билдирдилар.

ziyo.uz

Андижон вилояти ҳожиларининг 6-7-8-9 гуруҳлари Мадинаи мунавварадан оппоқ эҳромларни ўраган ҳолда Маккаи мукаррамага эсон-омон етиб келдилар. Бу ерда уларни Ўзбекистон мусулмонлари идорасидан тайин қилинган ишчи гуруҳи жуда катта мамнуният билан кутиб олди. Ушбу гуруҳдаги ҳожиларимиз бугун кечки вақтда Ҳарами шарифда муборак умра ибодатини бажарадилар. Аллоҳ таоло барча ватандошларимизнинг ибодатларини қабул айласин.

Андижон вилояти вакиллиги

“Отамиз бир ишга буюриб эмас, ўзлари намуна бўлиб ўргатар эдилар”.  Анвар қори Турсунов ўғлининг отаси ҳақидаги хотиралари

Таниқли олим, имом-хатиб, Навоийшунос Анвар қори Турсуновнинг ҳаёт йўлларида кўплаб ибратли ва таъсирли воқеалар мавжуд эди. Аллоҳ таоло у кишини тириклар сафидан олди. У киши ҳақидаги хотиралар энди қалбларга кўчди. “Мувад видео” студияси марҳум домламизнинг кенжа ўғли Зиёвуддин Турсунов билан отаси ҳақидаги айрим хотиралар хусусида суҳбат уюштирди. Ана шу суҳбатни эътиборингизга ҳавола этамиз:

https://youtu.be/DJmGw5HlJ7U

манба: vakillik.uz

Вашингтон университети талабаси Навид Азоди курсдоши Томас Прайор билан биргаликда ёзма ёки оғзаки нутқни имо-ишоралар тилига таржима қилиб берадиган қўлқоп ихтиро қилди. Ёш ихтирочилар ушбу қўлқопни имо-ишоралар тилида гаплашувчи кишилар ҳам бошқа олам билан боғлана олсин деган мақсадда яратганини айтишди. Улар мазкур ихтироси учун Массачусети технология университети мукофотига сазовор бўлдилар.

«Дастлаб бизни соф техник муаммо жалб қилди ва биз уни бартараф этиш йўлларини қидирдик. Айни шу вақтда инсоннинг мулоқот қилиш ҳуқуқи ҳам эътиборимизни тортиб қолди ва буни амалга ошириш мумкин, ахир инсонлар кўпчилик билан мулоқот қилишни исташади-ку, деган қарорга келдик”, дейди улар.

Қўлқопга ўрнатилган сенсор ҳаракатлар ва имо-ишораларни тўлқинларда мутаносиб ҳолга келтиради, кейин ахборотни симсиз алоқа орқали ҳаракатлар билан сўз бирликларини ўзаро  мувофиқлаштириб, якуний иборалар ясайдиган компьютерга жўнатади. Кейин эса ўша ибора сўзловчи томонидан  жаранглайди ёки ёзув нутқига айланиб қолади.

Имо-ишоралар тилидан таржима қилишнинг бошқа техник воситалари ҳам мавжуд. Бироқ улар фойдаланиш учун унчалик қулай эмас. Азоди ва Прайор ушбу воситани имкон қадар соддалаштиришга ва қулайроқ қилишга ҳаракат қилдилар. Уларнинг қўлқопи ихчам, фақат кафтни ёпади ҳамда ундан эшитиш аппарти ва контак линза сифатида фойдаланиш мумкин.

Робия ЖЎРАҚУЛОВА тайёрлади.