muslim.uz

muslim.uz

Понедельник, 10 Январь 2022 00:00

Фаришталар ҳақида нималарни биламиз?

Одамлар орасида фаришталар ҳақида турли фикрлар, гап-сўзлар юради. Бунинг сабаби эса улар ҳақида тўлиқ маълумотга эга эмаслигидир.

Яқинда мен ўқиган китоб (мусанниф Ҳабибуллоҳ Садриддин қори ўғли) ана шундай асоссиз фикр

ва қарашлардан йироқ бўлиш, шу билан бирга, фаришталарни яқиндан танишга ёрдам беради.

Энг асосийси, китобда фаришталар ҳақидаги маълумотлар тушунарли, ихчам тарзда берилган бўлиб, уни ўқиган киши малакут олами вакиллари ҳақида зарур билимга эга бўлади.

Китобда фаришталарга имон келтириш, уларнинг ким эканлиги, номлари ва сифатлари, мақомлари, ибодат қилишлари, амаллари ҳамда вазифалари ҳақида батафсил сўз юритилган.

Шунингдек, фаришталар кирмайдиган хонадонлар, гуноҳкор кишиларга уларнинг муносабатлари ҳам ёритилган.

Фаришталарга имон келтириш имон шартларидан биридир. Хўш, фаришталарга имон келтириш деганда нима тушунилади? Бу ҳақда китобда бундай дейилади: “Фаришталарнинг мавжуд эканликлари, уларнинг мақом-мартабалари, ўзларининг вазифаларига муносиб бўлган халқий (яратилишга оид) ва хулқий сифатлари борлиги, Раббимизнинг розилиги учун доимий ибодатда бўлишлари, Аллоҳ ҳузурида турли даражаларга эга эканликлари каби сифатларига бекаму кўст имон келтириш тушунилади”.

Табиат ҳодисалари ўз-ўзидан бўлаётгандек туюлади. Аммо биз билмаган сир-синоатлар борки, уларни англаганинг сайин Аллоҳнинг қудратига қойил қоласан, киши. Жумладан, китобда фаришталарнинг булутларни ҳайдаши ва ёмғир ёғдириши ҳақидаги қайдлари ҳар биримизни мулоҳазага, тафаккурга чорлайди.

“Албатта, биз доимо гувоҳи бўлиб турган булутларнинг сузиб юриши ва бир жойдан бошқа жойга

кўчиши каби ишларни баъзи инсонлар ўз-ўзидан содир бўлади ёки табиат уларни юрғизиб туради, деб ўйлайди. Ҳолат аслида ундай эмас. Булутларни Аллоҳ азза ва жалла юрғизиб қўйган...”. 

Ҳар бир инсон дунёга келар экан, унинг яралишида фаришталарнинг ҳам ўз вазифалари

бор. Бу ҳақда китобда бундайдейилади: «Раҳмга ва ҳомилани тасвирлашга вакил қилинган фаришталар бўлиб, улар ҳомилани инсон суратига келтириш, қулоқ, кўз, тери,

гўшт, суяклар ва жинсини яратиш ҳамда руҳ пуфлаш каби ишларни бажаради.

Абу Зар Ғифорий розий аллоҳу анҳудан ривоят қилинади: «Мен Расулуллоҳ соллаллоҳу алайҳи ва салламнинг “Агар нутфа ташланганида қирқ кеча ўтса, Аллоҳ таоло унга бир фариштани юборади. Фаришта уни сувратлаб, унинг қулоғи, кўзи, териси, гўшти ва суякларини яратади. Сўнгра: “Эй Раббим, эркакми ёки аёлми?”деб сўрайди. Раббинг эса ўзи хоҳлаганидек ҳукм қилади ва фаришталар уни ёзиб қўяди”, деганларини эшитганман”, дедилар» (Имом Муслим ри вояти).

“Фаришталар” китобини ўқир экансиз, қизиқарли манбаларни кўплаб учратасиз. Бу эса сизга асарни бир нафасда ўқиб чиқишга замин яратади.

Бобур ЙЎЛЧИ ўғли

журналист

Саудия Арабистони масжид меъморларига ҳар уч йилда бериладиган Абдулатиф ал-Фозан мукофоти совриндорларини танлади. Бу йил танловнинг мавзуси этиб "21-аср масжидлари архитектураси" танлаб олинди. Танловда 201 мамлакатдан 43 та масжид иштирок этди. Улардан тўрт меъмор, антрополог, рассом ва санъатшуносдан иборат халқаро ҳакамлар ҳайъати еттита ғолибни танлаб олди, деб хабар беради IslamNews.

Мукофот бир неча номинациялар бўйича тақдим этилди: давлат даражасида Мамлакатни ифодаловчи марказий масжид, Жума намози учун масжид, Туман масжиди. Саудия Арабистонидаги Қирол Абдуллоҳ Катта масжиди, Ливандаги Амир Шакиб Арслон масжиди, Туркиядаги Сажаклар масжиди, Мисрдаги Басон масжиди, Индонезиядаги Ғарбий Суматра Катта масжиди ва Малидаги Женне Катта масжиди энг яхши масжидлар сифатида эътироф этилди.

Arch Daily хабарига кўра, мукофот 2011 йилда "масжид меъморчилигини яхшироқ тушуниш ва ўтмиш, келажак ва бугунги кун ўртасидаги алоқани кучайтириш учун пойдевор қўйиш" мақсадида таъсис этилган.

Ўзбекистон мусулмонлари идораси матбуот хизмати

Четверг, 30 Декабрь 2021 00:00

Мазҳабга эргашайлик!

Асрлар оша диёримиз мусулмонлари бир мазҳабга эргашиб келишган.


Аммо, ҳозирги кунларда ҳанафий мазҳабига эргашиб келаётган сизу- биз мусулмонларни тақлид қилувчи гумроҳлар дея айблаётган тоифалар пайдо бӯлишган.


Уларнинг, мужтаҳид имомларга эргашиш, уларга тақлид қилиш ҳаром ва ширк, уларга тақлид қилувчилар эса гумроҳлар деб айтаётган гапларига раддия сифатида қуйидаги ҳужжат ва далилларни келтирамиз.
"Агар билмайдиган бӯлсангиз, зикр аҳлларидан сӯрангиз " (Наҳл сураси 43- оят) .


Ҳузайфа розияллоҳу анҳу айтадилар: Биз Набий соллаллоҳу алайҳи васалламнинг ҳузурида эдики. У зот: " Мен сизларнинг орангизда яна қанча яшашимни билмайман. Шунинг учун мендан кейин Абу Бакр ва Умарга эргашинглар " - дея ишора қилдилар (Имом Термизий ривояти).


"Мажмуатул фатово " китобида Шоҳ Валиюллоҳ Деҳлавийнинг қуйидаги сӯзлари келтирилган: " Ҳиндистон ва Мовароуннаҳр юртларида Шофеий , Моликий ва Ҳанбалий мазҳаби тарқалмаган ва китоблари ҳам етиб келмаган. Шунинг учун ушбу диёрларда яшовчи, ижтиҳод қилиш даражасига етмаган кишиларга Абу Ҳанифа мазҳабига эргашишлик вожиб бӯлади " .


Шундай экан бемазҳабликга чақираётган кимсаларнинг: " Мен қуръон ва ҳадисдан ӯзим ҳукм оламан " деган, ихтилофни ва уммат бирлигига раҳна солувчи нотӯғри даъволарига қулоқ солмайлик.
Аксинча, бемазҳабликга юз тутмай, ӯтган аждодларимиз каби Ҳанафий мазҳабига амал қилиб ва унда собит турайлик!

Абдуллахон Мирзаев
Денов туман "Муҳаммадқул" жомеъ масжиди имом-хатиби.

Ҳозирги кунда Буюк Ипак йўли маршрутида жойлашган Қизилтепа туманида йирик реконструкция ишлари амалга оширилмоқда. Унинг ҳудудида 72 та маданий мерос объекти, жумладан, 54 та археологик ёдгорлик мавжуд, шунинг учун вилоят зиёрат туризми жиҳатидан айниқса жозибадор, дея хабар беради “Правда Востока” нашри.

Маҳаллий тарихий диққатга сазовор жой - Хўжа Боязид Бистомий мажмуасининг кенг кўламли реконструкцияси, шунингдек, Тўдакўл кўли қирғоқ қисмида катта замонавий дам олиш майдони ва кўнгилочар мажмуаси ҳудудида сайёҳлик объектларини қуриш тугагандан сўнг республика вилоятлари ва минтақаларидан катта сайёҳлик оқими кутилмоқда. Минтақага келаётган меҳмонларга кўрсатиладиган хизматларни кенгайтириш бўйича лойиҳалар доирасида ўтган бир ярим йил мобайнида, жумладан, халқаро аҳамиятга эга М-37 автомагистрали бўйлаб бир нечта меҳмонхона мажмуалари қурилди", - дейилади хабарда.

Қадим Қизилтепанинг “Бўстон” қўрғонида ҳазрат Боязид Бистомий зиёратгоҳи борлиги ҳам улуғ авлиёга эҳтиром рамзи албатта. Бу табаррук жойда 1929 йилгача маҳобатли масжид ва минораси бўлиб, советлар даврида бузиб ташланган. Масжид Навоий вилоят адлия бошқармаси томонидан 11.08.1998 йил №08 сон билан рўйхатдан ўтган.

Султонул орифин, бурхонул муҳаққин (таҳқиқ аҳли ҳужжати) Ҳазрат Боязид Бастомийнинг тўлиқ исмлари Имом Абураҳмон ас Суламининг . (936-1021)"Табақоти суфиййа" китобларида берилгандир: Абу Язид (Боязид) Тайфур бин Исо Сарушон. Бу зоти шариф 801 йилда Эрондаги Бастом (Вистом) шаҳрида туғилганлари боис Бастомий номи билан машҳур бўлдилар. Ҳазрат Боязид болалик вақтларида мактабга бораётиб буюк авлиё Ҳазрат Шақиқи Балхий билан рўпара бўладилар ва эҳтиром билан Ҳазрат Балхийга салом берадилар. Шақиқи Балхийнинг назарлари Боязидга тушган заҳоти дейдилар: "Бу гўдак келажакда замонанинг энг буюк авлиёси бўлажак".

Тайфурийя тариқатининг асосчиси Боязид Бастомий илми хол бўйича энг машҳур ва маъруф сиймолардан бири эдилар. Боязид Бастомий 875 йилда вафот этадилар. Ҳақ ризосига, маърифатуллоҳ ва муҳаббатуллоҳга эришган соҳиб каромат валиюуллох, вафотларидан кейин ҳам шогирдлари қалбида яшаб, уларни дунё ва охират ишларидан хабардор этадилар. Уларни дину диёнат ҳукмларини сабр ва таваккул ила адо этмоққа даъват этадилар.

Ўзбекистон мусулмонлари идораси матбуот хизмати

Страница 10 из 1762
Top