muslim.uz
Саудия Арабистонида ноқонуний Ҳаж қилгани учун 300 мингдан ортиқ киши ҳибсга олинди
Уларнинг кўпчилиги зиёрат визаси ўрнига туристик виза билан Ҳажни бажаришга ҳаракат қилган.
Саудия Арабистони расмийлари Ҳажда қатнашиш учун рўйхатдан ўтмаган 300 мингдан ортиқ одамни ҳибсга олди.
Sharqpress хабарига кўра, охирги кунларда қўлга олинганлар орасида зиёрат визаси ўрнига туристик визада Ҳаж зиёратига боришга уринган 157 мингга яқин хорижлик бор.
Ҳаж хавфсизлиги қўмитаси раҳбари Муҳаммад ибн Абдуллоҳ Ал-Басамий Ҳаж қоидалари ва кўрсатмаларига риоя қилмаган зиёратчиларнинг 140 та гуруҳи ва 64 та транспорт ташкилоти аниқланганини маълум қилди.
Саудия Арабистони расмийларига кўра, 8 июндан буён мамлакатга рўйхатдан ўтган 1,3 миллиондан ортиқ зиёратчи Ҳажда қатнашиш учун келган.
Саудия Арабистони расмийлари ҳар йили ноқонуний равишда Ҳаж зиёратини адо этишга уринган шахсларни қўлга олади. Ўтган йили 17 мингдан ортиқ одам рухсатсиз Ҳажга боришга урингани учун ҳибсга олинган эди.
Аввалроқ мамлакат ҳукумати хориж фуқаролари ва резидентларини 2024 йилги Ҳажда ноқонуний иштирок этганлик учун қаттиқ жазоланишидан огоҳлантирган эди. Баёнотга кўра, зиёрат қилиш учун рухсатномаси бўлмаган шахслар 2 ойдан 6 ойгача қамоқ жазосига ва 50 минг Саудия риёлигача (13,3 минг доллардан ортиқ) жаримага тортилиши мумкин.
Шунингдек, қонунбузар хорижликлар депортация қилинади ва мамлакатга кириши 10 йилга тақиқланади.
Саудия Арабистони қонунчилигига кўра, туристик виза билан зиёрат қилиш мумкин эмас. Зиёрат учун икки хил виза мавжуд - Ҳаж визаси ва Умра визаси. Бу икки хил виза бўлиб, бирини ўрнига бошқасидан фойдаланиш қоидабузарлик ҳисобланади. Шунингдек, ушбу визалар билан мамлакат бўйлаб саёҳат қилиш мумкин эмас: Жидда, Макка ва Мадинадан бошқа шаҳарларга кириш чекланади.
kun.uz
Илм эгаларига адоват қилишдан сақланинг!
Қобилжон домла Исҳоқов
Андижон шаҳар "Шаҳидтепа" жоме масжиди имом хатиби
Саудия хайрия маркази "Вақф" фондига 25 тонна хурмо ҳадя қилди
Саудия Арабистонининг “Подшоҳ Салмон” номидаги инсонпарварлик ёрдами маркази юртимизга беғараз кўмак сифатида 25 тонна хурмо мевасини ҳадя қилди.
Хурмоларни Саудия Арабистонининг Ўзбекистондаги элчиси Юсуф Солиҳ Алгаҳра Ўзбекистон мусулмонлари идораси раисининг ўринбосари Зайниддин домла Эшонқулов, Диний идора раисининг Иқтисод ишлари бўйича маслаҳатчиси Алишер Эшимов ва “Вақф” хайрия жамоат фонди раҳбари Исохон Абдуллаевга топширди.
Эндиликда ҳадя қилинган хурмо мевалари “Вақф” хайрия жамоат фондининг Қорақалпоғистон республикаси, вилоятлар ва Тошкент шаҳридаги филиаллари томонидан ижтимоий кўмакка муҳтож, боқувчисини йўқотган, етим, ногиронлиги бор кишилар ҳамда “Мурувват” уйлари ва шифохоналардаги ҳақдор юртдошларимизга хайрия қилинади.
Топшириш маросимида “Подшоҳ Салмон” номидаги инсонпарварлик ёрдами маркази вакиллари Аднан Хатим Асирий ва Алақил Абдулҳаким Саъад ҳам иштирок этди.
Ўзбекистон мусулмонлари идораси ҳузуридаги
"Вақф" хайрия жамоат фонди
Матбуот хизмати
Қурбонлик қилиш одоблари
Ўзбекистон мусулмонлари идораси раиси ўринбосари
Зайниддин домла ЭШОНҚУЛОВ
Зулҳижжа ойининг аввалги 10-кунининг фазилати
Муҳаммадқуддус Абдулманнон
Хўжаобод тумани "Етти Чинор" жоме масжиди имом-ноиби
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.