muslim.uz
Бош имом-хатиблар учун малака ошириш курслари
Янгиликлар 24
Akademiya Kengashining navbatdagi majlisi o‘tkazildi
O‘zbekiston xalqaro islom akademiyasida Akademiya kengashining navbatdagi kengaytirilgan shakldagi majlisi bo‘lib o‘tdi. Unda Akademiya rahbariyati, Kengash a’zolari, fakultet dekanlari, kafedra mudirlari, bo‘lim boshliqlari ishtirok etishdi.
Kengash majlisini O‘zbekiston Respublikasi Prezidentining maslahatchisi, O‘zbekiston xalqaro islom akademiyasi rektori, Kengash raisi Muzaffar Komilov olib bordi.
Ma’lumki, muntazam tarzda o‘tkaziladigan Akademiya Kengashi yig‘ilishida muassasa oldida turgan muhim va dolzarb masalalar atroflicha muhokama qilinib, yechimini kutayotgan holatlar bartaraf etiladi hamda kelgusi vazifalar belgilab olinadi.
Akademiya rektori, Kengash raisi Muzaffar Komilov majlisni ochib berarkan, yaqinlashib kelayotgan Mustaqillik bayrami bilan barchani tabrikladi.
Shundan so‘ng Akademiya rektori o‘tgan o‘quv yilida amalga oshirilgan ishlarni sarhisob qilish, yo‘l qo‘yilgan kamchiliklarni bartaraf etish muhim ekanini qayd etdi.
O‘zbekiston xalqaro islom akademiyasida 2023-2024-o‘quv yilini tashkil etish bo‘yicha amalga oshirilayotgan ishlar va Akademiyada oldida turgan dolzarb vazifalarga to‘xtalib o‘tdi.
Majlis davomida O‘zbekiston xalqaro islom akademiyasida 2023-2024-o‘quv yilida kadrlar tayyorlash va ularga zamon talabi darajasidagi shart-sharoitlarni yaratish, ta’lim-tarbiya va ilmiy tadqiqot faoliyati sifatini oshirishga mo‘ljallangan o‘quv yili ish rejalari loyihasi muhokamasi o‘tkazildi. Bu bo‘yicha soha prorektorlari, fakultet dekanlari hamda bo‘lim boshliqlarining ma’lumotlari tinglandi.
Shundan so‘ng O‘quv ishlari bo‘yicha prorektor Zokirjon Ro‘ziyevning 2023-2024-o‘quv yili uchun fan dasturlari, o‘quv rejalari va me’yoriy hujjatlarni zamon talablari hamda akademik ta’limga mos ravishda bakalavriat ta’lim yo‘nalishlari va magistratura mutaxassisliklari uchun malaka talablariga muvofiq holda ishlab chiqilganlik holati to‘g‘risidagi hisoboti tinglandi.
Kengashda sohadagi shu kabi yutuqlar e’tirof etilgan holda, diniy-ma’rifiy sohada bajarilishi zarur bo‘lgan galdagi vazifalar va mavjud muammolar ham tahlil qilindi.
Yig‘ilish yakunida muhim vazifalar belgilab olindi.
O‘zbekiston xalqaro islom akademiyasi
Matbuot xizmati
Эроннинг етакчи нашрида Хиванинг бой меросига бағишланган мақола чоп этилди
Эроннинг етакчи «Isfahan Ziba» газетасида «Ўзбекистоннинг Хива мўжизаларига бир назар: Исфаҳондан Дорулислом Хоразмгача» сарлавҳали мақола чоп этилди, деб хабар бермоқда «Дунё» АА мухбири.
Нашрнинг бутун бир саҳифасини эгаллаган мазкур материал эроншунослик бўйича катта эксперт, «Isfahan Ziba» газетаси муҳаррири Нафиса Ҳужжатийнинг мамлакатимиздаги тарихий масканлар – Самарқанд, Бухоро, Хива, Афшона, Шаҳрисабз, Урганч ва Тошкент шаҳарларига қилган икки ҳафталик саёҳати тафсилотлари қаламга олинган.
«Биз Хивани тарихий «Хоразм» номи билан биламиз. Хива Ўзбекистон ғарбидаги кичик, аммо мафтункор шаҳар бўлиб, уни кўриб ҳайратда қоласан киши. Боиси, унинг Язд ва Исфаҳондаги маданий мерос объектлари билан ўхшаш жиҳатлари кўп, – деб ёзади муаллиф. – Ўзбекистонга қилган сафарим ҳақидаги ҳикояни бир нечта алоҳида мақолаларда баён қилмоқчиман. Бу мамлакатга икки ҳафталик сафарим давомида кўрган олти шаҳарнинг ҳар бирида жуда кўп қизиқарли воқеалар борки, уларнинг ҳаммасини битта мақолада ёзиб бўлмайди».
Муаллиф, шунингдек, кенг қамровда ёзилган ҳикоя тарзидаги мақоласида, асосан, Хивага ташриф тафсилотлари, жумладан, аҳолининг меҳмондўстлиги, қадимий миноралар жилоси-ю, Хивада суратга олинган машҳур жаҳон кинофильмларида акс этган тарихий обидалар, шунингдек, форс ёзувидаги тожи билан Хива рамзига айланган минора тарихини баён этган.
Шунингдек, мақолада буюк аждодларимиздан ёдгорлик бўлиб қолган машҳур миноралар тарихи ҳақидаги маълумотлар муштарийлар эътиборига ҳавола қилинган. Хусусан, Хива шаҳри марказида жойлашган «Ичан қалъа» меъморий ёдгорлиги 1990 йилда ЮНEСКОнинг Бутунжаҳон маданий мероси ёдгорликлари рўйхатига киритилгани алоҳида қайд этилган.
Нафиса Ҳужжатий юртимизда хорижий сайёҳларни жалб қилиш мақсадида турли кўргазмалар ташкил этилаётганини юқори баҳолаб, Ўзбекистонни сайёҳлик салоҳияти бой давлат сифатида эътироф этган.
Муаллиф Хива шаҳрининг тунги ҳаётидан ва сайёҳлар учун ташкил этилаётган ранг-барнг маданий дастурлар муҳитидан ҳайратга тушганини ҳам таъкидлаган.
«Бир неча ой олдин Хива шаҳрида ўзбек халқининг буюк аждодларидан бири - Паҳлавон Маҳмуд хотираси учун ўтказилган «Паҳлавон Маҳмуд – Баҳодирлар ўйинлари» халқаро турнирида биринчи ўринни эгаллаган эронлик Ризо Қитосий шарафига Эрон байроғи кўтарилди. Яна бир муҳим жиҳат: Дорулислом Хива тангаларидир. Хивадаги кўҳна арк антропология музейида «Зарб Дорул Ислом Хоразм» ёзуви туширилган тангалар ҳеч бир сайёҳни беэътибори қолдирмайди», - деб ёзади «Isfahan Ziba» газетасида босилган мақола интиҳосида.
Ўзбекистон мусулмонлари идораси
Матбуот хизмати
Янгиликлар 24 | Шавкат Мирзиёев Имом Бухорий мажмуасидаги бунёдкорликни кўздан кечирди
Ўзбекистон 24
Диний идора 80 йиллигига бағишлаб тадбир ўтказилди
Бу йил Ўзбекистон мусулмонлари идораси ташкил топганига 80 йил тўлади. Айни кунларда ушбу санани кенг нишонлашга қизғин тайёргарлик кўрилмоқда.
Бугун Тошкент шаҳридаги "Шайх Зайниддин" жоме масжиди мажлислар залида пойтахтимизда фаолият юритаётган имом-хатиблар учун навбатдаги маърифат соати ўтказилди.
Тадбирда Ўзбекистон мусулмонлари идораси раиси ўринбосари Уйғун домла Ғафуров, Тошкент шаҳар бош имом-хатиби ўринбосарлари: Эргашали домла Рустамов, Абдуллоҳ домла Йўлдошевлар қатнашиб, ўзларининг фикр-мулоҳазаларини билдирди.
– Ўзбекистон қадимдан илм-фан ва маърифат маркази бўлиб келган, – деди Маърифат соатида ЎМИ раиси ўринбосари Уйғун домла Ғофуров. – Бу йил идорамиз ташкил топганига 80 йил тўлади. Шу муносабат билан ушбу санани кенг нишонлашга қизғин тараддуд кўрилмоқда. Илк номи "Ўрта Осиё ва Қозоғистон мусулмонлари идораси" бўлган ташкилот 1943 йил 20 октябрда ташкил топган. 1992 йили "Мовароуннаҳр мусулмонлари идораси", 1995 йили "Ўзбекистон мусулмонлари идораси" деб ўзгартирилди.
Идоранинг ташкил топишида Эшон Бобохон ва Зиёвуддин ибн Эшон Бобохон ҳазратларининг хизматлари жуда катта бўлган.
Имом Бухорий номидаги Тошкент ислом институти ва Бухоро шаҳридаги Мир Араб мадрасасига собиқ ССР давлатларидан ҳам талабалар келиб таҳсил олишган.
Маърифат соати сўнгида тингловчиларга Уйғун домланинг "Ўзбекистонда ислом таълим тизими: шонли тарих, истибдод зулмидан омон қолиш ва нурли истиқбол" номли китоби тарқатилди.
Ўзбекистон мусулмонлари идораси
Тошкент шаҳар вакиллиги
Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.