muslim.uz
Расулуллоҳ соллаллоҳу алайҳи васаллам ҳаётларидан лавҳалар: Содиқ иймон (Аудио)
ЎМИ матбуот хизмати
Қозоғистонда Қуръон ҳофизларининг танловига тайёргарлик кўрилмоқда
Олма-ота шаҳрида Қуръон ҳофизларининг ІX Республика танлови бўлиб ўтади. У Қозоғистон мусулмонлари диний идораси ташаббуси билан ташкил этилмоқда.
Танлов иштирокчилари 4 та тоифа: Қуръоннинг бутун матнини тиловат қилиш, Қуръоннинг 2/3 қисмини тиловат қилиш, Қуръоннинг 1/3 қисмини тиловат қилиш ва тажвид қоидаларига мувофиқ Қуръонни тиловат қилиш бўйича беллашадилар.
Танлов ғолиби бош соврин - автомобилга эга бўлади. Бошқа ғолиблар учун ҳам пул мукофотлари тақдим этилади.
Танловда илгари Қуръони Карим ҳофизларининг миллий ва халқаро танловларида иштирок этмаган 30 ёшгача бўлган Қозоғистон фуқаролари қатнашишлари мумкин.
Ўзбекистон мусулмонлари идораси матбуот хизмати
Лондонда тилла суви югуртирилган Қуръон қўлёзмаси кимошди савдосига чиқарилмоқда
Яқинда Лондонда кимошди савдосига тилла суви югуртирилган саҳифали Қуръон қўлёзмаси қўйилди.
Aawsat сайтига кўра, Хитой дарахтлари ва табиат расмлари билан aawsat, тилла суви югуртирилган саҳифаларга эга бўлган бу нафосатли Қуръон аслида Эрондаги Темурийлар салтанати ва Хитойда Минг империяси ўртасидаги дипломатик алоқалардан далолат беради.
Қуръон Хитойдан импорт қилинган қоғозга ёзилган; чунки Эрон ва Хитой амалдорлари ўртасида дипломатик ташрифлар пайтида ҳар икки мамлакат элчилари ўз мамлакатларига ипак, кулолчилик ва қоғоз каби товарлар олиб келишган, нафис Хитой қоғозлари қўлёзмалар ёзиладиган ашёлардан бири эди.
IQNA билдиришича, бу қимматли Қуръон саҳифаларининг ранги бинафшаранг, тўқ сариқ, кўк, қизил ва яшил рангдадир, чунки ўша давр қўлёзмаларида рангли қоғозлардан фойдаланиш Ислом оламида кенг тарқалган амалиёт эди.
Қуръоннинг бу нафосатли нусхаси Қуръон оятларининг махсус қоғозга ёзилганлиги билан ажралиб туради ва у анча жилоланиб, ипак саҳифаларига тегиб кетгандек бўлади. Ўша пайтларда хитойликлар катта ҳажмдаги қўлёзмаларни ёзиш учун бу турдаги қоғозлардан фойдаланишган.
Қуръон нашри 25 июнь куни Лондондаги аукционда 600,000 ва 900,000 фунт стерлинг орасида нарх бўйича савдога чиқарилади.
Ўзбекистон мусулмонлари идораси матбуот хизмати
Расулуллоҳ соллаллоҳу алайҳи васаллам ҳаётларидан лавҳалар: Мен Аллоҳнинг ҳимоясидаман (Аудио)
ЎМИ матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.