Тошкент вилояти ҳожиларининг охирги гуруҳи куни кеча Мадина шаҳрига йўл олдилар. Илгарироқ етиб борганлар эса муқаддас қадамжоларда зиёрат ва ибодатларини амалга оширмоқдалар.

Куни кеча Маккадаги ҳожилар учун ҳаж амалларини бажариш бўйича навбатдаги йиғилиш ўтказилди. Унда Тошкент вилояти бош имом-хатиби Хайруллоҳ домла Турматов  йиғилганларга ҳаж қилиш тартиби, сабр ва ният, ҳажнинг фазилатлари, ҳажжи мабрур нимаи экани ҳақида сўзлаб берди.

Ўз навбатида ҳожилар Аллоҳ таолога беҳисоб ҳамду саноларини, Пайғамбаримиз соллаллоҳу алайҳи васалламга дуруду саловатларини йўллар эканлар, кўрсатилаётган хизмат, ташкил этилган имкониятлар, вақтида берилаёган кўмагу маслаҳатдан миннатдор эканликларини изҳор қилдилар.

Шуни алоҳида таъкидлаш жоизки, шахзода Файсал ибн Салмон Ўзбекистондан ташриф буюрган ҳожиларни энг тартибли ҳожилар сифатида эътироф этган. Имом Бухорий, Ҳаким Термизийларнинг авлодларига берилган бундай баҳодан ҳар бир инсон қалбида ифтихор туйғуси уйғониши табиий.

Ҳожиларга ҳажжи мабрур даражалари насиб этишини дуолар қилиб сўраб қоламиз.

манба: fitrat.uz

Ҳар нарсани йўқотиш осон, аммо уни қайта­риш қийин. Бугунги кунда “оломон маданияти”, “маданият кушандаси”, деб ҳамма жойда айти­либ, ёшларни миллий урф-одат, миллий кийим­лар кийишга чақирилмоқда. Аммо йўқотилган ма­даниятни қайтариб бўлармикан? Дунёни илми билан тебратган уламолар фарзандлари ўзла­рини ғарбликка ўхшатса, уламолар бешигини теб­ратган аёллар шарму ҳаёсини унутиб улар­дан ошиб тушса, эртага буларни йўлга солиб бўлар­ми­кин? Ёмонликка ўрганиш осон, ёмонликдан қайтиш қийин. Ёмонликка етишиш осон, халқнинг хизматини қилиб раҳмат, дуо олиш қийин. Ёшликда қилинган хатоларни тузатиш ниҳоятда мушкул кечади.

Денгиз суви қуриб битса, ундаги балиқлар сувсизликдан ўлса, кимга аччиқ қилинади? Йиллар ўтиб, сув билан денгиз тўлса, ўлган балиқлар ҳаётга қайтармикан? денгизнинг ўлган балиқларга тўлишидан нима фойда?

Эй азиз фарзанд! Кимлигингни унутма, қў­лингдаги имкониятларни қўлдан бой бериб аждодларинг маданиятини қўйиб, ўзгалардан хайрият кутма. Ўзини қадрламаган инсонни ўзгалар қадрлайдими? Ўз тили, маданияти, миллий урф-одати, одоб-ахлоқи, шарму ҳаё, ибосини унутганни ўзга халқ назар-писанд қилармикин? “Ўз қадрига етмаган, ўзгалар қадрига етармиди?”  деб маломат тошларининг отилишидан сақлан­гин.

Ғишт қолипидан кўчганидан сўнг,

Ҳаёнинг машъали ўчганидан сўнг,

Йиллар ўтиб, ҳаё-имон нур таратса,

Фойда борми имонсиз ўлгандан сўнг?

Денгиз қурибон, қирилса балиқ,

Ўрнини қопласа саҳройи қумлиқ.

Вақт ўтиб, яна денгиз сувга тўлса,

Ўлган балиққа фойда борми аниқ?

“Қасамини бузган қиз” китобидан

Имом Нававий раҳматуллоҳи алайҳ қаламига мансуб «Ат тибян фи адаби ҳамалатил Қуръон» китобини билмайдиган киши бўлмаса керак.

Асар Қуръони каримни ўрганиш мавзусида ёзилган энг гўзал китоблардан бири ҳисобланади. Дарвоқе, 270 саҳифалик ушбу китобни Нававий раҳматуллоҳи алайҳ ҳайратда қоладиган даражада тез ёзган. Бу асар йигирма бир кунда ёзилган.

«Ат тибян» имомнинг Аллоҳ қабулият берган ягона асари эмас. «Риёзус солиҳийн», «Ал арбаъийн ан-Нававийя» китоблари ҳам кўпчиликка таниш. Мазкур икки китоб она тилимизга таржима қилиниб китобсеварларга тортиқ қилинган.

Имом Нававий қирқ олти ёшида оламдан ўтган.

ذَٰلِكَ فَضْلُ اللَّهِ يُؤْتِيهِ مَنْ يَشَاءُ ۚ وَاللَّهُ ذُو الْفَضْلِ الْعَظِيمِ

«Бу Аллоҳнинг фазлидир (ва уни) хоҳлаган кишисига берадир. Аллоҳ улуғ фазл эгасидир» (Жума сураси, 4-оят).

Умр ва илмда барака ҳосил бўлиши учун бир неча сабаблар бўлади. Уларнинг бошида ихлос, вақтни ғанимат билиш, ўтказиб юборган ишларни бажариш, «бироздан кейин қиламан» иборасини эсдан чиқариш, Аллоҳга қаттиқ илтижо қилиш, барака тилаш, баракани кетказувчи гуноҳ ва маъсиятларда узоқ бўлиш, ҳиммати паст, бекорчи инсонлар билан ҳамсуҳбат бўлмаслик.

Аллоҳ барчамизни илмимиз ва умримизга барака берсин.

Манбалар асосида вакиллик ходими Искандарбек Зокиров

манба: muslimun.uz

В честь предстоящей свадьбы - выдачи замуж своей любимой дочери главный имам-хатиб Бектемирского района столицы Искандар кори Халилов пригласил гостей на утренний плов в свадебный банкетный зал «Садаф» в Ташкенте.
На это мероприятие были приглашены порядка 120 человек.
Начальник отдела мечетей Управления мусульман Узбекистана Рахимберди Рахмонов в своем выступлении перед гостями с горечью отметил, что многие из нас по-прежнему стараются пригласить на свадебные торжества побольше гостей, чтобы показать себя.
«Слава Богу, что в последнее время все больше появляются образованные люди, которые вдохновленные инициативой главы государства становятся примером по проведению семейных свадебных торжеств без особых излишеств и помпезности. На днях был точно в таком же свадебном мероприятии с участием всего 70 близких очень уважаемого человека. Он смог бы пригласить и 1000 человек на это мероприятие, однако он решил направить эти средства на будущее молодоженов», - отметил Рахмонов.
Напомним, что во время встречи Президента страны Шавката Мирзиёева с представителями творческой интеллигенции в августе минувшего года отмечались необходимость компактного и содержательного проведения свадеб и семейных торжеств, недопущения излишнего расточительства, проведения в этом направлении представителями культурной общественности широкой разъяснительной работы среди населения, важность того, что они должны служить примером для других. 29 июня 2018 года по результатам изучения общественного мнения было принято Постановление Сената Олий Мажлиса Республики Узбекистан “Об упорядочении проведения свадеб, семейных торжеств, поминок и обрядов по умершим и мероприятий, посвященных памяти усопших”. На этой неделе на заседании Кенгаша Сената было принято постановление “Об образовании в областных, районных, городских Кенгашах народных депутатов комиссий по вопросам упорядочения проведения свадеб, семейных торжеств, поминок и обрядов по умершим и мероприятий, посвященных памяти усопших”. Постановлением утверждены типовое положение и типовой состав комиссий.

Пресс-служба Управления мусульман Узбекистана