Нуфузли халқаро ташкилотлар, статистика қўмиталари ва экспертлар юртимизда амалга оширилаётган ислоҳотларни, иқтисодиёт, таълим, соғлиқни сақлаш каби соҳаларда қўлга киритаётган ютуқларимизни ижобий баҳоламоқда.

Мутахассислар инсоннинг узоқ умр кўриши унинг соғлом ва бахтли хаёт кечириши, тинч-хотиржам яшаши билан узвий боғлиқ эканини таъкидлайди.

Ўзбекистон истиқлол йилларида тинчлик-осойишталик барқарор бўлган, иқтисодиёти изчил тараққий этиб бораётган мамлакатга айланди. Ўтган йиллар давомида мамлакатимиз иқтисодиёти таркибий ўзгартирилиб, саноат ва инфратузилма тармоқлари изчил ривожланди. Шу билан бирга, аҳолини манзилли ижтимоий ҳимоялаш, одамлар саломатлигини мустаҳкамлаш, миллат генофондини яхшилаш, таълим сифатини оширишга катта куч ва маблағлар йўналтирилган.

Шаҳар ва қишлоқларимиз қиёфаси йилдан-йилга очилиб, тобора обод ва гўзал бўлиб бормоқда. Қишлоқ жойларда намунавий лойиҳалар асосида барпо этилаётган уй-жойлар ва инфратузилма тармоқлари қишлоқ ахолисининг ҳеч кимдан кам бўлмай яшаши учун кенг имкониятлар яратмоқда, эзгу орзу-умидларини рўёбга чиқармоқда.

Руҳиятшуносларнинг таъкидлашича, ўз турмушидан қониқиб, яқинларининг меҳр-муҳаббатини ҳис қилиб, эртанги кунга ишониб яшайдиган инсон узоқ умр кўради.

Халқимиз орасида меҳр-оқибат муҳитини янада яхшилашга, айниқса, ёши улуғ инсонларга ҳурмат-эҳтиром ва ғамхўрлик кўрсатишга алоҳида эътибор қаратилмоқда. Мустақилликнинг илк кунларидан бошлаб ахоли, биринчи навбатда, кекса авлод вакиллари, хотин-қизлар ва ёшларга доимий эътибор ва ғамхўрлик кўрсатиш, уларнинг хуқуқ ва манфаатларини таъминлаш, оила, оналик ва болаликни ҳимоя қилиш учун давлат бюджетидан ижтимоий эҳтиёжлар, жумладан, аҳолини қўллаб-қувватлаш ва ижтимоий соҳани мустаҳкамлашга ажратилаётган йиллик харажатлар изчил ошиб бормоқда.

Замонавий билим ва касб-ҳунарларни пухта эгаллаган, мустақил фикрлайдиган, она юртига меҳр ва садоқат туйғуси билан яшайдиган, ҳеч кимдан кам бўлмаган, ҳал қилувчи куч бўлиб майдонга чиқаётган янги соғлом авлод тарбияланмоқда. Буларнинг бари «Ислоҳот – ислоҳот учун эмас, аввало инсон учун, унинг фаровон хаёти учун» тамойили жамиятимизнинг барча соҳаларини модернизация қилиш ва янгилаш борасида амалга оширилаётган кенг кўламли ислоҳотларнинг бош ғояси, асосий мақсадига айланганидан далолатдир.

Қўлга киритилаётган бундай натижаларнинг асосий омили ва мезони, шубҳасиз, мамлакатимиздаги тинчлик-осойишталикдир. Зеро, тинчлик барқарор юртдагина ислоҳотлар самара беради, тараққиёт бўлади, одамлар ўз мақсадларини амалга ошира олади, ҳаётидан рози бўлиб, хотиржам яшайди.

Ўзимиздан қиёс: Ҳар куни тинч-хотиржам уйғонамиз, яхши кайфиятда нонушта қиламиз. Хурсанд бўлиб ишга жўнаймиз. Режалаштириб қўйган ишларимизни бажаришга шошиламиз. Ишдан қайтаётиб болаларга майда-чуйда олай, деб бозор ёки дўконга кирамиз. Хамма нарса кўзимизга яхши кўриниб, қўнжимизни тўлдириб чиқамиз. Оиламизни хурсанд қилиш учун яна уйга шошамиз. Биз учун одатий ҳол бўлган бу хаёт тарзи аслида жуда катта неъмат. Тинчлик туфайли дўконлару бозорларимиз тўла, дастурхонимиз тўкин. Ўйин-кулги, тўй-томоша, байрамларимиз шукухли.

Ҳа, мамлакатимиздаги тинчлик-хотиржамлик ва фаровонликнинг, мехр-оқибат муҳитининг барқарорлиги туфайли халқимиз бугунидан мамнун, эртасидан кўнгли тўқ. Одамлар эзгу орзу-интилишлар, юксак мақсадлар билан яшамоқда. Зеро, Президентимиз Шавкат Мирзиёев раҳнамолигида амалга оширилаётган барча ислоҳотлар ҳар биримизга, Ватанимиз келажагига дахлдордир.

П.БОБОЖОНОВ,

Шовот туманидаги “Қори Эшон бобо” масжиди имом-хатиби

23 декабря 2017 года в Ташкентском институте инженеров ирригации и механизации сельского хозяйства для студентов вуза проведено просветительско-воспитательное меропритие, направленное на повышение их религиозных и светских знаний, уважительного отношения к национальным ценностям, на воспитание у них навыков и культуры одевания.
В мероприятии приняли участие заместитель главного имам-хатиба Ташкента, имам-хатиб соборной мечети «Ислом ота» Джасурбек Раупов. В ходе выступления он отметил, что у нашей молодежи необходимо развивать качества, присущие национальным и моральным ценностям, национальному менталитету, подчиняться традиционным правилам поведения наших предков, уважать и передавать их нашим детям, что именно эти аспекты служат программой сохранения мира и стабильности, процветания нашей Родины.
Дж. Рауфов, в частности, на основе хадисов разъяснил, что откровенные одежды некоторых девушек, женщин и не соблюдение ими правил поведения в общественных местах – может стать причиной совершения греха не только девушки или женщины, но и других окружающих людей.
В нашем шариате имеется разница между одеждой женщин и мужчин. Ужасно смотрится мужчина, одетый в женскую одежду, это же происходит, когда женщина одевается в мужскую одежду. Русский писатель Лев Толстой утверждал, что женщина, старающаяся походить на мужчину, так же уродлива, как женоподобный мужчина.
На мероприятии студенты получили ответы на все свои вопросы по этому вопросу.

Пресс-служба Управления мусульман Узбекистана

Мамлакатимизда барча жабҳада эришилаётган ютуқларда, энг аввало, юртимизда ҳукм сураётган тинчлик ва осойишталик муҳим омил бўлиб хизмат қилмоқда. Зеро, бундай заминдан файз-барака аримайди, одамлар ўртасида меҳр-оқибат, хайру саховат ҳамда ўзаро ҳурмат қарор топади, уларнинг эртанги кунга ишончи янада мустаҳкамланади. Ушбу оддий ҳаёт ҳақиқатидан келиб чиқиб, республикамизда улуғ неъматни асраб-авайлашга алоҳида эътибор қаратиб келинаяпти.

Давлатимиз раҳбари ташаббуси билан ҳафтанинг пайшанба куни ҳуқуқбузарликлар профилактикаси куни сифатида эълон қилиниб, унинг доирасида кўплаб чора-тадбирлар кўрилаётгани, асосийси, жойларда жиноятчилик ва ҳуқуқбузарлик ҳолатларининг олди олинаётгани, фуқароларнинг ҳуқуқий онги тобора юксалаётгани мазкур тадбирлар жамият ҳаётида нечоғлик муҳим аҳамиятга эга эканини кўрсатиб турибди. Уларга жалб этилган ҳуқуқ-тартибот идоралари, давлат ҳамда жамоат ташкилотлари вакиллари томонидан кенг кўламдаги тушунтириш ишлари олиб борилаётир.

Ички ишлар органлари, хусусан, профилактика инспекторлари ва маҳалла фуқаролар йиғинлари, имом-хатиблар ҳамкорлиги янги босқичга кўтарилгани, айниқса, диққатга сазовор. Эндиликда хонадонларга бориб, узоқ муддат хорижга кетган ҳамда яшаш манзилига қайтиб келган фуқаролар, уларнинг оила аъзолари билан тегишли тартибда тушунтириш ишлари олиб борилмоқда. Шу билан бирга, тадбирлар доирасида корхона, ташкилот, муассаса ҳамда маҳаллаларда тушунтириш ишлари изчил олиб борилиши туфайли ҳуқуқбузарлик ва жиноятчилик ҳолатлари сезиларли даражада камайишига эришилмоқда. Умумтаълим мактаблари, касб-ҳунар коллежлари ҳамда академик лицейларда ўқиш даврида ўқувчилар давомати ўрганилгани, ўқув машғулотларига сабабсиз қатнашмаётган, мунтазам дарс қолдираётган ёшлар аниқланиб, тегишли чоралар белгиланаётгани ўз самарасини бераяпти.

Аҳоли саводхонлиги ўсгани сайин уларда маънавий-маърифий тадбирларига бўлган хоҳиш ҳамда қизиқиш ортиб бораётгани ҳам диққатга сазовор. Ушбу тадбирларда “Халқ билан мулоқот ва инсон манфаатлари йили” Давлат дастуридан келиб чиққан ҳолда, аҳоли орасига чуқур кириб бориб, улар дардига қулоқ тутиш, керак бўлса, муаммоларини жойида ҳал этишга эътибор қаратилмоқда.

Ҳуқуқбузарлик ҳамда жиноятчилик ҳолатларининг келиб чиқиш сабаблари, маҳаллалардаги нотинч оилаларда барқарор муҳит ўрнатиш, жиноятга мойил шахсларни соғлом турмуш тарзига йўналтириш каби долзарб масалалар кенг аҳоли вакиллари иштирокида муҳокама қилинмоқда.

Эътиборлиси, тадбирлар доирасида рўёбга чиқарилаётган ишлар ўз самарасини бера бошлади. Аммо бугунги тезкор замонда шунинг ўзи билан кифояланиш мумкин эмас. Зеро, Ватан тинчлиги ва осойишталиги улуғ неъмат экан, уни асраб-авайлаш ҳамда мустаҳкамлаш барчамизнинг бурчимиздир, деб хабар беради.

Гурлан тумани «Усмон Саид бобо» масжиди имом-хатиби Алишер Бобожонов.

ЎМИ Матбуот хизмати

http://zamaxshariy.uz/1463

“Сурияда бир кеча-кундузда қарийб 50 киши уйига қайтди”, дея хабар бермоқда Россия Федерациясининг Мудофаа вазирлиги Ахборот ва коммуникация департаменти.

Баёнотда келтирилишича, курашаётган томонларни яраштириш маркази ва Миллий келишув қўмитаси билан биргаликда қочқинларни ўз уйларига қайтариш чоралари кўрилмоқда. Натижада сўнгги бир ой давомида аксарияти аёллар ва болалардан иборат бўлган 5 минг нафардан зиёд одамларни ўз Ватанига қайтаришга эришилган.
Шунингдек, Хомс ва Айнал Байда ҳудудлари аҳолисига 4 тонна озиқ-овқат маҳсулотлари гуманитар ёрдам сифатида етказиб берилган, 65 нафар сурияликка зарур тиббий ёрдам кўрсатилган, деб хабар беради ЎзА.

ЎМИ Матбуот хизмати

Қиш мавсумида кўпчилигимиз, дорихоналардан иммунитетимизни мустаҳкам қилувчи, грипп, ангина, бронхит ва бошқа касалликлардан ҳимоя қилувчи қимматбаҳо “мўъжизавий” дориларни сотиб оламиз.

Бироқ, биз ўйлагандек мўъжизавий препаратлар ҳали яратилмаган. Бундан ташқари, мусулмон  кишига дорихоналардан бу турдаги воситаларни ахтаришнинг ҳожати йўқ, чунки Ислом дини саломатликни мустаҳкамлаш ва иммунитетни кучайтириш учун асрлар давомида исботланган воситаларни тақдим этади:

Таҳорат

Таҳорат мусулмон кишига нафақат ибодат учун, балки соғлиқ учун ҳам зарурдир. Юрак қон томир тизими учун таҳоратнинг фойдаси аллақачон исботланган, бундан ташқари, у рефлексотерапия усулларини ҳам ўз ичига олади.

Илиқ ёки ёзда салқин сув билан таҳорат қилиш танани мукаммал даражада мустаҳкамлайди. Оғиз ва бурунни мунтазам ювиш инфекцияларнинг ривожланишига тўсқинлик қилади. Умуман олганда, барчаси осон: таҳорат қилинг – соғлом бўласиз!

Занжабил (Имбирь)

Бу ўсимликнинг илдизи антибактериал, яллиғланишга қарши, антимикроб, антисептик, бактерицид хусусиятларига эга. Занжабил жуда фойдали бўлиб, С, В витаминларига бой, унинг таркибида танадаги ҳужайраларни “даволаш” ва янгилаб туриш қобилиятига эга ретинол моддаси мавжуд. Занжабил асал билан истеъмол қилинганда у  асалининг фойдали хусусиятларини мукаммал равишда тўлдиради.

Асал

Асалнинг шифобахш қудрати Қуръони каримда айтилганлигини яхши биламиз. Ушбу маҳсулот иммунитет тизими учун тенги йўқ ҳисобланади. Қайд этиш керакки, инсон қонининг кимёвий таркиби ва асал ҳайратланарли даражада ўхшайди. Қонимизда 24 микроэлемент мавжуд бўлса табиий асалда – 22 та.

Шамоллаш билан боғлиқ касалликларни олдини олишнинг ажойиб услубларидан бири асални ёнғоқ билан қориштириб истеъмол  қилишдир. Бунда ҳар қандай ёнғоқ туридан фойдаланиш мумкин. Асосийси, аралашма маълум вақт  туриши лозим.

Қора седана ёғи

Тадқиқотлар шуни кўрсатадики, қора седана ёғи ошқозон-ичак фаолиятини нормаллаштиради, иммунитет тизимини фаоллаштиради, кўплаб патоген бактерияларни йўқ қилади, қонда холестеринни камайтиради ва холеретик таъсир кўрсатади.

Седана ёғидан профилактик даволаш ҳамда умумий қувватлантириш мақсадларида фойдаланиш мумкин. Агар сиз кун давомида ҳеч бўлмаганда бир чой қошиқ седана ёғидан ичсангиз, сизда модда алмашинуви нормаллашади ва танангизнинг ҳимоя кучи ортади.

Ҳилба (Хельба)

Ҳилба уруғи (Семена пажитника) шамоллаш, иситма, вирусли инфектсиялар оқибатларини бартараф этишга ёрдам беради. Ўзининг юмшоқ хусусиятларидан келиб чиқиб, бу ўсимлик шамоллашни даволашда яллиғланишга қарши ва балғам кўчиришда ишлатилади.

Ҳилба шилимшиқ пушти массаларни юмшатиб, эритиб, лимфа тизимидан токсинларни олиб ташлашга ёрдам беради. Шунинг учун бир ош қошиқ пажитник уруғини  ярим литр сувга солиб билан истеъмол қилиш шамоллашни даволашда ичимлик сифатида ишлатилади. Бундан ташқари, витаминлашнинг қўшимча самарасини ошириш учун ичимликка, лимон ёки клюква шарбати қўшилади.

Тошкент шаҳар вакиллиги ходими

Зоиржон СОДИҚОВ

тайёрлади