muslim.uz

Четвер, 05 июль 2018 00:00

Остонада исломий иқтисодиёт форуми ўтказилди

Жорий йилнинг 3-4 июнь кунлари Қозоғистон Республикасининг Остона шаҳрида Бутунжаҳон Исломий иқтисодиёт форуми бўлиб ўтди. Бу ҳақда astanatimes.com нашри хабар берди.

Ушбу форумда мусулмон мамлакатларидан меҳмонлар, экспертлар, исломий иқтисодиёт соҳасидаги мутахассислар иштирок этди.

Остона халқаро молия маркази ва Бутунжаҳон исломий иқтисодиёт форуми жамғармаси ўртасида имзоланган келишув доирасида ушбу анжуман ташкил этилган. Ундан кўзланган мақсад сифатида Остона шаҳрини Осиёда исломий молия соҳасидаги йирик минтақасий марказга айлантириш экани айтиб ўтилди.

ЎМИ Матбуот хизмати

Published in Дунё янгиликлари

Четвер, 05 июль 2018 00:00

Қисқа йўл адоғи

Бир танишим у билан касалхонага бориб келишимни илтимос қилди. Очиғи, бу таклиф менга унчалик ёқмади. Бугун улфатлар билан ўтирадиган жойимиз бор эди. Маза қилиб, бир отамлашмоқчи эдик. Аммо йўқ дейиш ноқулай бўлди. Чунки унинг оилавий аҳволидан яхши хабардор эдим.”Улгурарман, зиёфатга ҳам” дея рози бўлдим!

Ҳа, унга қийин эди: бир томондан касал онаси...бир томонда ёш болалари....ва касал ётган аёли.

Биз унинг шифохонадаги аёлидан хабарлашгани йўлга чиқдик.

Шифохона атрофида одам кўп. Ҳамма ўз яқинидан хабар олиш учун келган.

Хуллас, палата эшиги олдига етганимизда мени ичкарига киритишмади. Наилож ташқарида кутиб турадиган бўлдим.

Касалхона биқинидаги ўриндиқда ўтирибман. Шу тоб бошига дўппи кийган, маҳзун бир отахон ёнимга келиб ўтирди. Унга салом бердим. У бош силкиганча алик олди. Тушундим: бошига мусибат тушган.

Вақт ўтиб борарди. Мен эса зиёфатга улгуришим керак. Мени бу ерга судраган танишимдан шу қадар жаҳлим чиқдики!....

Ёнимда ўтирган отахон бирдан йиғлаб юборса бўладими?! Мен уни юпатишни ният қилиб:

– Отахон,нима бўлди? Нега йиғлаяпсиз? – деб сўрадим.

У индамади. Аммо кейин кўз ёшини артиб аста жавоб қилди:

– Ўғлимнинг зиёратига келгандим болам! Шунга кўзимга сал ёш келди! Ўтиб кетади...

Ана энди масала бир оз ойдинлашди. Демак, анави ерда, шундоқ йўлнинг нариги томонида қабристон бор экан-да! Мен бу ерда туғруқхона борлигини билардим-у, аммо қабристон борлигини энди кўрдим!

Шу тоб бир хаёл миямга урилди:

“Тавба! Бир томонда туғруқхона, Бир томонда қабристон! Астағфируллоҳ! Ўртада эса мен. Инсон умри бунча қисқа йўл бўлмаса! Туғруқхонадан чиқиб тўғри қабристонга йўл оламиз! Умр ҳам аслида шу бир қисқа йўл! Биз еса шу қисқа йўлга ҳам чидамай, улкан гуноҳлар қилиб қўямиз! Тавба! Ё алҳазар!..”

Зиёфатга эса бормадим.

Шерзод ҲАЙДАРБЕКОВ

Published in Ибратли ҳикоялар

Четвер, 05 июль 2018 00:00

В Узбекистане вновь возникла длинная очередь за Кораном

Сегодня, 5 июля, в фирменном магазине издательства «Хилол нашр» в Ташкенте люди вновь выстроились в очереди за мусхафами Корана на арабском языке в мединском шрифте, впервые изданным в нашей стране.
В связи с тем, что желающие приобрести священную книгу образовали огромную очередь возле фирменного магазина - принято решение отпускать каждому покупателю по одной книге.
Всего издательство планирует выпустить 50 тысяч экземпляров Корана, в марте текущего года была реализована первая партия в количестве 10 тысяч книг.

Пресс-служба Управления мусульман Узбекистана

Published in Новости Узбекистан

Четвер, 05 июль 2018 00:00

Ўзбекистонда “ҲАЛОЛ” стандарти жорий этилган

Хўш, бундай стандартдан мамлакатимизга, аҳолига қандай наф бор?

“ҲАЛОЛ” белгиси билан ишлаб чиқарилаётган маҳсулотларга Европа Иттифоқи, АҚШ, Буюк Британия, Австралия, Канада, Хитой, Ҳиндистон, Лотин Америкаси давлатлари, Янги Зеландия ва Таиланд каби мамлакатларда алоҳида эътибор қаратилмоқда.

Ўзбекистон Республикаси Президентининг 2017 йил 6 ноябрдаги “Мева-сабзавот маҳсулотлари, узум, полиз, дуккакли экинлар, шунингдек, қуритилган сабзавот ва меваларни маҳаллий экспорт қилувчиларни қўллаб-қувватлаш бўйича қўшимча чора-тадбирлар тўғрисида”ги қарорига асосан, юртимизда ҳам “ҲАЛОЛ” стандарти жорий этилди.

Хўш, бундай стандартдан мамлакатимизга, аҳолига қандай наф бор?

Бу саволга Жаҳон банкининг Ўзбекистондаги консультанти Жаҳонгир Имомназаров шундай жавоб берди:

– Дубай амирлиги буюртмасига кўра, АҚШнинг Thomson Reuters ва Dinar Standard тадқиқот - консалтинг компанияларининг ислом иқтисодиёти бўйича ўтказган тадқиқотлари, “ҲАЛОЛ” маҳсулот ва хизматлар бозори яқин йилларда йилига 6,5 фоиздан ўсишини ва 2020 йилда 2,6 триллион долларни ташкил қилишини кўрсатди.

Янада аниқ билиш учун қиёслайдиган бўлсак, “ҲАЛОЛ”, яъни таркибида ислом динида истеъмол қилиш таъқиқланган маҳсулотлар бўлмаган озиқ-овқат ва ичимликлар бозорининг ҳажми 2015 йилда 1,17 триллион долларга тенг бўлган эди. Бу кўрсатгич, 2021 йилга бориб 1,9 триллион долларга етиши кутилмоқда. Ҳисоб-китобларга қараганда бугунги кунда “ҲАЛОЛ” пардоз-андоз ва дори-дармон маҳсулотлари бозорининг ҳажми 134 миллиард долларга тенг бўлиб, 2021 йилга бориб, 213 миллиард долларга етиши кутилмоқда.

Келинг, шу ўринда дунёдаги йирик компанияларнинг “ҲАЛОЛ” маҳсулотлар ишлаб чиқариш борасидаги фаолиятига назар ташлайлик. Мисол учун, Nestlé (Швейцария) компаниясининг Малайзиядаги шуъба корхонаси 1 миллиард доллардан зиёд товар айланмаси билан “ҲАЛОЛ” маҳсулотлар ишлаб чиқаришда етакчилик қилмоқда. 1912 йилда иш бошлаган компания, “ҲАЛОЛ” маҳсулотлар бозори истиқболини ўз вақтида англаб етиб, 1994 йилдан ана шу белгидан фойдаланишни бошлади ва ўзининг “ҲАЛОЛ” сифат марказини ташкил қилди. Ҳозирда 5 мингдан зиёд иш ўрни яратилиб, 300 турдан ортиқ “ҲАЛОЛ” маҳсулот ишлаб чиқарилмоқда.

Бруней ҳукуматига тегишли “Ghanim International” компанияси 2011 йилдан буён Буюк Британияга Bruneihalal белгиси остида “ҲАЛОЛ” маҳсулотлар етказиб бермоқда. Бу маҳсулотлар Британиянинг савдо тизимлари, жумладан, машҳур TESCO орқали сотилмоқда. 2016 йилдан эса “Ghanim International” Британиянинг Бирмингем шаҳрида “ҲАЛОЛ” гўшт маҳсулотлари фабрикасини ишга туширди.

Япония ҳам бу масалада илгарилаб бормоқда. Масалан, Аичи префектураси мусулмонларга бағишланган меҳмондўстлик қўлланмаси нашр қилди. Япон тилидаги қўлланма япон тадбиркорлари учун тайёрланган бўлиб, унда мусулмонларга нисбатан қандай муомалада бўлиш кераклиги, мусулмонларга нима таклиф қилиш мумкин ва нима мумкин эмас каби масалалар ёритилган. Албатта, бу қўлланма мусулмонларга ҳурмат билдириш учун эмас, балки Японияга ташриф буюраётган мусулмон туристларда яхши таассурот қолдириш ва кейинчалик уларни яна Японияга келишини таъминлаш учун тайёрланган.

Ҳозирга қадар бир нечта МДҲ мамлакатлари (Россия Федерацияси, Украина, Қозоғистон, Қирғизистон) ўз маҳсулотларини Саудия Арабистони, Бирлашган араб амирликлари, Эрон, Иордания, Миср, Баҳрайн, Омон каби мусулмон мамлакатларига “ҲАЛОЛ” белгиси остида экспортга чиқариб ҳам улгурган.

Шу ўринда энг қизиқ факт – “ҲАЛОЛ” стандарти талабларига жавоб берувчи маҳсулотларни экспорт қилувчи асосий мамлакатлар мусулмон давлатлари эмас, балки АҚШ, Бразилия, Австралия, Германия каби давлатлар эканлигини айтиб ўтмоқчимиз. Аҳолиси асосан мусулмонлардан иборат Индонезия, Туркия, Покистон, Миср каби давлатлар эса “ҲАЛОЛ” турдаги маҳсулотларни (биринчи навбатда гўштни) катта миқдорда импорт қилади.

Сайёра Шоева, ЎзА

Published in Ўзбекистон янгиликлари

Четвер, 05 июль 2018 00:00

Олий маҳаднинг Махсус сиртқи бўлимга кириш имтиҳонлари бошланди

Бугун, 5 июль куни Имом Бухорий номидаги Тошкент Ислом институти Махсус сиртқи бўлимига 2018-2019 ўқув йили учун кириш имтиҳонларининг биринчи куни бошланди. Бу ҳақда "islaminstitut.uz" сайти хабар берди.

6 июль куни ҳам давом этадиган имтиҳонга Ўзбекистон мусулмонлари идораси раиси ўринбосари Иброҳим Иномов, ЎМИ таълим ва кадрлар тайёрлаш бўлими мудири Жалолиддин Нуриддинов, бўлим ходими Акбар Дўстматов бошчилигидаги кузатувчилар ташриф буюрдилар.

Махсус сиртқи бўлим бевосита Президентимиз Ш.Мирзиёевнинг ташаббуси билан ташкил этилган бўлиб, Ўзбекистон мусулмонлари идораси раиси, муфтий Усмонхон Алимовнинг “Республикамизда фаолият юритаётган икки мингдан ортиқ жоме масжидларни олий диний маълумотга эга имом-хатиблар билан таъминлаш учун Имом Бухорий номидаги Тошкент Ислом институтида уч йиллик Махсус сиртқи бўлим ташкил этиш мақсадида”ги буйруғи асосида талабалар қабул қилинади.

Махсус сиртқи бўлимга республикамизда фаолият юритаётган, камида беш йиллик стажга эга бўлган имом-хатиб, мадраса мударрислари ва Имом Бухорий халқаро маркази ходимларидан иборат жами 144 нафар абитуриент ҳужжат топширган.

Шулардан 120 нафари ақоид, фиқҳ ва араб тили фанлари бўйича имтиҳонлар асосида қабул қилинади.

Билет олган ҳар бир абитуриент жавоб беришдан олдин 20 дақиқа давомида луғатлардан фойдаланган ҳолда ўтириб тайёрланиши мумкин.

Имтиҳон олиш учун Тошкент Ислом институти, Кўкалдош ўрта махсус билим юрти ва Ўзбекистон халқаро Ислом Академиясидан малакали мударрислар жалб этилган.

Имтиҳон натижалари бўйича мандат 7 июль куни эълон қилинади.