Россия Федерациясининг Томск шаҳрида 22-25 ноябр кунлари ташкил этилган “Сибир – мулоқот ҳудуди” халқаро форумида Ўзбекистон мусулмонлари идорасининг вакили иштирок этди.

Яман, Ливан, Финляндия, Монголия, Озарбайжон, Қирғизистон, Тожикистон ва бошқа хорижий давлатлардан келган 80 дан зиёд муфтийлар, уламолар, сиёсий арбоблар, замонавий олимлар, соха мутахассислари, кўплаб дин вакиллари, элчи ва дипломатлар қатнашган нуфузли халқаро форумда идора вакили Иброҳимжон домла Иномов “Ислом динида бағрикенглик асослари” мавзусида маъруза қилиб берди. Нутқда айтилган Ўзбекистонда бўлаётган ислоҳотлар, хусусан диний сохадаги жиддий ўзгаришлар ва кўплаб янгиликлар халқаро анжуман иштирокчиларида катта қизиқиш уйғотди.

Халқаро форумда "Ислом ва православлик – кўпасрлик ҳамкорлик тажрибаси. Ҳозирги замон таҳдидларига жавоблар" мавзусида турли муҳокамалар ва долзарб мунозаралар бўлиб ўтди.

Ўзбекистон Республикаси Бош консулхонаси ва ўзбек диаспораси томонларидан ташкил этилган учрашувларда Новосибирск ва Томск шаҳарларида яшаб хизмат қилаётган ватандошлар, ўқув даргоҳларида таҳсил олаётган талабалар билан дилдан ўтказилган суҳбатларда миллий ва диний қадриятлар хусусида сўзлаб берилди.

Ўзбекистон мусулмонлари идораси Матбуот хизмати

Ўтган ҳафтада диний-маърифий соҳада рўй берган муҳим хабарларнинг қисқача тафсилоти 

Ўзбекистон мусулмонлари идораси Матбуот хизмати

2023 йил 25-26 ноябрь кунлари Тошкент ва Бухоро шаҳарларида бўлиб ўтган нуфузли тадбирлар ҳамда халқаро анжуманларда иштирок этган муфтийлар ва уламолар номидан Ўзбекистон мусулмонлари идораси раиси, муфтий Шайх Нуриддин Холиқназар ҳазратларига миннатдорлик мактублари келмоқда.

Ана шундай мактублардан бири Қозоғистондаги “Нур-муборак” Миср Ислом маданияти университети ректори Муҳаммад аш-Шаххат ал-Жиндий жанобларидан келган. Жумладан:

– Мен Мир Араб мадрасасининг 500 йиллигига бағишланган нуфузли халқаро конференцияда иштирок этиб, сизлар ва дунёнинг етакчи олимлари билан кўришиб жуда хурсанд бўлдим. Шунга амин бўлдимки, анжуман ва унинг шўъбалари жуда юксак савияда, юқори илмий муҳитда ташкил этилган.

Мазкур конференция Ўзбекистоннинг Ислом илмлари ривожида етакчи ўринларни эгаллаши, Ислом олами давлатлари билан ҳамкорликка интилишлари, Исломий билимларни бойитишга ҳаракат қилаётганига ёрқин далил бўлди.

Мазкур миннатдорлик мактубида юртимизда бўлиб ўтган халқаро анжуман муваффақиятли ўтгани билан муборакбод этиш баробарида динимиз ривожи, Ватанимиз тараққиёти ва мусулмон уммати манфаати йўлидаги келгуси фаолиятга хайрли тилаклар билдирилган!

Ўзбекистон мусулмонлари идораси
Матбуот хизмати

Кеча, 6 декабрь куни Ўзбекистон мусулмонлари идораси раиси ўринбосари Муҳаммадолим домла Муҳаммадсиддиқов фуқароларни қабул қилиб, уларнинг мурожаат ва таклифларини эшитди. Қабул чоғида улар томонидан кўтарилган масжидлар ҳолати, имом-хатиблар фаолияти, оилавий масалалар, диний таълим ҳамда моддий ёрдам олиш сингари масалаларнинг аксарияти ижобий ҳал этилди.

Мана шундай самимий қабул ва ғамхўрликдан мамнун бўлган фуқаролар Ўзбекистон мусулмонлари идораси раҳбарияти томонидан кўрсатилган эътибордан кўнгиллари шод бўлди.

Бу каби қабул жараёнлари Ўзбекистон мусулмонлари идорасининг ҳудудлардаги вакилликлари ва барча жоме масжидларида ҳам ҳафтанинг ҳар чоршанба куни имом-домлалар томонидан амалга оширилмоқда.

Ўзбекистон мусулмонлари идораси Матбуот хизмати