muslim.uz
Тошкент шаҳрида Қуръон мусобақасига тайёргарлик авжида
Мана, салкам бир ойдирки, юртимиз бўйлаб кенг миқёсда ўтказилаётган Қуръони мусобақаси сабаб раҳмат нурлари таралмоқда. Аллоҳ таолонинг Каломига иштиёқманд кўнгиллар ҳидоят ва раҳмат, шифо оятларини жон қалблари билан тингламоқдалар.
Муҳтарам юртбошимиз ташаббуслари билан ўтказилаётган Ўзбекистон Қуръон мусобақасининг вилоятлардан Тошкент шаҳрига кириб келишига ҳам саноқли кунлар қолди. Айни дақиқаларда мусобақага тайёргарлик ишлари авжида. Тошкент шаҳри бўйича кўчаларда эълонлар намойиш этилмоқда. Тошкент шаҳрида мусобақанинг дастлаб туман босқичларида жами 486 киши иштирок этади.
Мусобақанинг Тошкент шаҳар ҳудудий (туман) босқичлари 2018 йил 13-15 февраль кунлари ўтказилиши белгиланган. Туман босқичлари 5 та ҳудудга бўлинган ҳолда белгиланган жойларда ташкил этилиши ҳақида хабар берган эдик.
ЎМИ Матбуот хизмати
Олиму уламоларимиз Саудияда меҳмон бўлишди
Ўзбекистондаги таниқли уламолар, профессор-ўқитувчилар ва имом-домлалардан иборат 30 киши шу йилнинг 1 – 10 февраль кунлари Саудия Арабистонида қиролликнинг меҳмони сифатида умра амалларини адо этиб қайтишди. Улар 10 кун давомида Мадинаи мунаввара шаҳридаги Уҳуд тоғи, Қубо ва Қиблатайн масжидларини зиёрат қилишди. Маккаи мукаррама шаҳридаги Арафот, Мино, Муздалифа водийлари ҳамда Савр ва Нур тоғлари атрофида ҳамда Ҳарами Шарифда ибодатларини давом эттиришди.
Олиму уламоларимиз сафар давомида ташкил этилган турли семинарлар, давра суҳбатлари ва подшоҳликдаги мартабали шахслар, таниқли уламолар билан учрашувларда ҳам иштирок этишди. Шунингдек, Саудия Арабистони шаҳарларидаги диққатга сазовор жойлар, музейлар, диний мазмундаги адабиётлар ва маҳсулотларни ишлаб чиқариш корхоналарига ҳам ташриф қилишди.
http://old.muslim.uz/index.php/aqida/itemlist/user/280-muslimuz?start=6895#sigFreeIdaa2beda936
Муҳаммад-Акмалхон Шакиров,
Ўзбекистон мусулмонлари идораси
Халқаро алоқалар бўлими мудири
Фоторепортаж: Чирчиқ илоҳий файзга лиммо-лим бўлди
ЎМИ Матбуот хизмати
Чирчиқ шаҳар ҳокими ўринбосари: “Қуръоннинг мазмуни инсонни маънавиятга, тарбияли бўлишга чорлайди, имом-эътиқодни мустаҳкамлайди”
Чирчиқ шаҳрида бўлиб ўтаётган Қуръон мусобақаси иштирокчиларини табриклаш учун Чирчиқ шаҳри ҳокими ўринбосари Жаҳонгир Маткаримов ташриф буюрди ва биз билан суҳбатда шундай деди:
– Чирчиқ шаҳримизда Қуръон мусобақаси ўтказилишини эшитган аҳолимиз ҳокимликкка ва ушбу жоме масжидга жуда кўплаб мурожаатлар қилишди. Неча ёшдан қатнашилади, қандай иштирок қилинади, тартиби қанақа, деган саволлар билан жуда катта қизиқишлар билдиришди. Бундан жуда хурсанд бўлдик. Албатта, Қуръоннинг мазмуни инсонни маънавиятга, тарбияли бўлишга чорлайди, имом-эътиқодни мустаҳкамлайди. Маънавиятнинг асоси ҳам Қуръони каримда. Маънавият инсоннинг иродасини бақувват қилади. Шундан келиб чиқиб айтиш мумкинки, Қуръонни эшита олиш ва эшиттира олиш ҳам юксак маънавиятдир.
Ўзбекистон мусулмонлари идораси Матбуот хизмати