muslimuz

muslimuz

الأربعاء, 29 أيار 2024 00:00

Ақиқада ҳайвон суягини синдириш

Cавол: Ақиқа учун сўйилган ҳайвоннинг суягини синдириш мумкинми? Баъзилар мумкин деса, бошқалар мумкин эмас, дейишяпти. Шу ҳақида маълумот берсангиз.

 

Жавоб: Бисмиллаҳир Роҳманир Роҳийм. Имом Ҳоким раҳимаҳуллоҳ Оиша розияллоҳу анҳонинг бундай деганлари ривоят қилган:

(Ақиқанинг гўшти) бўлаклаб (яъни бўғимларидан) кесилади, суяги синдирилмайди”, деганлар. Ҳадиснинг мазмуни “Ақиқага сўйилган жонлиқнинг гўшти аъзоларига қараб суякларни синдирмасдан бўлакланади”, деган маънода бўлади. Мана шундай қилиш мустаҳаб саналади.

Баъзилар ақиқага сўйилган жонлиқнинг суякларини синдириш гуноҳ бўлади, деб тушунадилар. Гўштини аъзоларига қараб суякларни синдирмасдан бўлаклаш юқорида айтилгандек мустаҳаб ҳисобланади. Имкон қила олса, шундай қилгани афзал. Лекин уни шарт деб тушуниб олмаслик керак. Агар синдириш зарурати туғилса, синдириш жоиз.

“Ақиқага сўйилган ҳайвоннинг суяги синдирмаслик афзалдир. Мободо синдирилса ҳам кароҳияти йўқ” (“Ал-Уқудуд дуррия фи танқиҳил фатово ҳомидия” китоби). Валлоҳу аълам.

 Ўзбекистон мусулмонлари идораси Фатво маркази

الأربعاء, 29 أيار 2024 00:00

Muhaddislar sultoni — Imom Buxoriy rahmatullohi alayhi

Imom Buxoriy: «Bir kuni Rasululloh ﷺni tushimda ko‘rdim, qo‘limda yelpig‘ich, u kishini yelpir edim. Bu tushimni ba’zi ta’bir qiluvchilarga aytsam: "Sen Rasululloh ﷺning hadislarini yolg‘onlardan yelpib (himoya qilib) turasan" deyishdi».

Imom Buxoriy: "Qachonki kitobimga biror hadis kiritsam, g‘usl qilib ikki rakat namoz o‘qirdim".

O‘zbekiston musulmonlari idorasi Matbuot xizmati

الأربعاء, 29 أيار 2024 00:00

Каъбапўш кўтариб қўйилди

Бир кун аввал, йиллик муборак ҳаж зиёрати бошланишидан олдин расмийлар Каъбани қоплайдиган кисванинг пастки қисмини кўтардилар. 

“Ислом пойтахти” маълумотларига кўра, 36 нафар ихтисослашган техник ва 10 та кран ёрдамида очиқ қисмнинг тўрт томони икки ярим метр, узунлиги 54 метр бўлган оқ пахта мато билан қопланган. 

Ҳажда Каъбани тавоф қилишда кисвани ифлосланиш ва шикастланишдан ҳимоя қилиш учун тартиб-интизом ҳар йили такрорланади. 

Ҳар йили зулҳижжа ойининг тўққизинчи куни қора ипак мато ечиб олиниб, ўрнига янги кисва осилади. 

Шунингдек, Саудия Aрабистони Ички ишлар вазирлиги 23 майдан 21 июнгача Маккага фақат махсус Ҳаж визаси эгалари кириши мумкинлигини маълум қилди. 

Ўзбекистон мусулмонлари идораси

Матбуот хизмати

Жанубий Корея пойтахти Сеул шаҳрида мусулмон сайёҳларни жалб қилиш бўйича саъй-ҳаракатлар доирасида кўпроқ ҳалол ресторан ва намозхоналар қуриш режалаштирилган, - дея хабар беради пойтахт маъмурияти. 

“Ислом пойтахти” интернет ресурси хабарига кўра, Сеул туризм ташкилоти шу ойда мусулмон туризмини жонлантириш чора-тадбирларини ишлаб чиқиш бўйича тадқиқот лойиҳасини бошлайди. 

  2023 йилда Кореяга келган 1 миллиондан ортиқ чет эллик саёҳатчининг 273 мингга яқини Яқин Шарқдан, 218 минг нафари Жануби-Шарқий Осиё давлатларидан, жумладан, мусулмонлар кўп бўлган Малайзия ва Индонезиядан келганлар ташкил қилади. 

Ўзбекистон мусулмонлари идораси

Матбуот хизмати

Ўзбекистон Республикасининг Ар-Риёддаги Фавқулодда ва Мухтор элчиси Нодиржон Турғунов Қироллик вазирлар маҳкамаси маслаҳатчиси, Қирол Салмон номли гуманитар ёрдам маркази бош директори Aбдулла бин Aбдулазиз ар-Рабияни қабул қилди, деб хабар бермоқда “Дунё” ахборот агентлиги.

Учрашувда ҳамкорлик, жумладан, таълим ва соғлиқни сақлаш соҳалари, шунингдек, Оролбўйи минтақасини ривожлантиришни қўллаб-қувватлаш масалалари муҳокама қилинди.

Ўзбекистон Президентининг 2022 йилда Саудия Aрабистонига расмий ташрифидан сўнг икки давлат ўртасидаги ҳамкорлик янги суратга эга бўлгани таъкидланди. Саудия Aрабистонининг Ўзбекистон билан муносабатларни ҳар томонлама ривожлантириш истаги таъкидланди. Бу борада марказ мамлакатимизда ишлаб чиқилаётган лойиҳаларни молиялаштириш масаласини кўриб чиқиш ва ҳамкорлик алоқаларини ривожлантиришга тайёр эканини маълум қилди. Саудия томони бошқа соҳаларда ҳам ҳамкорликни йўлга қўйишдан манфаатдорлигини билдирди.

Учрашув якунлари бўйича ҳамкорликни мувофиқлаштириш мақсадида Ўзбекистоннинг Aр-Риёддаги элчихонаси вакиллари билан мунтазам музокаралар олиб бориш бўйича келишувга эришилди.

Ўзбекистон мусулмонлари идораси

Матбуот хизмати

 

الصفحة 5 من 272
Top