Наманган шаҳридаги “Афсоналар водийси” боғи ҳудудида янги “Юсуфхон ўғли Қосимхон” масжиди қуриб битказилди.

– Юртингизга дунёда ягона нусхадаги санъат асаримиз билан келдик, – дейди Туркиянинг “Teknikel Avize” ширкати раҳбари Серкан Озжелик. – Масжидга махсус буюртма асосида узунлиги 17 метр, баландлиги 14 метрни ташкил этувчи қандилни ясаб, ўрнатяпмиз. Қандил ёнганида Асмои Хусана – Аллоҳнинг 99 исми, Калимаи тавҳид ва Бисмиллоҳ калималари унинг нурида акс этади.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Масжид хонақоҳида 4,5 минг нафар намозхон ибодатни адо этиши учун барча шароит муҳайё.

– Бу ерда каттагина кутубхона ҳам жой олган бўлиб, кейинчалик электрон кутубхона тизими ҳам йўлга қўйилади, – дейди масжид имом-хатиби Мусохон Аббосиддинов. – Яъни, масжидга кирган намозхон ибодат вақтига қадар диний китобларни электрон мутолаа қилиш имкониятига эга бўлади.

Мазкур янги масжид ишга тушиши билан Наманган шаҳрида масжидлар сони 38 тага, вилоятда эса 189 тага етди.

Ҳотам МАМАДАЛИЕВ (сурат), ЎзА