muslim.uz

muslim.uz

 

ИНСОННИНГ ИШИ ЮРИШМАСЛИГИНИ

энг КАТТА 23 та САБАБИ

ни

 

УЛУҒ УСТОЗ УЛАМОЛАРИМИЗ баён қилиб берганлар:

 

КАЛОМУЛЛОҲНИНГ ОЯТИ КАРИМАЛАРИДА

ХУДОИМ ТАОЛО МАРҲАМАТ ҚИЛАДИ:

 

Z  «Биз инсонни ота-онасига яхшилик қилишга буюрдик!» (Аҳқоф сураси 46/15 оят);

Z  «Биз инсонга ота-онасини рози қилишни буюрдик. Онаси уни заифлик устига заифлик билан қорнида кўтариб юрди. Уни кўкракдан ажратиш муддати икки йилда битар. Биз инсонга буюрдикки Сен Менга ва ота-онангга шукр қилгин! Қайтишлик Менинг ҳузуримгадир» (Луқмон сураси 31/14 оят);

Z «Раббингиз, Унинг Ўзигагина ибодат қилишингизни ҳамда ота-онага яхшилик қилишни амр этди. Эй, инсон! Агар уларнинг бири ёки ҳар иккиси ҳузурингда кексалик ёшига етсалар, уларга уф!..” дема ва уларни жеркима! Уларга доимо ёқимли сўз айт! Уларга, меҳрибонлик билан, хорлик қанотини паст тут ва дуода айт: “Эй, Раббим! Мени улар гўдаклик чоғимда тарбиялаганларидек, Сен ҳам уларга раҳм қилгин!”» (Исро сураси 17/23-24);

Z «Ниманики хайр-эҳсон қилсангиз, ота-она, қариндошлар, етимлар, мискинлар ва мусофирларга қилингиз! Аллоҳ ҳар қандай қилган эҳсонларингизни билиб турувчидир» (Бақара сураси 2/215 оят).

 

 

 

ЖАНОБИ ПАЙҒАМБАРИМИЗ РАСУЛУЛЛОҲ САЛЛАЛЛОҲУ АЛАЙҲИ ВАСАЛЛАМ

МЕҲР-МУРУВВАТ ТАРИҚАСИДА МАРҲАМАТ ҚИЛАДИЛАР:

 

¯ Уч тоифа кишининг қўлга киритган нарсасида барака бўлмайди ва қаерда бўлса ҳам хорланади:

     менинг номимни эшитганда салавоти шариф айтмаган;

     Рамазон ойига ҳурмат кўрсатмаган;

     ота-онаси тирик бўла туриб, уларни хурсанд қилмаган;

 

¯  Кимни умри узун ва ризқи кенг бўлиши хурсанд қилса, ота-онасига яхшилик қилсин ва силаи раҳм қилсин!” (Имом Аҳмад ривоятлари).

 

                                  

                                              

                                              

  ДОНО ХАЛҚИМИЗ МАҚОЛЛАРИ:

 

   o   «Ота-она рози – Худо рози.

 

   o   «Яхши ўғил ота молини бийлар,

       Ёмон ўғил ота молини сочар».

 

   o   «Яхшига қилсанг яхшилик –

       Ҳам айтади, ҳам қайтади.

      Ёмонга қилсанг яхшилик –

     На айтади, на қайтади».

 

 

ИНСОННИНГ ИШИ ЮРИШМАСЛИГИ,

БАРАКАСИ БЎЛМАСЛИГИ,

1И 2 БЎЛМАСЛИГИ ва

МУҲТОЖ, ҚАШШОҚ, КАМБАҒАЛ БЎЛИШЛИГИ га

ОТА-ОНАСИ билан БОҒЛИҚ энг КАТТА 23 та САБАБ:

1)       ОТА-ОНАНИНГ ҳақларига дуо қилмаслик.

2)       ОТА-ОНАНИ беҳурмат қилишлик.

3)       ОТА-ОНАНИ кўнгилларини оғритишлик.

4)       ОТА-ОНАНИНГ хизматларини қилмаслик.

5)       ОТА-ОНАНИНГ дуоларини олмаслик.

6)       ОТА-ОНАГА оқ бўлишлик.

7)       ОТА-ОНАНИНГ номларини айтиб чақиришлик.

8)       ОТА-ОНАНИ беписанд қилишлик.

9)       Улуғлар (ОТА-ОНА, устоз, раҳбар, ўзидан ёши катта, улуғ инсон, табаррук одамлар) ни ҳурматларини жойига қўймаслик.

10)      Улуғлар (ОТА-ОНА, устоз, раҳбар, ўзидан ёши катта, улуғ инсон, табаррук одамлар) га нисбатан беодоблик қилишлик.

11)      Улуғлар (ОТА-ОНА, устоз, раҳбар, ўзидан ёши катта, улуғ инсон, табаррук одамлар)  олдиларидан кесиб ўтишлик.

12)      Улуғлар (ОТА-ОНА, устоз, раҳбар, ўзидан ёши катта, улуғ инсон, табаррук одамлар)  нинг олдиларига тушиб юришлик.

13)      Ака-ука, опа-сингиллар билан бемеҳр бўлишлик.

14)      Қавм-қариндошлар билан яхши муносабатда бўлмаслик.

15)      Қўни-қўшнилар билан чиройли муомала қилмаслик.

16)      Ўтганларнинг ҳақларига дуо қилмаслик.

17)      Озига шукр қилмаслик.

18)      Бир инсонни хафа қилишлик.

19)      Турар жой (яшайдиган уй, ишхона) ларни озода тутмаслик.

20)      Кийим кечак (либос, бош кийим, оёқ кийим) ларни покиза тутмаслик.

21)      Аҳли аёли билан жанжаллашишлик.

22)      Ҳайвон, парранда, ҳашарот ва наботот оламига зулм қилишлик.

23)      Ёлғон гапиришлик.

 

Иброҳимжон домла Иномов

 
 

Бугун, 12 июнь куни Ўзбекистон мусулмонлари идораси раиси ўринбосари Ҳомиджон домла Ишматбеков фуқароларни қабул қилиб, уларнинг мурожаатини тинглади.
Қабул давомида Андижон, Навоий, Тошкент вилоятлари ва Тошкент шаҳридан келган ҳамюртларимизнинг шаръий масалалари, масжидлар ҳолати, ва моддий ёрдам масалаларидаги арз ва мулоҳазалари эшитилди.
Мулоқотлар давомида муаммолар ечими бўйича маслаҳатлар, моддий ёрдам сўраганларга белгиланган тартибда кўмак берилиши таъкидланди.
Масжид ва имомлар фаолиятига оид мурожаатлар кўриб чиқиш учун идора бўлимларига тегишли вазифалар юкланди.
Бу каби қабул жараёнлари Ўзбекистон мусулмонлари идорасининг ҳудудлардаги вакилликлари ва барча жоме масжидларида ҳам ҳафтанинг ҳар чоршанба куни имом-домлалар томонидан амалга оширилмоқда.

 

Зайниддин домла Эшонқулов,

 Ўзбекистон мусулмонлари идораси
раиси ўринбосари

Бугун, 29 май куни Халқаро ислом ташкилотининг Таълим, фан ва маданият масалалари бўйича Бош директори Доктор Салим Ал-Малик мамлакатимизга ташрифи доирасида Ҳазрати Имом мажмуасини зиёрат қилди.

Меҳмонни Ўзбекистон мусулмонлари идораси раиси ўринбосари Зайниддин домла Эшонқулов самимий кутиб олди.

Ташриф давомида Зайниддин домла мартабали меҳмонга мамлакатимизда диний-маърифий соҳада амалга оширилаётган ислоҳотлар, сўнгги янгиликлар, Ўзбекистон мусулмонлари идораси фаолияти ҳақида маълумот берди.

Шунингдек, Ҳазрати имом мажмуаси билан яқиндан таништириб, мажмуа ҳақида батафсил сўзлаб берди.

Учрашувда 2007 йили мазкур халқаро ташкилот Тошкент шаҳрини “Ислом маданияти шаҳри” деб эълон қилганлиги муносабати билан Ҳазрати Имом мажмуаси ва бу ердаги тарихий ёдгорликлар қайта таъмирлангани қайд этиб ўтилди.
 
Мартабали меҳмон самимий учрашув учун миннатдорчилик билдирди.

Ўзбекистон мусулмонлари идораси
Матбуот хизмати

Бугун, Қорақалпоғистон мусулмонлари қозиёти қозиси Б.Разов Қўнғирот тумани бош имоми Р.Умаров шериклигида Нукус шаҳри марказидан 450 км узоқликдаги, қўшни Қозоғистон Республикаси билан чегарадош ҳудудда жойлашган «Қорақалпоғистон» посёлка фуқаролари йиғинидаги «Бердақ бобо» жоме масжидига ташриф буюрди. Масжидда жамоат билан тинчлик – олий неъмат, юртимиздаги инсон марфаатлари учун амалга оширилаётган ислоҳатлар, фарзанд тарбияси мавзуларида суҳбатлашди ва «Ота-онага яхшилик – улкан савоб!» мавзусида маъруза қилди.

Ташриф давомида «Қорақалпоғистон» посёлка фуқаролари йиғини идорасида аҳоли билан учрашиб, тинчлик, миллатлараро тотувлик ва диний бағрикенглик мавзусида баёнат қилди. Икки оилага қозиёт ҳисобидан озиқ-овқат маҳсулотларидан моддий ёрдам берилди.

Шундай олис ҳудудда меҳнат қилаётган инсонлар жумладан «Бердақ бобо» жоме масжиди имом-хатиби Е.Кусутов ва «Қорақалпоғистон» посёлка фуқаролари йиғини раиси Қ.Қошимбетоваларга Қорақалпоғистон мусулмонлари қозиёти томонидан ташаккур билдирилди ва эсталик совғалар топширилди.

 

Қорақалпоғистон мусулмонлари қозиёти

Страница 1 из 1850
Top