muslim.uz
Фоторепортаж: "Ҳазрати Имом"да хатми Қуръон
ЎМИ Матбуот хизмати
Гуллар шаҳри Наманганда Рамазоннинг ҳақиқий шукуҳи
Аллоҳга беадад шукрлар бўлсинким, муборак ойи тинчлик, меҳр-оқибат, ҳиммат ва саховат каби анъаналаримиз тобора мустаҳкам қарор топаётган бир шароитда, кўтаринки руҳ билан ўтмоқда.
Муборак Рамазон ойи ўзининг хайру баракаси, саховати, мўл-кўл эҳсонларини шукуҳ билан юртимиз узра тараннум этмоқда. Бу ой юртимиз аҳлига сурур ва фарахлар бахш этмоқда.
Наманган вилоятидаги барча масжидларда таровиҳ ва хатми Қуръонлар ўтказилмоқда. Намозхонлар масжидларда қориларнинг Қуръон ўқиб беришларини ихлос билан эшитмоқдалар. Қайси бир масжидга назар солсангиз муборак Рамазон ойи шукуҳи давом этмоқда. Таровиҳ намозларида қатнашаётган кексалар билан суҳбат қилсангиз кўзларида миннатдорчилик ёши балқиганини кўриб Яратганга шукроналар келтирасиз.
Ана шундай неъматлар ичида энг улуғларидан бири тинчлик ва осойишталик неъматидир. Тинчлик ва хотиржамлик бўлган юртда ривожланиш, тараққиёт бўлади. Ибодатлар тинч ва осойишталик билан адо этилади. Эл-юртимиз узра бахту-саодат тараннум этади.
Аллоҳ таоло Наманган аҳлига яна бир неъмат инъом этди. Боиси 30 май куни Наманган шаҳридаги “Мулла Бозор Охунд” жоме масжидига Ўзбекистон мусулмонлари идораси раиси, муфтий Усмонхон Алимов ҳазратлари ташриф буюрдилар. Бу ташриф масжидга ўзгача тароват бахш этди, масжид аҳлининг боши кўкларга етди.
Муфтий ҳазратлари таровиҳ намозидан сўнг муборак Рамазон ойининг фазилатлари ва охирги йилларда диний соҳада эришилаётган ютуқлар, истиқлол шукронаси мавзуларида маъруза қилиб, Рамазон ойи юртимиз учун барокатли ва хайрли, она Ватанимиз тинч, осмонимиз мусаффо, ҳаётимиз эса фаровон бўлишини сўраб дуолар қилдилар.
Ўзбекистон мусулмонлари идорасининг
Наманган вилоят вакиллиги
Матбуот хизмати
Online: Юртимиз масжидларида хатми Қуръон ("Ҳазрати Имом" жоме масжиди. Тошкент)
ЎМИ Матбуот хизмати
Online: Юртимиз масжидларида хатми Қуръон (Наманган шаҳри)
ЎМИ Матбуот хизмати
Муфтий ҳазрат Асака заводи ишчилари билан учрашди
Муборак Рамазон ойининг фазилатли кунлари юртимиз узра ўз нурини таратиб турган шу кунларда Ўзбекистон мусулмонлари идораси раиси, муфтий Усмонхон Алимов ҳазратлари Республикамизнинг вилоятларидаги юртимиз аҳолисини муборак Рамазон ой билан табриклаш асносида ўзларининг ташрифларини амалга ошириб келмоқдалар.
Жорий йилнинг 25 май куни Асака шаҳридаги "Уз Донг Вон Ко" корхонасига ташриф буюриб, ушбу корхонада ишлайдиган барча ишчи ходимларни Муборак Рамазон ойи билан табриклаб, дуои хайрлар қилдилар.
Рамазоннинг ҳақиқий завқи – Қуръон тиловати ва Аллоҳнинг зикри билан онгу шуурларимизни банд қилиш, улуғ ойнинг илоҳий файзидан насибадор бўлишга чақирдилар.
Мажлис сўнгида корхона бош директори Баҳодир Ҳакимжонович Муфтий хазратларининг ташрифидан хурсанд бўлгани, хурсандчиликдан бошлари кўкларга етгани ҳақида айтиб барча ходимлар номидан ташриф учун миннатдорлик билдирди.
Муфтий ҳазратлари ишчиларни аҳил-иноқ бўлиб, бирдамликда, соғ-саломат ишлашларини Аллоҳдан сўраб дуои фотиҳа килдилар.
Ўзбекистон мусулмонлари идораси Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.