www.muslimuz
Имом Бухорий маркази Қирғиз-Турк Манас университети билан ҳамкорлик йўлга қўймоқда
Имом Бухорий халқаро илмий-тадқиқот маркази ва Самарқанд давлат университети ҳамкорлигида ташкил этилган “Имом Бухорий маънавий мероси ва ҳозирги замон” мавзусидаги халқаро илмий-амалий конференцияга ташриф буюрган Қирғиз-Турк Манас университети ректори профессор Сабаҳиддин Балжи жаноблари куннинг иккинчи ярмида Имом Бухорий халқаро илмий-тадқиқот маркази ва Ҳадис илми мактабига ташриф буюриб, бу ерда олиб борилаётган ишлар ва яратилган шарт-шароитларни кўриб юртимизда диний соҳада олиб борилаётган ишларга юқори баҳо берди.
Бу ишларнинг бошида турган Ўзбекистон Президенти Шавкат Мирзиёевга тасаннолар айтди. Шундан сўнг, мартабали меҳмон Имом Бухорий мажмуасида бўлиб, буюк муҳаддис бобомизни қабрини зиёрат қилиб қуръон тиловат қилди.
Сабаҳиддин Балжи ташрифи давомида Имом Бухорий халқаро илмий-тадқиқот марказида илмий ходимлар иштирокида учрашув ташкил этилди. Меҳмон марказда олиб борилаётган илмий тадқиқот ишлари ва марказ қўлёзмалар хазинаси билан танишди. Дўстона ўтган учрашувда Балжи “Мен Ўзбекистонга келишни бир неча йиллардан бери орзу қилар эдим. Мен аслида математик олимман. Мен ўз илмий ишим давомида сизнинг бобонгиз Маҳмуд ал-Хоразмий ҳаёти ва илмий меросини кўп ўргандим ва унинг бу дунё аҳли учун қанчалик катта иш қилганлигини жуда яхши биламан. Мен бу ўзбек диёридан яна кўплаб олимлар ҳаёти ва тарихини ўқиган пайтларимда шу юртни бир бориб кўриш насиб қилармикан деган тасаввурда эдим. Аллоҳга шукрки мана бу Имом Бухорий халқаро илмий-тадқиқот маркази ходимларининг саъйи ҳаракатлари туфайли мен бугун азалий орзуимга эришдим. Сиз жуда ҳам буюк аждодларнинг меросхўрларисиз. Ишонаманки боболарингизнининг илмий меросларидан фойдаланиб бу дунёга, илм аҳлига катта илмий ютуқларни олиб чиқасиз” деди.
Шунингдек, Балжи жаноблари яқин келажакда Имом Бухорий халқаро илмий-тадқиқот маркази билан барча соҳаларда доимий алоқа ўрнатилишига тайёрлигини маълум қилди.
Учрашув сўнгида меҳмонларга марказ илмий ходимлари томонидан тайёрлаб нашр этилган китоблар совға қилинди.
Имом Бухорий халқаро илмий-тадқиқот маркази
Диний идорада Ислом молияси бўйича семинар ўтказилди
Бугунги кунда бутун дунё ҳамжамияти томонидан тан олинаётган исломий молия ва савдо асослари Ўзбекистонда ҳам кенг ёйилиш арафасида турибди. Бу ишга халқаро ташкилотлар, жумладан, Ислом тараққиёт банки ва Халқаро исломий савдо молия корпорациясининг яқиндан кўмаги ушбу йўналишдаги ишлар ташкил этилишига катта хизмат қилмоқда. Бу йўлда турли ҳамкорлик шартномалари, келишувлар, меморандумларнинг имзоланиши мўмин-мусулмонларнинг исломий банк хизматларидан фойдаланиш имконини беради.
Кеча, 15 ноябрь куни Ўзбекистон мусулмонлари идорасида “Вақф” хайрия жамоат фонди, Халқаро ислом академияси ва Ислом тараққиёт банки билан ҳамкорликда “Исломий молия ва вақф ишлари” мавзусида илмий-амалий семинар бўлиб ўтди.
Семинарда Ислом тараққиёт банки, Ўзбекистон мусулмонлари идораси, Инвестициялар бўйича давлат қўмитаси, Халқаро молиявий ташкилотлар билан ишлаш департаменти, “Вақф” фонди ва Халқаро исломий савдо молия корпорацияси вакиллари мавзу доирасидаги долзарб маърузалари билан иштирок этдилар. Ушбу семинарда соҳа мутахассислари, диний ходимлар ва талаба-ёшлар қатнашдилар. Семинарнинг ўзига хос жиҳати шундаки, ушбу семинарда иштирок этган хорижлик мутахассислар инглиз ва рус тилларида исломий молий, савдо ва банк тизими ҳақида иштирокчиларга батафсил маълумот бериб ўтдилар.
Ўзбекистон мусулмонлари идораси Матбуот хизмати
Нишонга урилган гаплар: Баъзи одамлар «акса уриш»га ўхшайди. Ҳаётингдан чиқиб кетганидан кейин «АЛҲАМДУЛИЛЛАҲ» дейишинг керак!
Қуйида келтириладиган фикрлар ижтимоий тармоқлардаги “Тарих мухрлаган сўзлар” саҳифасидан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.
- Қолоқликнинг энг муҳим сабабларидан бири — бир ишни, вазифани унинг мутахассиси бўлмаган кишига топширишдир!
«Тарих мухрлаган сўзлар»
- Шарафли фақирлик ориятсиз бойликдан афзалдир!
Жорж Бернард Шоу
- Баъзи одамлар сизни ташлаб кетишади. Лекин бу ҳаётингиз тугади дегани эмас. Балки бу ҳаётингизнинг фақат уларга боғлиқ қисми тугади деганидир.
Уил Смит
- Қурол билан террорчиларни ўлдира оласан. Аммо, таълим билан терроризмни ўлдира оласан.
Малала Юсуфзай
- Баъзи одамлар «акса уриш»га ўхшайди. Ҳаётингдан чиқиб кетганидан кейин «АЛҲАМДУЛИЛЛАҲ» дейишинг керак!
Интернет материалларидан тўплаб, таржима қилувчи
Нозимжон Иминжонов
Нишонга урилган гаплар – 6
Қуйида келтириладиган фикрлар ижтимоий тармоқлардаги “Тарих мухрлаган сўзлар” саҳифасидан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.
Аёлнинг сукути
Аёлнинг жим туришининг учта эҳтимоли бор:
- Ё фикрлашга берилган.
- Ё кутиб чарчаган.
- Ёки қалби парчаланган.
- Бургутлар сукут сақлаб турганда, тўтиқушлар сафсата сотишни бошлайди.
Уинстон Черчилл
- Жоҳиллик — ҳар бир ёмонликнинг аслидир.
Афлотун
- Аёл севган инсонининг олдида жим туриб, гапиришга журъати етмаётган пайтда сўзлари кўз ёши кўринишида келади.
Эсимиздан чиқмасин!
БИЗНИ ДУНЁГА КЕЛТИРГАН ИНСОН БОШҚАЛАР УЧУН ОДДИЙ АЁЛДИР, ЛЕКИН БИЗ УЧУН ОНАДИР!
- Аллоҳнинг сенга тақсим қилганига рози бўл! Эҳтимол, кўпроғига эга бўлганингда, ҳалокатинг ўша кўпроғида бўлар.
Интернет материалларидан тўплаб, таржима қилувчи
Нозимжон Иминжонов
ЖУМАДАН ЖУМАГАЧА
Ўзбекистон «Ислом мамлакатларининг стандартлар Устави»ни ратификация қилди
Ўзбекистон Республикаси Олий Мажлиси Сенати аъзолари 27 сентябрь куни бўлиб ўтган навбатдаги ялпи мажлисда 3 та халқаро шартномани ратификация қилиш ҳақидаги қонунни кўриб чиқдилар.
Хусусан, “Ислом мамлакатларининг стандартлар ва метрология институти Устави ва Тартиб-қоидаларини (Истанбул, 1999 йил 7 ноябрь, 2017 йил 7 май ҳолатидаги ўзгартиришлар билан) ратификация қилиш тўғрисида”ги, “Ислом ҳамкорлик ташкилоти Уставига киритилган тузатишни (Абиджан, 2017 йил 10-11 июль) ратификация қилиш тўғрисида”ги, “Париж битимини (Париж, 2015 йил 12 декабрь) ратификация қилиш тўғрисида”ги Ўзбекистон Республикаси халқаро шартномаларини ратификация қилиш тўғрисидаги қонунлари сенаторлар томонидан маъқулланди.
Президент Шавкат Мирзиёев Аграга борди
Ўзбекистон Республикаси Президенти Шавкат Мирзиёев Ҳиндистон Республикаси Президенти Рам Натҳ Ковинднинг таклифига биноан 30 сентябрь куни давлат ташрифи билан ушбу мамлакатга келди.
Давлатимиз раҳбари дастлаб Агра шаҳрига ташриф буюрди. Ўзбекистон делегацияси аэропортда тантанали кутиб олинди.
Президентимиз бу ерда жаҳонга машҳур Тож маҳал обидасини бориб кўради.
Андижонда "Энг маърифатли имом" танлови ўтказилди
Ўзбекистон мусулмонлари идорасининг 2018 йил 10 сентябрдаги 01А/092-сонли буйруғига асосан Андижон вилояти имом хатиблар ва имом ноиблари ўртасида “Энг маърифатли имом” кўрик танловининг шаҳар ва туман босқичи бўлиб ўтди.
Ҳакамлар ҳайъатининг якуни хулосасига кўра Андижон вилоятидаги барча шаҳар ва туманларидан ҳар биридан биттадан ғолиб аниқланди ва “Энг маърифатли имом” кўрик танловининг Андижон вилоят босқичига йўлланмани қўлга киритдилар.
Ушбу кўрик танловда вилоят бўйича жами 181 нафар имом хатиб ва 62 нафар имом ноиблари ўзаро беллашдилар.
Мадинадаги Қуръон мусобақасида иштирок этувчи қориларимиз сафарга отланди
3 октябрь куни, соат 08:20да қориларимиз Мадина шаҳрида бўлиб ўтадиган нуфузли халқаро мусобақада иштирок этиш учун жўнаб кетдилар. Ушбу мусобақа Муҳаммад соллаллоҳу алайҳи ва салламнинг масжидларида 40 йилдан бери илк бор ўтказилмоқда. Ушбу нуфузли мусобақада юртимиздан икки нафар иштирокчи ва бир нафар баҳоловчи ҳакам иштирок этади.
- Тошкент Ислом институти «Таҳфизул-Қуръон» кафедраси мудири катта устоз Жаҳонгир қори Неъматов (баҳоловчи ҳакам);
- Тошкент Ислом институти талабаси, «Ўзбекистон Қуръон мусобақаси 2018» мутлақ ғолиби Йўлдошбек қори Нуриддинов (30 порани ёддан ўқиш йўналиши иштирокчиси);
- Кўкалдош ўрта махсус Ислом билим юрти талабаси Абдурраҳмон қори Сўфиев (15 порани ёддан ўқиш йўналиши иштирокчиси).
Таниқли уламо Абдураззоқ ҳожи Юнусов вафот этди
4-октябр куни, юртимиз мусулмонлари улкан мусибатга, оғир жудоликка учради. Кўп йиллардан бери нафақат юртимиз, балки қўшни мамлакатларга ҳам сермаҳсул хизматлари билан танилган, муҳтарам устоз, таниқли уламо Абдураззоқ ҳожи Юнусов табаррук 70 ёшда вафот этди.
Сурхондарёда йирик исломий тадқиқот маркази қурилмоқда
Президентимизнинг 2017 йил 14 февралдаги “Имом Термизий халқаро илмий тадқиқот марказини ташкил этиш чора-тадбирлари тўғрисида”ги қарорига биноан Термиз шаҳрида Имом ат-Термизий номидаги илмий тадқиқот маркази, 2500 ўринга мўлжалланган масжид, 138 ўринли меҳмонхона ҳамда оталар чойхонаси, шунингдек,имомлар учун 5 та икки қаватли турар жойлар ва бошқа бир неча хизмат кўрсатиш иншоотлари бунёд этилмоқда. Бу ҳақда "Халқ сўзи" нашри хабар берди.
"Туризм Ипак йўлида” халқаро туризм ярмаркаси ўтказилмоқда
Жаҳон халқаро майдонларида Ўзбекистон Республикасининг туристик салоҳиятини кенг тарғиб қилиш мақсадида, Тошкент шаҳрида 2018 йил 3-5 октябр кунлари ўтказилаётган “Туризм Ипак йўлида” 24-Тошкент халқаро туризм ярмаркасида Тошкент шаҳрининг туристик салоҳиятини кенг тарғиб қилиш ва жаҳон майдонида муносиб иштирок этиш учун «Tashkent City» стенди билан Тошкент шаҳар хокимияти иштирок этмоқда.
Мадинада ўттиз йилда ёзилган Қуръон намойиш этилди
Мадинадаги Муқаддас Қуръон музейида Қуръони каримнинг ажойиб нусхаси намойиш этилди. Бу ҳақда IslamTodayга таяниб Azon интернет нашри хабар берди.
Покистон Ислом Республикасидан олиб келинган бу Қуръон китобининг ўзига хослиги шундаки, у тамомила матога тикиб ёзилган. Китобни 1987 йилда покистонлик Насим Ахтар “ёза” бошлаган ва ишни жорий йилдагина тамомлай олди.
ЎМИ Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.