muslim.uz
Масжидларда барча қулайлик мавжуд
Сирдарё вилоятида ҳам муборак Рамазон ойини муносиб тарзда ўтказишга қизғин тайёргарлик кўрилди.
– Сирдарё вилоятида бу йилги Рамазон ойида 72 та жомеъ масжидда таровеҳ намозлари ўқилади. Шундан 43 та масжидда мукаммал хатми Қуръон ўқилади, – дейди Сирдарё вилояти бош имом хатиби Ҳабибуллоҳ Зокиров. – Барча масжидларда Қуръони Карим хатми бир маромда бир хил ўқилади ва хатмнинг якуни Қадр кечасида бўлади. Айни пайтда вилоятнинг барча масжидларида намозхонлар учун зарур шароитлар яратилиб, масжидлар атрофида автотураргоҳлар ташкил этилган. Таҳоратхоналар тартибга келтирилиб, овоз кучайтиргичлар соз ҳолатга келтирилган. Бир сўз билан айтганда юртдошларимиз намозларини мукаммал адо этишлари учун масжидларимиз тайёр ҳолда. Бундан ташқари муборак Рамазон ойи давомида муҳтожлар учун саховат, меҳр-мурувват тадбирларини ўтказишни ҳам режалаштирганмиз.
Шуҳрат Суяров,
ЎзА
Муфтий ҳазратларининг Рамазон табриклари
Ўзбекистон мусулмонлари идораси Матбуот хизмати
Муслим подкаст: Қалбнинг зангини кетказувчи, уни сайқаллаб, унга жило берувчи - Қуръони карим ҳақида Шайх Алижон қори билан суҳбат
Ўзбекистон мусулмонлари идораси "Қуръон ва тажвидни ўргатиш" бўлими мудири Шайх Алижон қори Файзуллоҳ Махдум ўғли билан бўлган суҳбатни эътиборингизга тақдим этамиз.
Аллоҳ таоло ушбу суҳбатни хайрли ва манфаатли қилсин!
Ўзбекистон мусулмонлари идораси Матбуот хизмати
Мирзаободда қайтадан қурилган янги масжид фойдаланишга топширилди
Сардоба сув омбори талофатидан зарар кўрган Мирзаобод туманидаги “Ҳазрати Усмон” жоме масжиди биноси ҳомийлар кўмагида қайтадан қурилиб битказилди.
Наврўз байрами куни мазкур жоме масжидининг расмий очилиш маросими бўлиб ўтди. Унда Ўзбекистон мусулмонлари идораси Сирдарё вилояти вакили, вилоят бош имом-хатиби Ҳабибуллоҳ домла Зокиров, туман ҳокими Жонибек Яриев ва сектор раҳбарлари иштирок этишди.
Масжид ички, ташқи қўшимча айвонлари билан 1000 нафардан ортиқ одамни сиғдира олади. Ташқи тарафдан масжидга 27 метрли минора ўзгача кўрк бағишлаб турибди.Таҳоратхона ва масжиднинг ички қисмлари ҳам дид билан безатилган бўлиб бу ерда намозхонлар учун барча шарт-шароитлар яратилган.Муборак Рамазон ойи аввалида ушбу масжиднинг фойдаланишга топширилиши Мирзаобод аҳли учун унутилмас тарихий воқеа бўлди.
Ш. Суяров, ЎзА
Рўзадорлар қандай таомланиши зарур?
Жаҳон соғлиқни сақлаш ташкилоти томонидан рўзадорлар учун соғлом овқатланиш юзасидан ишлаб чиқилган тавсияларга амал қилиб, ортиқча вазндан халос бўлиш, қон босими ва организмдаги холестерин миқдорини пасайтиришга эришиш мумкин.
Хусусан:
кундузи ҳаво ҳарорати юқори бўлган пайтда салқин ва соя жойларда қолиш ҳамда қуёшда узоқ юрмаслик тавсия этилади;
ифторлик ва саҳарлик оралиғида кўп миқдорда сув ичиш мақсадга мувофиқ, чунки кундузи ҳаво ҳарорати юқори бўлиши кўп тер ажралишига сабаб бўлади.
Шу боис кун давомида йўқотилган суюқлик ўрнини қоплаш эҳтиёжи юзага келади. Бунинг учун эса камида 10 стакан сув ичиш тавсия этилади.
Серсув маҳсулотлар тановул қилиш орқали ҳам бу меъёрни қисман қоплаш мумкин. Масалан, саҳарлик пайтида ёки ифторликдан кейин дессерт сифатида ҳўл мевалардан ейиш фойдали.
“Ачиқ-чучук” салати таркибидаги бодринг ва помидор ҳам серсув неъматлар ҳисобланади.
Шўрва ёки сабзавотли салатлар сингари сувга бой таомларни ҳам истеъмол қилиш мумкин.
Таркибида кофеин мавжуд бўлган кофе, чой, кола каби ичимликлардан воз кечиб турган маъқул. Чунки бу модда инсон организмида сув миқдори камайиши (дегидрация)га олиб келади.
Шунингдек, газланган шакарли ичимликлар калорияга бой бўлишини эсдан чиқармаслик зарур.
Кун давомида жуда кўп ҳаракат қилиш организмнинг кўп миқдорда сув йўқотишига олиб келади. Қисқа муддатли сайр ёки чигалёзди машқлари сизни тонусда ушлаб туриши мумкин. Аммо кун бўйи ҳаракатсиз ўтириш ҳам тавсия қилинмайди.
Соғлиқни сақлаш вазирлиги
Матбуот хизмати.
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.