muslim.uz
Интеллектуал билимлар беллашувида “Хадичаи Кубро” толибалари ғолиб бўлди
Аввал хабар берганимиздек, 16 март куни Хоразм вилоятидаги Имом Фахриддин ар-Розий ўрта махсус ислом таълим муассасасида Ўзбекистон мусулмонлари идораси тасарруфидаги диний таълим муассасалари талабалари ўртасида “Жаҳолатга қарши маърифат” интеллектуал беллашувининг Республика босқичига бўлиб ўтди.
Қизиқарли кечган баҳсни Дин ишлари бўйича қўмита, Ўзбекистон халкаро ислом академияси ва Ўзбекистон мусулмонлари идорасининг тажрибали мутахассислари баҳолаб борди.
Беллашувда ҳар бир таълим муассасасидан келган жамоалар тўртта шарт: "Таништирув шарти", "Савол-жавоб шарти", "Ижодий ёндашув шарти", "Сарҳисоб шарти" бўйича ўзаро беллашадилар.
Мусобақа натижаларига кўра:
- Мусобақада фахрли биринчи ўринни 173 балл билан “Хадичаи Кубро” аёл-қизлар ўрта махсус ислом таълим муассасаси жамоаси
- Мусобақанинг иккинчи ўрнини 172 балл билан Тошкент ислом институти жамоаси
- Мусобақанинг учинчи ўрнини 171 балл билан “Кўкалдош” ўрта махсус ислом таълим муассасаси жамоаларига насиб этди.
Ғолиб жамоалар ва барча иштирокчилар Ўзбекистон мусулмонлари идораси, "Вақф" хайрия жамоат фонди, Имом Фахриддин ар-Розий ўрта махсус ислом таълим муассасаси ва ҳомийлар томонидан қимматбаҳо совғалар билан тақдирланди.
ЎМИ Матбуот хизмати
Тошкентдаги марказий масжидларга имом-хатиблар тайинланди
2023 йил 16 март куни пешин намозидан кейин Ўзбекистон мусулмонлари идораси, муфтий Нуриддин домла ҳазратлари Тошкент шаҳридаги "Минор" жоме масжиди имом-хатиби вазифасига Раҳматуллоҳ домла Сайфуддинов тайинланганини масжид жамоасига эълон қилдилар.
Шунингдек, Тошкент шаҳридаги қуйидаги марказий жоме масжидларга Ўзбекистон мусулмонлари идораси буйруғи билан янги имом-хатиблар тайинланди:
Чиғатой даҳасидаги “Имом Бухорий” масжиди имом-хатиби Садриддин домла Абдурашидов Олмазор тумани “Иброҳимбой Орифжонбой” жоме масжиди имом-хатиби вазифасига;
Кўкча даҳасидаги “Шайх Зайниддин” жоме масжиди имом-хатиби Яҳё домла Абдураҳмонов Чиғатой даҳасидаги “Имом Бухорий” жоме масжиди имом-хатиби вазифасига;
“Минор” жоме масжиди имом-хатиби Абдуқаҳҳор домла Юнусов Тошкент шаҳри бош имом-хатиби вазифасидан ажралмаган ҳолда Кўкча даҳасидаги “Шайх Зайниддин” жоме масжиди имом-хатиби вазифасига тайинландилар.
ЎМИ Матбуот хизмати
Қозон шаҳри Ислом бирдамлик ўйинларига мезбонлик қилиши мумкин
Ислом бирдамлик ўйинлари Қозон шаҳрида бўлиб ўтиши мумкин. “Бизнес онлайн” хабарига кўра, ҳозир Татаристон пойтахтининг бу масалага оид аризаси ташкилотчилар томонидан ўрганилмоқда.
Ҳар тўрт йилда бир марта ўтказиладиган турнирнинг бўлиб ўтиш санаси 2029 йилга тўғри келмоқда.
Маълумотларга кўра, Ислом бирдамлик ўйинлари илк бор 2005 йилда Макка шаҳрида ўтказилган ва 7000 нафар иштирокчини жамлаган. Турли йилларда мусобақага Индонезия, Озарбайжон ва Туркия мезбонлик қилган. 2025 йилда турнирнинг Камерунда ўтказилиши режалаштирилган. Ўйинларда одатда 28 хил турдаги ёзги спорт ўйинлари, жумладан, футбол, баскетбол, сузиш, бадиий гимнастика ва бошқалар мавжуд.
Мусобақа Ислом бирдамлиги спорт федерацияси томонидан ўтказилади. Ташкилотнинг штаб-квартираси Саудия Aрабистонида жойлашган ва унинг Президенти подшоҳ Салмон бин Aбдулазиз Ол-Сауддир.
Федерация 55 давлатни ўз ичига олган Ислом ҳамкорлик ташкилоти (ИҲТ) таркибида фаолият юритади. Эслатиб ўтамиз, Россия ИҲТда кузатувчи давлат ҳисобланади.
ЎМИ Матбуот хизмати
Муфтий ҳазрат: Ҳасад билан ҳаваснинг фарқи
Ўзбекистон мусулмонлари идораси Матбуот хизмати
Жазоирда Брайл алифбосидаги Қуръон каримнинг илк нусхаси чоп этилди
13 март куни Жазоир Дин ишлари ва вақфлар вазири Юсуф Билмаҳдий Жазоир тарихида илк бор Варш ривоятидаги Қуръони каримнинг оддий ва брайл алифбосидаги нусхаси биринчи босқичда 5 минг донада чоп этилишини маълум қилди.
Ушбу кўзи ожизлар учун янги Брайл услубидаги мусҳаф ота-оналар Брайл алифбосида ўқийдиган болаларга ҳамроҳ бўлиши учун оддий шрифтда сўзларни ёзишга асосланган.
Жазоирнинг Брайл алифбосидаги Қуръони Aфрика мамлакатлари ва Парижнинг Марказий масжидида миллий даражада тарқатилишидан ташқари, Республика Президентининг кўрсатмалари тимсоли сифатида ҳам тарқатилади.
ЎМИ матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.