muslim.uz
"Вақф" фонди саломатлик учун зарур бўлган воситаларни хайрия қилди
Фонднинг Тошкент шаҳар филиали "NIKA FARM" МЧЖ билан ҳамкорлик ўрнатиб, жамиятдан қабул қилиб олинган инсон саломатлигини сақлашда зарур бўлган, қарийб 104 миллион сўмлик антисептик воситаларини пойтахтимиздаги барча масжидларга топширди.
Бундан ташқари Тошкент Ислом институти, Кўкалдош мадрасаси, Хадичаи Қубро аёл-қизлар мадрасаси ва Ўзбекистон халқаро ислом академияси талаба ва устозлари учун қарийб 35 500 000 сўмлик антисептик воситалар тақдим этилди.
Барча юртдошларимизни яхшилик йўлида ҳамкорликка чорлаб қоламиз!
“Садақа Аллоҳнинг ғазабини тўсади ва ёмон ҳолда ўлим топишдан сақлайди” (Имом Термизий ривояти).
Муфтий ҳазрат: Таълим-тарбияга эътибор – келажакка эътибор!
Ўзбекистон мусулмонлари идораси Матбуот хизмати
Олий мадрасада Бухоро давлат университети билан ҳамкорликда тадбир ўтказилди
2023 йил 24 февраль куни Мир Араб олий мадрасасида “Ёшлар орасидаги психологик муаммолар ва уларни бартараф этиш йўллари” мавзусида давра суҳбати ташкил қилинди. Мазкур давра суҳбатида Бухоро давлат университети доценти, юртимиздаги машҳур психолог Улуғбек Жумаев маъруза қилди.
Маърузадан сўнг Мир Араб олий мадрасасининг талабалари мавзу юзасидан фикр-мулоҳазаларини билдирдилар ҳамда ўзларини қизиқтирган саволларга жавоб олдилар.
Ўқув семинаридан сўнг доцент Улуғбек Жумаевга Мир Араб олий мадрасаси раҳбарияти номидан миннатдорчилик билдирилди.
Мир Араб олий мадрасаси матбуот хизмати
Китоб бу – қалбларни ёритувчи чироқ (видео)
Халқимиз азал-азалдан китоб ўқишга, илм ўрганишга интилган. Юртимиздан донғи дунёни тутган улуғ олимлар ва мутафаккирларнинг кўплаб чиққани ҳам бежиз эмас. Биз шундай илм-фан ватанининг фарзандлари эканимиздан фахрланишга ҳақли ва ўтган аждодларимизга ҳурмат-эҳтиром кўрсатишга бурчлимиз. Албатта, китоб ўқиш инсон учун муваффақият ва саодат эшикларини очувчи калитдир. Илм излаш, китоб, газета ва журналларни мутолаа қилиш кишининг дунёқарашини кенгайтиради, ўзига хос лаззат бағишлайди.
Ўзбекистон мусулмонлари идорасининг ташаббуси билан бошланган, бутун Республикамиздаги барча масжидларда кутубхона ташкил қилиш ва кенг оммага китобхонликни тарғиб қилиш ишлари Самарқанд вилоятида ҳам давом этмоқда.
Ўзбекистон мусулмонлари идораси Самарқанд вилояти вакиллиги Матбуот хизмати
Расулуллоҳ соллаллоҳу алайҳи васаллам ҳаётларидан лавҳалар: Шаъбон кечаси (аудио)
Ўзбекистон мусулмонлари идораси Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.