muslim.uz
"Мир Араб" олий мадрасаси ва "Жўйбори калон" аёл-қизлар ислом билим юрти устозлари рағбатлантирлди
Диний таълим муассасалари, илмий-тадқиқот марказлари фаолиятини молиялаштириш, уларнинг профессор-ўқитувчилари, тадқиқотчилари, мутахассислари ва ўқувчи-талабаларини моддий ва ижтимоий қўллаб-қувватлаш Вақф фондининг асосий вазифаларидан бири ҳисобланади. Бу борада кўплаб хайрия ишлари амалга оширилган бўлиб, куни кеча Бухоро шаҳрида мана шундай тадбирларнинг навбатдагиси ўтказилди.
“Вақф” хайрия жамоат фонди Бухоро вилоят филиали томонидан ҳомийларни жалб қилган ҳолда, диний таълим муассасалари профессор-ўқитувчиларини моддий қўллаб-қувватлаш мақсадида, Бухоро шаҳридаги "Жўйбори Калон" аёл қизлар ўрта махсус ислом таълим муассасасида фаолият олиб бораётган устоз ва мураббийларнинг 30 нафарига, ҳар бирига 1 миллион сўмдан жами 30 миллион сўм, Мир Араб олий мадрасасининг 15 нафар мударрислари ва ходимларининг ҳар бирига 1 миллион сўмдан жами 15 миллион сўм ҳамда Мир Араб олий мадрасасида таҳсил олаётган, моддий кўмакка муҳтож бир нафар талабанинг ўқув шартномаси учун 5 миллион сўм, жами 50 миллион сўм маблағни нақд пул кўринишида таълим муассасалари устоз ва мураббийларига хайрия сифатида тақдим этди.
Вақф фонди Матбуот хизмати
Инсонлар орасига ихтилоф солувчи фитначиларнинг иш услуби
Мусулмонлар орасида турли ихтилофларни қўзғаётган бемазҳабларнинг фаолиятлари ҳам ўзига хос. Одатда, ихтилофни қўзиган шахс одамларга кўринмайди. Балки ўз одамини юбориб, «фалончига мана бу саволни бер, у ундай деса, сен бундай дегин» қабилида гап ўргатади. Ҳалиги одам унинг айтганини қилиб, мусулмонлар ичида ихтилоф қўзғайди. Бу ҳолат бир эмас, бир неча кишидан, бир неча марта такрорлангандан кейин, ихтилоф тарқалиб, ўз кучини кўрсата бошлайди. Баъзи одамлар, биз нотўғри иш қилаётган эканмиз деб, ихтилофчига ергашади. Бошқалари шубҳага тушади. Учинчиси: «Шу пайтгача қилган ибодатимиз нима бўлди?» дейди ва ҳоказо. Охири, одамлар орасида катта нохушлик содир бўлади.
Бу пайтда ихтилофчиларнинг «мулла»си ўзининг югурдакларига яна бошқа бир ихтилофни ўргатиб, уларни кишилар ичига юборишга тайёрлаётган бўлади. Югурдаклар эса, ўзларига айтилган, ихтилоф қўзғаш учун тўқилган сафсатани тўтиқушдек такрорлашга ошиқаётган бўладилар. Аммо аста-секин уларнинг сирлари фош бўлиб, башаралари кўпчилик ичида намоён бўлмоқда.
Муҳтарам имом домлаларимиздан бирлари масжидда намозхонларга бир масалани баён қилибди. У кишининг олдига бир одам келиб: «Сиз хато қилдингиз, аслида бундай бўлади», дебди. Домла: «Бу гапни қаердан олдингиз?» деса, «китобда бор», дебди. Имом домла: «Ўша китобни олиб келинг, ўқиб кўрайлик», дебди. Ҳалиги одам китобни олиб келиб, мазкур масала ёзилган жойини қўли билан кўрсатибди. Домла ўқиб кўрсалар, «Бу масалада мана бу гапни айтганлар ҳам бор», деб ихтилофчининг гапи ёзилган ва давомида: «Аммо бу гапнинг тўғриси бундай», деб домланинг гапи ёзилган экан. Домла: «Мана, мен айтган гап тўғри экан-ку», деб кўрсатсалар, ихтилофчи: «Мен ўқишни билмайман», дер эмиш. Араб тилини билмайдиган одам ўша тилдаги китобни кўтариб олиб, олим одам билан тортишгани келибди!
Кейинчалик, маълум бўлишича, ихтилофчиларнинг «мулла»ларига ҳам кўрсатмалар чет элдаги хўжайинларидан келар экан. Бошқача қилиб айтадиган бўлсак, дунё мусулмонлари орасида ихтилоф қўзғаш ишлари халқаро марказдан бошқариб борилмоқда. Эндиликда ихтилофчи бемазҳабларнинг «мулла»ларига марказдан факс, электрон почтада ёки интернет орқали кўрсатмалар келмоқда. Улар мазкур кўрсатмаларни таржима қилиб, югурдакларни кўтариб олиб, мўмин-мусулмонлар ичида ихтилоф уруғини сочмоқдалар. Ушбу сатрларда зикр қилинаётган ихтилофлар нафақат Ўзбекистон, Ўрта Осиё ёки МДҲ давлатларида, балки бутун дунёда мусулмонларнинг бошини қотирмоқда. Биз «ихтилофчилар» ва «Бемазҳаблар» деб атаётган фитначилар кимлар? Энг ачинарлиси шу юртда туғилиб қаерлардаги дунёсини деб охирати бой берган, нафсини қулига айланган инсонларди ўртасига фитна уруғини тарқатаётган инсонлар зў юртини хоини, кечириб бўлмайдиган гунохларди содир этувчи инсонларга эргашиб не-не орзулар билан дунёга келтирган ота-онасини халқ олдида бошини эгилишига сабаб бўлаяпти. Аллоҳ таоло барчвмизди бу ўткинчи дунё ёлғонларига алданиб Аллоҳ таоло вада қилган мукофотлардан бенасиб бўлиб қолишдан ўз панохида асрасин.
Норин туман " Умархўжа эшон" масжиди имом хатиби Бобохўжаев Мухаммадшокир
Муфтий ҳазрат: Ислом – аёлларни эъзозлаган дин! (1-қисм)
Ўзбекистон мусулмонлари идораси Матбуот хизмати
ЖОНЛИ: “Қуръон мусобақаси - 2023” Олий маъҳад талабалари ўртасида 16.02.23
Тошкент ислом институти талабалари ўртасидаги “Қуръон мусобақаси – 2023”ни жонли эфирда кузатиб боринг
✅ Мусобақани бугун, 16 февраль соат 13:30 дан бошлаб қуйидаги ижтимоий тармоқдаги саҳифалар орқали онлайн томоша қилишингиз мумкин:
✅ Facebook: https://www.facebook.com/muslimuzportal
✅ Youtube: https://www.youtube.com/@Muslimuzz
✅ Instagram: https://www.instagram.com/muslimuzportali/
Ўзбекистон мусулмонлари идораси матбуот хизмати
Muslim.uz
Қилинган иш учун мукофот кутиш – 14 қисм
Нафс хасталикларидан бири шуки – инсон қилган яхшилик ва ибодатлари учун савоб кутади.
Муолажа услуби
Банда ҳар бир ибодатни бажаришида жуда кўплаб камчиликларга йўл қўйишини англаш орқали бу касалликдан халос бўлиши мумкин. Агар инсон ибодатларни адо этишдаги айб-нуқсонлари, камчиликлари кўплигини тан олса, у энди қилаётган ибодатлари учун мукофот кутмайди. Ибодатини сидқидилдан бажарувчи камтар бандалар савоб ҳақида ўйламайдилар, балки Аллоҳ таолонинг уларга тақсимлаб қўйган нарсаларига қаноат қиладилар.
Албатта, Аллоҳ таолонинг бандасига бу дунё ва охиратда олдиндан белгилаб қўйган нарсасигина амалга ошади. Бироқ, бу – амални тарк этиш ва фақатгина тақдирни кутиб ўтириш лозим дегани эмас. Балки банда Роббига сабр ва ихлос билан бўйсуниши ҳамда ибодатларини бажаришга интилиши керак.
Абу Абдураҳмон ас-Суламийнинг
“Нафс иллатлари ва уларнинг муолажаси” китобидан
Даврон НУРМУҲАММАД таржимаси
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.