muslim.uz
Ўзбекистон ва Миср музейлари вакиллари ўзаро ҳамкорлик истиқболларини муҳокама қилмоқда
Мамлакатимизнинг Қоҳирадаги элчихонаси кўмагида Ўзбекистон Ислом цивилизацияси маркази ва Миср Қадимий ёдгорликлар олий кенгаши ўртасида онлайн-мулоқот ташкил этилди, деб хабар бермоқда «Дунё» АА мухбири.
Тадбирда икки томонлама ҳамкорлик масалалари муҳокама қилинди, ўзаро ташрифларни ташкил этиш, музей ашёлари ва коллекцияларини биргаликда илмий тадқиқ қилиш, экспозицияларни ўрганишда замонавий ахборот технологияларидан кенг фойдаланиш юзасидан фикр алмашилди.
Музейшуносликнинг долзарб масалаларига оид илмий-амалий анжуманлар ўтказиш ва ўзаро тажриба алмашиш масалаларига алоҳида эътибор қаратилди.
Мулоқот давомида муҳокама қилинган масалалар юзасидан тегишли ҳужжат лойиҳалари мувофиқлаштирилиб, уларни Ўзбекистон – Миср ўртасида иқтисодий ва илмий-техникавий ҳамкорлик бўйича ҳукуматлараро комиссиянинг навбатдаги йиғилиши доирасида имзолаш тўғрисида келишиб олинди.
Ўзбекистон мусулмонлари идораси матбуот хизмати
Имом Бухорий сабоқлари
Ўзбекистон мусулмонлари идораси раиси ўринбосари
Жалолиддин домла Ҳамроқулов
Ўзбекистон делегациясининг Ҳаж ва умра хизматлари конференция-кўргазмасидаги иштироки (УзРепорт ТВ)
09.01.2023 й. Жидда ш
“Ҳаж – 2023” мавсуми учун хизмат кўрсатиш соҳалари ўрганилди
Шу йил 10 январь куни Саудия Арабистонида хизмат сафарида бўлиб турган Ўзбекистон делегацияси “Ҳаж – 2023” мавсумига тайёргарлик кўриш доирасида бир нечта меҳмонхоналар, ошхоналар ва автобус саройлари билан яқиндан танишиб, юксак даражада хизмат кўрсатиш мезонлари ва юқори сифат талаблари нуқтаи назаридан таҳлилий ўрганиб чиқилди.
Мазкур соҳалар билан яқиндан атрофлича танишиш жараёнида Ўзбекистон Республикаси Президенти маслаҳатчиси Музаффар Комилов, Ўзбекистон мусулмонлари идораси раиси, муфтий Нуриддин домла ҳазратлари ва Дин ишлари бўйича қўмита раиси Содиқжон Тошбоев ўзбекистонлик зиёратчилар ибодатларини бекамикўст адо этишлари учун барча қулай шарт-шароитларни ҳозирлашга алоҳида диққат қаратдилар.
Макка шаҳрида жойлашган бир неча меҳмонхоналарни кўздан кечириш чоғида делегация аъзолари уларнинг кириш фойелари кенглиги, хоналардаги шароитлар, айниқса, ўринлар сони, санузел ҳолати, ошхона сиғими, ишчи ва тиббиёт гуруҳлари хизмат кўрсатишлари учун ажратилган жойлар билан яқиндан танишдилар.
Шунингдек, мутасаддилар ҳожиларга таом тайёрлаш борасида хизмат кўрсатиши мумкин бўлган вакиллар билан учрашиб, ошхоналардаги шарт-шароитлар, озиқ-овқат маҳсулотларини сақлаш омборлари, санитария-гигиена талабларига жавоб бериши, овқат пиширадиган қозонлар ва анжомлар синчковлик билан кўздан кечирилди.
Ўрганиш жараёнларида транспорт воситалари, хусусан Мадина ва Макка ҳамда Макка ва Жидда йўналишларида замонавий автобуслар ажратилишига ҳам жиддий эътибор қаратилди.
Ўзбекистон мусулмонлари идораси Матбуот хизмати
Muslim.uz
Искандария университетидаги нодир Қуръон қўлёзма
Искандария университети музейида ҳижрий X-асрга оид нодир, зарҳал муcҳаф оммага намойиш этилди. Олтин билан безатилган ушбу ажойиб қўлёзма ҳижрий 939 йилда Усмонлилар султони учун Башир ибн Aбдуллоҳ томонидан ёзилган.
Қадимда Қуръон қўлёзмалари подшоҳлар, султонлар ва оқсоқолларга тақдим этилган энг қимматли совғаларидан бири бўлиб, улар зарҳал қилиниб, уста рассомлар томонидан қопланган.
1952-йили Мисрда рўй берган инқилобдан сўнг бу совғалар бошқа қимматбаҳо қўлёзмалар қатори музейларга ўтказилди. Ҳозирда бундай энг бой музейлардан бири Aлександрия университети музейи ҳисобланади. У ерда Қуръон қўлёзмаларидан ташқари ҳадис илми, ва илоҳиёт илмига оид бир қанча тарихий китоблар сақланмоқда.
Ўзбекистон мусулмонлари идораси Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.