muslim.uz
IJTIMOIY TARMOQDAGI BUZG'UNCHI G'OYALARDAN EHTIYOT BO'LING!
A'ZAMJON SAMINOV,
YANGIQO'RG'ON TUMANI "IBROXIM HOJI OTA" jome masjidi imom xatibi
Жума_суҳбати ИСЛОМДА ФАРЗАНД ҲУҚУҚИ
Тошкент шаҳридаги "Тўхтабой" жоме масжиди имом-хатиби Зокиржон домла Шарипов
1. Ота-она фарзанд неъматининг шукрини адо этишлари учун нималарга эътибор беришлари керак?
2. Иброҳим алайҳиссалом кексайиб қолган бўлишларига қарамай Аллоҳ таолодан солиҳ фарзанд сўраб, ёлворганларининг ҳикмати нимада?
3. Солиҳ фарзанднинг дунё келиши аввало нималарга эътибор бериш керак?
4. Баъзилар тирноққа зор бўлса, бошқалар фарзандини ахлатхоналарга ташлаб кетаётган ёки пуллаётганлар, ҳомилани аборт қилдириш ҳолатлари кузатилмоқда. Бу ҳақда динимизнинг кўрсатмаси қандай?
5. Динимизда қиз фарзандлар алоҳида қадрланади. Бу ҳақда келган айрим кўрсатмалар.
Матбуот хизмати ходимлари тақдирландилар
Ўзбекистон Республикаси Олий Кенгашининг 1993 йил 3 сентябрдаги 948-XII-сон қарори билан "27 июнь – Матбуот ва оммавий ахборот воситалари ходимлари куни" сифатида кенг нишонланади.
Шу муносабат билан, Жорий йил 27 июнь куни Ўзбекистон мусулмонлари идораси тасарруфидаги олий ва ўрта махсус диний таълим муассасаларида фаолият юритиб келаётган бир қатор Матбуот хизмати ходимларини байрам билан тақдирлаш мақсадида тадбирлар ташкил этилди. Тадбирларда таълим муассасалар раҳбарлари, педагог-ўқитувчи ва ходимлари иштирок этди. Тадбирда Матбуот котиблари, операторлик ва бошқа техник хизматлари, меҳнати эътироф этилиб, таълим муассасалар раҳбарияти томонидан фахрий ёрлиқ ва эсдалик совғалари билан мукофотландилар.
Шунингдек, медиа йўналишида фаол бўлган бир қатор талабалар ҳамда таълим муассасалрнинг ташкилий ишларидаги хизматлари учун ҳам тақдирландилар.
Ўзбекистон мусулмонлари идораси Таълим ва илмий-тадқиқот бўлими мутахассиси Абдуносир Бобамирзаев.
ISROF, MANMANLIK VA HADDAN OSHMOQLIK - HOJILIK MAQOMIGA ZID
MUSOXON DOMLA ABBASIDDINOV,
Namangan viloyati bosh imom xatibi
Наманганлик Ҳожиларнинг илк гуруҳлари юртимизга етиб келди
Бугун, 27 июнь куни Ўзбекистон мусулмонлари идораси Наманган вилояти вакили, вилоят бош имоми Мусохон домла Аббасиддинов бошчиликларидаги ҳожиларимизнинг дастлабки гуруҳлари эсон-омон она диёримизга етиб келдилар.
Нурли юзи, қувноқ кўзида Ватан соғинчи намоён бўлган ҳожилар жамоасини Наманган вилояти ҳокими Шавкатжон Абдураззоқов бошчилигида кенг жамоатчилик вакиллари, Ўзбекистон мусулмонлари идораси Наманган вилоят вакилининг биринчи ўринбосари Обидхон домла Икмрамов, шунингдек, нуронийлар, имом-домлалар, мутасаддилар ва ОАВ вакиллари Наманган халқаро аэропортида эҳтиром ила кутиб олишди.
Ҳожиларимиз муборак заминда Ҳақ таолонинг фарзи – Ҳаж амалини чиройли адо этиб, соғу саломат ўз юртига етиб келганлари ва яқинлари дийдорига етишганлари учун шукроналар айтиш баробарида эл-юрт ҳаққига хайрли дуолар қилишди.
ндиликда ҳожилик бахтига муяссар бўлган ҳамюртларимиз жамиятда барчага ўрнак бўлиб, ёшларни илм-маърифатга чақириш, аҳолини эзгу ишларга бошлаш ва кам таъминланган кишиларга ёрдам кўрсатиш ишларида етакчилик қиладилар.
Эслатиб ўтамиз, ҳожиларимиз Ватанга қайтишлари шу йил 12 июлгача давом этади.
Ўзбекистон мусулмонлари идораси
Наманган вилояти вакиллиги
Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.