Кеча, 3 декабрь куни Оксфорд ислом тадқиқотлар маркази раҳбари доктор Фархан Низами бошчилигидаги делегация диний идорага ташриф буюрди. Меҳмонларни Ўзбекистон мусулмонлари идораси раиси, муфтий Усмонхон Алимов ҳазратлари, Дин ишлари бўйича қўмита раиси Ортиқбек Юсупов ва Ўзбекистондаги Ислом цивилизация маркази директори Шоазим Миноваров кутиб олдилар.

 

Мулоқотда мамлакатимиз тараққиётининг янги босқичида ҳукуматимиз томонидан миллий ва диний қадриятларни тиклашга катта эътибор қаратилаётгани ҳамда бу борада олиб борилаётган улкан хайрли ишлар тўғрисида меҳмонларга сўзлаб берилди. Жумладан, муҳтарам Президентимиз Ш.Мирзиёев ташаббуслари билан Ўзбекистонда ислом цивилизацияси маркази, Самарқандда Имом Бухорий халқаро илмий тадқиқот маркази ташкил этилаётгани, ихтисослашган илмий мактаблар ўз фаолиятини бошлагани ва ушбу марказларнинг истиқболдаги лойиҳалари баён қилинди. Шунингдек, ушбу марказлар ташкил қилинаётгани юртимиз довруғини, бу заминда туғилиб-ўсган алломаларнинг номларини бутун дунёга таратишда беқиёс аҳамиятга эга экани алоҳида таъкидланди.

Қизғин кечган учрашувда томонлар бир-бирлари билан юртимизда диний соҳада юз бераётган ижобий ўзгаришлар ҳақида фикр алмашдилар. Фархан Низомий 20 йил аввал Ўзбекистонга ташриф буюргани, шу кунга қадар бўлаётган ижобий жараёнларни катта қизиқиш ва иштиёқ билан кузатиб келаётганини билдирди.

Ташриф давомида “Ҳазрати Имом” мажмуасининг барпо этилиши тарихи, мажмуанинг Тошкентда яшаб ўтган улуғ аллома, фақиҳ Абу Бакр Қаффол Шоший номи билан боғлиқ экани, Республикада ислом динининг асл тинчлик ва маърифатпарварлик ғоясини тарғиб қилиш бўйича олиб борилаётган ишлар ҳақида маълумот берилди. Шундан сўнг меҳмоналар Абу Бакр Муҳаммад ибн Исмоил ибн Қаффол Шоший мақбарасини зиёрат қилдилар.

Учрашув сўнгида Ўзбекистондаги Ислом цивилизация маркази, Имом Бухорий халқаро илмий тадқиқот маркази, Тошкент ислом университети ва Оксфорд ислом тадқиқотлар маркази ўртасида ҳамкорлик қилиш меморандуми имзоланди.

Учрашув дўстона ва самимий руҳда ўтди.

Ўзбекистон мусулмонлари идораси
Матбуот хизмати

Кураш тушиб юрган ёки унга ишқибоз бўлган одамларнинг хабари бор: полвон полвонни бир қарашдаёқ билади. Ёдингизда бўлса, 2008-2013 йилларда Жанубий Корея Республикасининг Президенти бўлган Ли Мён Бакнинг “Мўъжиза содир бўлмайди”, деган китоби юртдошларимиз томонидан севиб мутолаа қилинганди. Ўша китобда муаллиф “Ҳондай” компаниясининг қурилиш ишлари бўйича директори бўлган кезларда Малайзия ва Сингапур давлатлари раҳбарлари билан учрашганини мароқ билан ҳикоя қилади ва ўша давлат раҳбарларига ҳавас қилиб бу давлатлар тез орада Кореядан илгарилаб кетади деган хулосага келганини ёзган.

Дарҳақиқат, корейсларни истаган нарсада ҳайратга солишингиз мумкин. Аммо меҳнаткашлигу тиришқоқлик борасида қойил қилиш учун камида малайзиялик ёки сингапурлик бўлишингиз керак. Буни яқинда Жанубий Корея ва Хитой Халқ Республикасига бориб келган таниқли журналист Шерзодхон Қудратхўжаев “Facebook” ижтимоий тармоғидаги саҳифасида ҳам ёзди. Лекин Давлатимиз раҳбарининг фидойилиги, халққа, Ватанга муҳаббати, тиним нима билмаслиги, янги ғояларга бойлиги, ғоятда ташаббускорлиги корейсларни ҳам ҳайратга солди.

Ана шу эътироф натижаси ўлароқ, ўтган ойда, Жанубий Кореяда “Ўзбекистон Республикаси Президенти Шавкат Мирзиёев” деган 320 саҳифадан иборат китоб корейс тилида чоп этилди.

Китобда Президент Мирзиёев ташаббуси билан бошланган  ислоҳотларнинг таҳлилига эътибор қаратилган. Иқтисодиётнинг либераллашуви, хорижий инвестицияларни жалб қилиш ва ҳимоялаш бўйича аниқ чора-тадбирлар белгилаш, валюта бозорини либераллаштириш, аҳолининг ижтимоий ҳимоясини мустаҳкамлаш, вилоятларга нисбатан янги сиёсат, сўз эркинлиги ва конституциявий ҳуқуқ тамойилларини ҳимоя қилиш, жамиятда кузатилаётган умумий демократлаштириш ва либераллашув... буларнинг барчаси янги ислоҳотларнинг дастлабки  натижалари экани айтилган.

Бинобарин, Президентимизни гоҳ у ерда, гоҳ бу ерда бўлганини эшитган одам, бу киши қачон дам олар экан, деб ҳайрон бўлади. Мана, куни кеча Давлатимиз раҳбари Тошкент шаҳрида амалга оширилаётган бунёдкорлик лойиҳалари билан танишди, Ислом Каримов номидаги «Тошкент» халқаро аэропортига ташриф буюрди. Ўзбекистон ва Жанубий Кореянинг банк ва жамғармалари ҳисобидан молиялаштирилаётган янги халқаро аэропортда, соатига 1 минг 500 йўловчига хизмат кўрсатиш имконияти яратилади. Жараён билан яқиндан танишган президентимиз маблағлардан самарали фойдаланиш, қурилиш ишларини бошлаш учун ҳудудни тайёрлаш ва инфратузилмани ривожлантириш бўйича мутасаддиларга топшириқлар берди.

“Аэропорт Ўзбекистоннинг остонаси. Шу боис бу ерда меҳмонлар учун барча шароит ва қулайликлар бўлиши керак”, деб алоҳида таъкидлаб ўтди. 

Муҳтарам президентимиз Тошкент иссиқлик электр станциясига ташрифи чоғида станциянинг янги буғ-газ қурилмаси ишга туширилди. Давлат раҳбари корхонада 370 МВтли янги буғ-газ қурилмасининг рамзий старт тугмасини босди. Буғ-газ қурилмасининг ишга туширилиши билан хорижда ва Навоий иссиқлик электр станциясида малака оширган кўплаб ёш мутахассислар бандлиги таъминланди.

Тошкент шаҳридаги «Akfa Medline» тиббиёт марказида бўлган президентимиз тиббиёт соҳаси ниҳоятда масъулиятли экани, бунда хусусий тиббиёт марказларининг ҳам ўзига хос ўрни ҳақида тўхталиб: “Хусусий тиббиёт марказлари қанча кўп бўлса, соҳада рақобат бўлади, рақобат бор жойда хизмат сифат юқори бўлиб, нарх арзонлашади. Бу эса энг муҳим жиҳатдир”, деди. Одамлар тиббиёт масканига унинг чиройли биносига қараб эмас, мутахассисларнинг юқори малакаси бўйича баҳо беради.

Ўз навбатида, давлатимиз раҳбари мамлакатимизда Жанубий Корея тиббиёт институти филиалини ташкил этиш бўйича ҳам топшириқ берди. Бунинг натижасида, тиббий хизмат нархи ақл бовар қилмас даражада баландлаб кетмаслиги, малакали кадрлар етишиб чиқиши ҳамда кўплаб мутахассислар иш билан таъминланиши таъкидланди.

“Раият аҳволидан огоҳ бўлдим, улуғларини оға қаторида, кичикларини фарзанд ўрнида кўрдим...” деб ёзган эди Соҳибқирон бобомиз ўзининг “Темур тузуклари”да.

Дарҳақиқат, мамлакат аҳолисининг аҳволидан доимо хабардор бўлган, оддий одамларнинг кўнглини олишга тиришган одам элнинг муҳаббатини қозонади.

Хулоса қилиб айтганда, юртбошимиздан фидокорликда, жонкуярликда, ташаббускорликда, меҳнатсеварликда ва бошқа фазилатларда ибрат олиб, ҳар биримиз ўз ишимизни аъло даражада бажарсак, Ватанимиз янада гуллаб-яшнайверади, иншоаллоҳ!

ЎМИ матбуот хизмати

4 декабря 2017 года в Управлении мусульман Узбекистана в связи с 25-летием принятия Конституции Республики Узбекистан состоялось собрание с участием сотрудников религиозной сферы, представителей государственных и общественных организаций. На встрече выступили директор Национального центра Республики Узбекистан по правам человека, профессор Акмал Саидов и председатель Управления мусульман Узбекистана, муфтий Усмонхон Алимов. В мероприятии также выступили председатель Комитета по религиозным делам при Кабинете Министров Республики Узбекистан Ортик Юсупов, директор Центра исламской цивилизации в Узбекистане Шоазим Миноваров.
В ней приняли участие руководящий состав Комитета по религиозным делам при Кабинете Министров Республики Узбекистан, Управления мусульман Узбекистана, Центра исламской цивилизации в Узбекистане, профессорско-преподавательский состав религиозных образовательных учреждений, улемы, имам-хатибы, и студенты Ташкентского исламского института и Ташкентского исламского университета.
Выступившие отметили, что в нашем Основном законе определено, что человек, его жизнь, свобода, честь, достоинство и другие неотъемлемые права являются высшей ценностью. И это подтверждается теми широкомасштабными реформами, которые в настоящее время осуществляются в нашей стране. Неспроста в нашей Конституции центральное место заняло такое важнейшее понятие, как “Человек и его достоинство”. В это понятие заложено глубокое значение. Именно с этой точки зрения наш Президент объявил этот год «Годом диалога с народом и интересов человека».
В своем докладе профессор Акмал Саидов представил необходимые данные об истории принятия Конституции, ее значения и сущности в нашей жизни. В частности, по его словам, основатель нашего независимого государства, выдающийся государственный и политический деятель, Первый Президент Республики Узбекистан Ислам Каримов по праву является автором Конституции Республики Узбекистан, ставшей фундаментом последовательного демократического развития страны. В связи с этим Президент Республики Узбекистан Шавкат Мирзиёев в своем выступлении на торжественном собрании, посвященном 24-й годовщине принятия Конституции Республики Узбекистан, отметил: «Я всегда с гордостью вспоминаю, как, будучи депутатом Верховного Совета, в составе Конституционной комиссии непосредственно участвовал в процессе разработки и принятия нашего Основного закона. До сих пор помню бурные дискуссии и споры в сложном процессе создания нашей Конституции. Действительно, в чрезвычайно трудные 90-е годы решающее значение имело то, что руководство по разработке проекта нашего Основного закона взял на себя такой великий дальновидный политический деятель, обладающий широким стратегическим мышлением, как Ислам Абдуганиевич Каримов».

Также, муфтий Усмонхон Алимов отметил, что «Уложениям Темура» Сахибкирана Амира Темура присущи свойства конституционного документа цивилизации Востока. Они оказали сильное влияние на народы Азии, в частности, нашего региона. Муфтий оборатил внимание на то, что ярким свидетельством того, что Амир Темур обладал мудростью выдающегося государственного деятеля, стала созданная им великолепная система управления государством, изложенная в труде "Уложение Темура". Кроме главной администрации - канцелярии (Дивони-бузрук), в его империи существовали еще и областные структуры, следившие за сбором налогов, поддержанием порядка, содержанием общественных зданий, ирригационной сетью и наблюдавшие за населением. Согласно предписанию Темура, периодически проводились опросы, ревизии и проверки. За злоупотребления жестоко наказывали даже самых близких людей. Темур говорил: "Если государство не опирается на религию и законы, оно не может сохранить на долгое время своего величия и могущества". Ярким примером достоверности его слов и дел служат свидетельства современников в том, что любое решение в военных, политико-экономических вопросах и делах управления государством он принимал только после всестороннего обсуждения с мудрецами, учеными и главными должностными лицами своей империи.
В ходе мероприятия в торжественной обстановке группе лиц религиозной сферы вручены памятные знаки «25 лет Конституции Узбекистана».

Пресс-служба Управления мусульман Узбекистана

Ислом ҳамкорлик ташкилотининг Таълим, фан ва маданият масалалари бўйича  Халқаро  Ислом ташкилоти (ISESCO) шу йилнинг 4 декабрь куни Қоҳирада  “Экстремизмнинг  араб маданий мероси келажагига салбий таъсири” мавзуида ўтказиладиган халқаро симпозиум  ишида  иштирок этади. Мазкур симпозиум Араб давлатлари иттифоқи билан “Ал-Азҳар”  университети ҳамкорлигида ташкиллаштирилиб, унда араб давлатларидаги маданий меросни муҳофаза этиш соҳасида иш олиб борувчи ташкилотлар ва муассасаларнинг етук мутахассислари қатнашади.

 Симпозиум ишида иштирокчилар “Меросимиз ўтмишда ва ҳозирда”, “Самовий динларнинг маданий меросга муносабати”, “Терроризм ва экстремизм мафкурасига қарши курашда ёшлар ва тарбиянинг ролини ошириш”, “Терроризм ва экстремизм мафкурасига қарши курашда маҳаллий ташкилотлар ва матбуотнинг ролини ошириш”, “Келажакда араб маданий меросини муҳофаза этишни назорат қилишдаги “Ал-Азҳар” университети ва “Араб давлатлари иттифоқи роли”  ва бошқа шу каби мавзуларни муҳокама этадилар. Тадбирда ISESCO ташкилотининг маданий ҳамкорлик масалалари бошқармаси мутахассиси  Доктор Салоҳиддин ал-Жаъфаровий иштирок этади.

Халқаро алоқалар бўлими ходими

Илёсхон Аҳмедов тайёрлади

Бисмиллоҳир Раҳмонир Раҳим. Аллоҳга беадад ҳамд-у саноларимиз, севикли Пайғамбаримиз Муҳамммад Расулуллоҳ соллаллоҳу алайҳи васалламга дуруд-у саловотларимиз бўлсин.

Расулуллоҳ алайҳиссалом зарур бўлганда уйда, масжидда, йўлда ҳам яхшиликка буюриб, ёмонликдан қайтарганлар. У зот нафақат сўзлари, балки амаллари билан ҳам ўзгаларга буюк намуна бўлганлар. Расулуллоҳ алайҳиссаломнинг хулқлари Қуръон бўлган. Биз бу гапни кўп эшитамиз-у, лекин маъносини чуқур ўйлаб кўрмаймиз. Бунинг маъноси шуки, Расулуллоҳ алайҳиссаломнинг қилган ҳар бир ишлари, айтган ҳар бир сўзлари ва хулқлари ўзлари тиловат қилаётган оятлар, инсонларга етказаётган маърузалар, мажлислардаги ваъз-насиҳатларга мос демакдир.

Расулуллоҳ алайҳиссаломнинг олдинги-ю кейинги гуноҳлари мағфират қилинган бўлса ҳам, тунларни намоз билан бедор ўтказар эдилар, ҳатто товонлари шишиб кетар эди. Расулуллоҳ алайҳиссаломнинг оёқлари шишиб кетганини кўрган саҳобалар: “Аллоҳ сизнинг ҳамма гуноҳларингизни мағфират қилган бўлса, шунчалик азоб чекиб ўзингизни қийнайсизми?” дейишганда, у Зоти муборак: “Мен шукр қилгувчи бандалардан бўлмайманми?” деб жавоб берганлар.

Тарихда таниқли ва аслзода шахслар жиноят содир этишса, кам ҳолларда уларга нисбатан жазо қўлланилган. Расулуллоҳ алайҳиссалом даврларида ҳам ҳудди шундай воқеа содир бўлди. Қурайшнинг энг обрўли Бану Махзум қабиласидан бир қиз ўғрилик қилди. Ўғрилик содир этилгач, кўпчилик “Расулуллоҳ алайҳиссалом кечиримли Зот, уни авф этадилар, қолаверса, бу қиз обрўли оиладан, ҳеч бўлмаганда бошқа енгилроқ жазо қўлланса керак”, деб ўйлашди. Лекин Расулуллоҳ соллаллоҳу алайҳи васаллам буни эшитиб, “Эй одамлар, албатта, сиздан олдин ўтганларнинг ҳалок бўлишлари ичларидан шарифлар ўғрилик қилишса қўйиб юбориб, заифлар ўғрилик қилса жазони қоим қилишлари сабабидан бўлган”, деб таъкидладилар. Сўнг тарих мислини кўрмаган ва фақат Ислом динига хос бир ҳадисни айтдилар: “Аллоҳга қасамки, агар Муҳаммаднинг қизи Фотима ўғрилик қилса ҳам албатта қўлини кесаман!”.

Ҳа, Расулуллоҳ соллаллоҳу алайҳи васалламнинг хоҳиш-истаклари ва ҳаёт-мамотлари Аллоҳдан тушаётган ваҳий билан боғлиқ эди. Бу ваҳийга қарама-қарши бўлган йўл у зот учун бегона йўл ҳисобланар эди.

Тасаввур қилинг, бир одам сизга энг яқин кишининг жонига қасд қилди. Сўнг ёнингизга келиб, афв тилади. Сиз унинг айбидан кўз юма оласизми?! Чеккан азобларингизни унутиб, уни кечира оласизми?! Расулуллоҳ соллаллоҳу алайҳи васаллам эса амакилари Ҳамза розияллоҳу анҳунинг қотили Ваҳший розияллоҳу анҳуни Ислом динини қабул қилгач, уни афв этганлар.

Макка аҳли Расулуллоҳ алайҳиссаломни саҳобаларидан жудо этиб, юрган йўлларига тиконлар сочишар, сажда қилиб турган ҳолатларида туянинг ичакларини ташлаб кетишар ва доимо мазаҳ қилишар эди. Бу ҳол бир ёки икки йил давом этгани йўқ, балки ўн уч йил муттасил давом этди. Лекин Расулуллоҳ соллаллоҳу алайҳи васаллам бу мусибатларга сабр қилиб, уларнинг ҳаққига дуолар қилдилар. Аллоҳнинг нусрати ила Макка фатҳ этилганида маккалик мушриклар қўлларидан ҳеч нарса келмаган ҳолларида Расулуллоҳ соллаллоҳу алайҳи васаллам томонларидан берилажак ҳукмни кутиб туришарди. Чунки улар қилмишлари кечирилмаслигини, ўлимга маҳкум эканликларини ва шунга лойиқ қанчалик жирканч иш қилганларини билишар эди. Шундай бўлса-да, бу мушриклар Расулуллоҳ алайҳиссаломнинг ҳусни хулқлари ҳақида бир-бирига сўзлаб, кечирилишларига умид боғлашарди. Расулуллоҳ соллаллоҳу алайҳи васаллам эса ҳеч ким ҳаёлига ҳам келтирмаган бошқа йўлни танладилар, бу ҳукмни ҳеч ким кутмаганлиги ҳам рост эди. Расулуллоҳ алайҳиссалом уларга қараб: “Кетаверинглар, сизлар озодсизлар”, деб марҳамат қилдилар.

Расулуллоҳ алайҳиссаломнинг тўғри сўзликлари ва омонатдорликлари ҳам буюк намуна. Расулуллоҳ соллаллоҳу алайҳи васалламнинг омонатдорликларини эсланг! Ҳатто кофирнинг омонатига ҳам хиёнат қилмадилар! Қурайшликлар Расулуллоҳ алайҳиссаломлан бошқа ишончли омонатдор инсон топа олишмаган.

Тасаввур қилаяпсиз-ми?, бир-бирига қарама-қарши икки тараф, ўртада жанг кетаётганига қарамай, мушриклар Расулуллоҳ соллаллоҳу алайҳи васалламга ўз моллари ва пулларини ишониб топширганлар.

Расули акрам алайҳиссалом сарвари коинот бўлишларига қарамай, саҳобалари билан бирга ишлар, яшаш тарзлари уларникидан фарқ қилмас эди, мажлисга борганларида қаерда бўш жой бўлса, ўша ерга ўтирар эдилар, ҳатто келган одам: “Қайси бирингиз Муҳаммад алайҳиссаломсиз?”, деб сўрарди.

Қурайшликлар Расулуллоҳ соллаллоҳу алайҳи васалламга катта бойлик ва подшоҳлик ваъда қилишиб, эвазига Исломни ёйишдан воз кечишни сўрашганида, Расулуллоҳ соллаллоҳу алайҳи васаллам: “Аллоҳнинг номи билан қасам ичиб айтаманки, агар ўнг қўлимга қуёшни, чап қўлимга ойни тутқазишса ҳам Аллоҳнинг ўзи бошлаган ишимга равнақ бермагунча ёки шу йўлда ҳалок бўлмагунимча танлаган йўлимдан воз кечмайман”, дедилар.

Расулуллоҳ соллаллоҳу алайҳи васаллам фақирона ҳаёт кечирдилар, фақирликлари ожизликларидан эмас, балки бойликка ружу қўймаганликларидан эди. Расулуллоҳ соллаллоҳу алайҳи васалламнинг муборак ҳужраларининг узунлиги йигирма беш қулочдан ошмаган. Оиша розияллоҳу анҳо онамиз билан истиқомат қилган ҳужралари бир хонали бўлиб, гуваладан тикланган эди. Ҳужранинг торлигидан Расулуллоҳ соллаллоҳу алайҳи васаллам намоз ўқиганларида Оиша розияллоҳу анҳо онамиз ухлай олмас эдилар. Расулуллоҳ соллаллоҳу алайҳи васаллам сажда қилганларида Оиша розияллоҳу анҳо онамиз оёқларини йиғиштириб олардилар. Уйда ойлаб қозон осилмас, кўпинча оила таоми ҳурмо ва сувдан иборат эди. Оиша розияллоҳу анҳо онамиздан ривоят қилинади:
“Расулуллоҳ соллаллоҳу алайҳи васаллам Мадинага келганларидан бошлаб, то қабз қилингунларича кетма-кет уч кеча тўйиб буғдой таом емаганлар”.

Расулуллоҳ соллаллоҳу алайҳи васаллам ичига хурмо дарахтининг пўстлоғи солинган чарм тўшакда ётардилар. Ҳафса розияллоҳу анҳо онамиз бундай ҳикоя қиладилар: Расулуллоҳ алайҳиссаломнинг тўшаклари биттагина палос эди, уни икки буклаб солиб берардик. Бир куни палосни тўр буклаб солиб берган эдик, эртасига у Зот палосни неча қават қилиб тўшаганимизни сўрадилар, биз тўрт буклаб солганимизни айтганимизда, бундан кейин икки қават қилиб солинглар, бугун ўриннинг юмшоқлиги мени намоздан қўйди, деганлар.

Сизнинг гўзал хулқингизни, фазилатларингизни ёзиб, васф этиб тугатишнинг имкони йўқ. Бугунгача дунёдаги бирор машҳур шахснинг ҳасби ҳоли Сизникичалик кўп ва кенг ўрганилмаган, бу Сиз келтирган илоҳий рисолат ҳақлигига, Сиз келтирган дин Аллоҳ наздида мақбул, бутун инсониятга таклиф этилган охирги таълимот эканига ёрқин далилдир.

Расулуллоҳ соллаллоҳу алайҳи васаллам: “Огоҳ бўлинг! Албатта, мен сиздан аввал боргувчиман, сизлар ҳам менга етиб оласиз.

Огоҳ бўлинг! Ваъдалашган жойимиз – ҳавзи Кавсардир.....

Огоҳ бўлинг! Кимки эртага бу манзилда бўлишни истаса, тилини ва қўлини ёмонликдан тийсин”, дедилар.

Аллоҳ таоло барчамизни жаннатда Расулуллоҳ алайҳиссалом билан бирга қилсин.

АЛЛОҲУММА СОЛЛИ ВА САЛЛИМ ЪАЛА МУҲАММАДИН ВА ЪАЛА ОЛИ МУҲАММАД.

Даврон НУРМУҲАММАД