muslim.uz
Янги лойиҳа ҳожиларга Саудияга текширишсиз кириш имконини беради
Саудия Арабистони ҳаж ибодатини амалга ошириш учун келадиган зиёратчиларга қулайлик туғдириш мақсадида “Макка йўли” лойиҳасини амалга оширмоқда. Бу ҳақда “aa.tr.com” агентлигига асосланиб Azon интернет нашри хабар берди.
Лойиҳа бу йил Малайзия ва Индонезия ҳожилари учун татбиқ этилди. Улар паспорт ва божхона назоратидан ўз мамлакатларидаги аэропортларда ўтадилар. Шундай қилиб, Жидда ва Мадинага келишганида ҳеч қандай назоратдан ўтишмайди ва бир неча дақиқа ичида юкларини олиб, махсус йўлак орқали аэропортдан чиқиб кетишлари мумкин бўлади.
Лойиҳа келгуси йилда бошқа мамлакатлар, хусусан, Покистон ва Туркия учун ҳам жорий этилади.
ЎМИ Матбуот хизмати
«Сўраган эдингиз» китоби – ҳар биримиз учун муҳим китоб
«Сўраган эдингиз» рукни остида «Ислом нури» газетаси ва «Ҳидоят» журнали саҳифаларида сизни қизиқтирган саволларга Ўзбекистон мусулмонлари идораси раиси, муфтий Усмонхон Алимов берган жавобларни халқимиз бир неча йиллардан буён ўқиб-ўрганиб келмоқда.
Ушбу китобда ақида, таҳорат, ғусл, намоз ва бошқа ибодатларга доир масалалар юзасидан муҳим саволларга Имоми Аъзам (раҳимаҳуллоҳ) асос солган ҳанафий мазҳабининг мўътабар манбалари асосида тушунарли, қисқа ва аниқ жавоблар берилган.
Китоб Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 6236-рақамли хулосаси асосида нашрга тайёрланди.
Муаллиф: Усмонхон Алимов
Номи: «Сўраган эдингиз» I-II
Нашриёт: «Мовароуннаҳр» нашриёти
Сана: 2017 йил
Ҳажми: 384 бет
ISBN: 978-9943-12-416-5
Ўлчами: 60х90 1/16
Муқоваси: қаттиқ
Нашриётда сотув нархи: 32000 сўм
Набавий васиятларни ўзида жам этган китоб
Ўзбекистон мусулмонлари идораси раиси, муфтий Усмонхон Алимовнинг бир неча йиллардан буён халқимизга тақдим этилаётган “Расулуллоҳ (соллаллоҳу алайҳи васаллам)нинг муборак васиятлари” китоблар силсиласидан кўпчилик баҳраманд бўлди. Бу силсила шу вақтгача алоҳида-алоҳида чиқарилгани ва баъзи ўқувчиларда ҳамма фасллари ҳам мавжуд эмаслиги ҳисобга олиниб, бешта жузини бир китобга жамлаб, қайта нашр этилди.
Ушбу китобни ўқиб, муборак ўгитларга амал қилиш ҳар бир мусулмонга насиб этсин.
Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2016 йил 19 октябрдаги 5404-сонли хулосаси асосида нашрга тайёрланди.
Муаллиф: Усмонхон Алимов
Номи: «Расулуллоҳ (соллаллоҳу алайҳи ва саллам)нинг муборак васиятлари»
Нашриёт: «Movarounnahr» нашриёти
Сана: 2017 йил
Ўлчами: 70×100 1/16
Ҳажми: 408 бет
ISBN: 978-9943-12-391-5
Муқоваси: қаттиқ
Нашриётда сотув нархи: 34000 сўм
Sahid Hotels & Resorts Ўзбекистондаги зиёратгоҳ ҳудудида меҳмонхона қуради
Sahid Hotels & Resorts номли Индонезия компанияси вакиллари Ўзбекистонга ташриф буюриб, Имом ал-Бухорий мажмуаси лойиҳаси билан танишдилар.
Ушбу танишиш давомида индонезиялик тадбиркорлар ўзларининг меҳмонхона тизимларига кирувчи тармоқни Имом ал-Бухорий мажмуаси ҳудудида қуриш ниятлари бор эканини билдирганлар.
Меҳмонлар Самарқанд вилояти ҳокимлиги, давлат туризм қўмитаси ҳудудий бўлими вакиллари билан учрашганлар. Ўтказилган учрашувларда индонезиялик сайёҳларни зиёрат туризми йўналишида Ўзбекистонга жалб этиш масаласи ҳам муҳокама этилган.
Экспертларнинг фикрига кўра, халқаро бренддаги меҳмонхоналарнинг қурилиши меҳмонларни жалб этишнинг яна бир усули экани қайд этилди.
Маълумот учун, Sahid Hotels & Resorts компанияси Индонезияда 26 меҳмонхонага эгалик қилади. Компания 2025 йилга қадар тармоқни 100 та меҳмонхонага етказишни режалаштирган.
ЎМИ Матбуот хизмати
Илм – жаннатга йўл
Инсон икки нарса билан комилликка эришади.
1.Юксалиб борувчи мақсад ва интилиш.
2.Қалб кўзини очувчи ва уни тўғри йўлга бошловчи илм.
Аллоҳ Таоло айтади: “Аллоҳ сизлардан иймон келтирганларни ва илмга берилганларнинг даражаларини кўтарур” (Мужодала сураси 11-оят).
Пайғамбаримиз Муҳаммад соллаллоҳу алайҳи васаллам ўз муборак ҳадисларида: “Ҳар бир нарсанинг ўз йўли бор. Жаннатнинг йўли илмдир” деганлар.
Бир донишманд айтади: “Тананинг озиғи егулик ва ичимлик бўлса, ақл ва қалбнинг озиғи илму ҳикматдир”.
Ибн Масъуд розияллоҳу анҳу: “Ҳеч ким олим бўлиб туғилмайди, албатта илм таълим олиш билан бўлади” дедилар.
Абу Дардо розияллоҳу анҳу: “Илм берувчи ёки илм ўрганувчи ёки тингловчи бўлгин. Тўртинчиси бўлмагин акс ҳолда ҳалок бўласан” дедилар.
Имом Шофеий роҳимаҳуллоҳ айтадилар: “Илм олиш нафл ибодатлардан афзалдир”.
Шундай экан аввало ниятимизни ва мақсадимизни тўғирлаб олишимиз зарур.
Абу Суфён шундай деганлар: “ Ният яхши бўлса, илм олишдан афзал иш йўқ”.
Илм оиувчининг зоҳирий кўриниши ва қалби пок бўлиши лозим. Агар қалбда Аллоҳ ёмон кўрган нарса бўлса ундай қалбга илм нури кирмайди. Қачон инсоннинг хулқи ёмонлашса бу қалб ғафлатидандир. Тўғри, яхши ва холис ният қалбнинг руҳи ва мушк- анбаридир.
Али Ибн Абу Толиб розиялоҳу анҳу: “Илм мол-дунёдан афзал, чунки мол-дунёни сен қўриқлайсан, илм эса сени қўриқлайди, молни сарфласанг камаяди, илмни сарфласанг кўпаяди” дедилар.
Ибн Аббос розияллоҳу анҳу: “Довуд алайҳиссалом ўғли Сулаймон алайҳиссаломга илм, мол-дунё, подшоҳлик булардан ҳоҳлаганингни ол дейилибди. Сулаймон алайҳиссалом илмни танлаган эканлар мол-дунё ва подшоҳлик ҳам қўшиб берилибди” дедилар.
Демак, ният холис Аллоҳ учун бўлса илм ортидан барака, бойлик ҳам эргашиб келар экан.
Ҳалил ибҳ Аҳмад айтадилар: Инсонлар тўрт хил бўлади:
- Билади ва билишини ҳам билади. У олимдир, унга эргашинг.
- Билади, аммо билишини билмайди. У ғафлатда уни уйғотинг.
- Билмайди ва билмаслигини ҳам билади. У йўл бошловчига муҳтож, унга йўл кўрсатинг.
- Билмайди, билмаслигини ҳам билмайди. У - жоҳил, ундан узоқ бўлинг.
Расулуллоҳ соллаллоҳу алайҳи васаллам айтганлар: “Илм ўрганувчига бериладиган ажр олимга бериладиган ажрга тенг бўлади”.
Илм олишда холис нийятда бўлганларни Аллоҳ Таоло бу дунёда ҳам охиратда ҳам ташлаб қўймайди. Уламолар ҳам мана шунга васият қилганлар.
Имом Ғаззолий ўлим тўшагида ётганларида шогирдлари келиб устоз менга васият қилинг дедилар. Шунда имом Ғаззолий; «доимо нийятинг холис бўлсин» деб қайта-қайта такрорлаб вафот этдилар.
Нийяти холис бўлганлар Аллоҳ Таолонинг меҳр-муҳаббатига эришар эканлар.
Илм биз учун Росулуллоҳ соллаллоҳу алайҳи васалламдан қолган мерос, ислом динининг ҳаёти ва имон асосидир.
Манбалар асосида
Хўжаобод туман “Етти чинор” жоме масжиди имом-ноиби Абдулманнон МУҲАММАДКУДДУС
тайёрлади.
Мақолалар
