muslim.uz

Субота, 31 март 2018 00:00

Король Саудовской Аравии наградил ученых и исламоведов

Король Саудовской Аравии Салман бин Абдул-Азиз Аль Сауд наградил победителей международной премии имени короля Фейсала.
Как сообщает Saudi Gazette, лауреаты были определены по пяти номинациям: «Арабский язык и литература», «Медицина», «Исламоведение», «Наука» и «Служение Исламу».
Победителями были признаны известные ученые из США, Великобритании, Туниса, Индонезии и Иордании.
«За служение исламу» был награжден заместитель декана Международного института Халяльных исследований и подготовки кадров и секретарь Совета профессоров Международного исламского университета Малайзии Ирванди Джасвир, который принял участие в разработке методов оперативного обнаружения в продуктах нехаляльных компонентов.
Исследование под названием «Критические издания исламских исторических и биографических текстов» принесло победу в номинации «Исламоведение» профессору хадисов международного Исламского университета Иордании Башару Аваду.
По данным Islam-today, также были награждены ученые, достигшие исключительных успехов в математике и исследовании в области лечения онкологических заболеваний.
Стоит отметить, что премия короля Фейсала представляет собой 200-граммовую медаль, изготовленную из золота, и денежное вознаграждение в размере 200 тысяч долларов.

Пресс-служба Управления мусульман Узбекистана

Published in Новости мира

Субота, 31 март 2018 00:00

Шавкат Мирзиёев: раҳбарлар пастда юриши, халққа хизмат қилиши керак

Президент Шавкат Мирзиёев Жиззах шаҳри Заргарлик маҳалласида аҳоли билан суҳбатлашди.

Ҳамма жойда ўзим юрганимнинг сабаби – бошқа раҳбарлар ҳам пастда юриши, ҳаётни ўрганиши, оёғи ердан узилмай, халққа хизмат қилиши учун. Жиззахга ҳам вилоятни ривожлантириш, одамларга ҳар томонлама шароит яратиш бўйича кўпдан-кўп режалар билан келдик, деди давлатимиз раҳбари.

Барча туманларда фойдаланилмаган имкониятларни ишга солиш, Фориш туманида сув омбори қуриш орқали қишлоқ хўжалигини ривожлантириш, лалми ҳудудларни узумчиликка ихтисослаштириш, “Обод қишлоқ” дастури асосида қишлоқлардаги аҳволни яхшилаш, томорқалардан фойдаланишни кенгайтириш масалалари ҳақида сўз юритилди.

Кўряпсизлар, кўп тизимларни ўзгартиряпмиз, одамларга осон бўлиши учун ҳамма чораларни кўряпмиз, деди Шавкат Мирзиёев. Одамлар ҳам ўзи учун ҳаракат қилиши, давлат яратаётган имкониятлардан фойдаланиши керак.

Манба: www.president.uz

Published in Ўзбекистон янгиликлари

Субота, 31 март 2018 00:00

Қабрдаги савол-жавоб

Инсон вафот этиб, руҳи танасини тарк этганида бу фоний дунёдан боқий дунёга кўчган бўлади. Жон олиш, бандани савол-жавоб қилиш каби ишлар фаришталарга топширилган.

Инсон танаси қабрга қўйилганидан кейин (сувга чўкиб ёки бирон нарса еб кетган бўлсаям) Мункар ва Накир исмли икки фаришта ундан “Роббинг ким? Дининг нима? Пайғамбаринг ким?” деб сўрайди. Саволга тўғри жавоб берганлар роҳатда бўлади, жавоб бера олмаганлар азобда қолади.

Усмон ибн Аффон розияллоҳу анҳудан ривоят қилинади: “Набий саллаллоҳу алайҳи ва саллам маййит дафн этилганидан кейин қабр бошида туриб: “Биродарингиз ҳақига истиғфор айтинг, унга сабот тиланг! Чунки у ҳозир сўроқ қилинмоқда”, дедилар” (Абу Довуд, Баззор ривояти. Ривоят санади ҳасан).

Бу ҳадисдан уч хил хулоса чиқади:

1. Маййитга тириклар дуоси фойда беради. Жанозага келганлар маййит дафн этилганидан кейин унга сабот тилаб дуо қиладилар, “Эй Аллоҳ! Унинг савол-жавобини осон қил, қабр азобидан сақла!” деб дуо қилишади.

2. Банда қабрда савол-жавоб қилинади.

3. Маййит кўмилгани заҳоти сўроқ қилина бошлайди. Маййит ҳатто кўмиб, ортидан қайтиб кетаётганлар оёқ кийими овозини эшитади.

Абу Ҳурайра розияллоҳу анҳудан ривоят қилинишича, Пайғамбаримиз саллаллоҳу алайҳи ва саллам шундай деганлар: “Агар биронтангиз ёки бир инсон қабрга қўйилса, унинг олдига қора-зангори рангдаги икки фаришта келади. Улардан бири “Мункар”, бошқаси “Накир” дейилади” (Термизий ривояти. Ҳадис санади ҳасан).

Анас ибн Молик розияллоҳу анҳу Расулуллоҳ саллаллоҳу алайҳи ва салламдан ривоят қилади: “Банда қабрига қўйилса, соҳиблари (уни дафн қилиб) қайтиб кетишса, (маййит) уларнинг кавушлари тақиллаганини эшитиб турганида олдига икки фаришта келиб, уни ўтқазишади. Кейин (Муҳаммад саллаллоҳу алайҳи ва салламни назарда тутиб): “Бу одам ҳақида нима дердинг?” дейишади. (Агар у) мўмин бўлса: “Гувоҳлик бераманки, албатта (Муҳаммад) Аллоҳнинг бандаси ва Расулидир”, дейди. Шунда унга: “Дўзахдаги ўрингга қара. Албатта, Аллоҳ сенга уни жаннатдаги ўринга алмаштириб берди”, дейилади. (Банда)икковини ҳам кўради. Кофир ёки мунофиққа: “Бу киши ҳақида нима дердинг?” дейилади. “Билмадим. Одамлар айтадиган нарсани айтардим”, дейди. Шунда унга: “Билмадинг ҳам, эргашмадинг ҳам”, дейилади. Кейин темир гурзи билан бир урилганида шундай қичқиради, (унинг овозини) инсу жиндан бошқа ҳамма (мавжудот) эшитади” (Бухорий, Муслим, Абу Довуд, Термизий, Насоий ривояти).

Бу дунёда имон-эътиқод билан ўтган, шариат ҳукмларига бўйсунган, ҳалол-ҳаромнинг фарқига борган мўмин инсон қабрдаги саволларга бурро, аниқ жавоб беради. Кофирлар, мунофиқлар эса қабрда сўроқ қилинганида жуда танг аҳволда қолади. Тилида мусулмонликни даъво қилиб юрганлар, аслида Аллоҳни, Пайғамбаримиз саллаллоҳу алайҳи ва салламни танимасдан ўтган кишилар ҳам қийин вазиятда қолади. Саволга жавоб бера олмаса, бошига темир гурзи билан урилади. Қабр азоби дегани мана шу бўлади.

Қабрда саволларга тутилмасдан жавоб бериш учун нима қилиш керак? Имон-эътиқодли, Аллоҳнинг айтганини қилган, ибодатда, солиҳ амалларда бардавом бўлган бандани Аллоҳ қабрда қўллайди, собитқадам қилади. Парвардигоримиз азза ва жалла шундай марҳамат қилган: “Аллоҳ имон келтирганларни дунё ҳаётида ҳам, охиратда ҳам устивор сўз (яъни, имон калимаси) билан собитқадам қилади. Золимларни эса Аллоҳ (ҳақ) йўлдан адаштиради. Аллоҳ Ўзи хоҳлаган ишни қилади” (“Иброҳим” сураси, 27-оят).

Аллоҳ таоло покиза калима – тавҳид калимасини васф қилганидан кейин “Лаа илааҳа иллаллоҳ, муҳаммадур росулуллоҳ” калимасини ихлос билан айтган, шариат ҳукмларига риоя этган, Аллоҳ розилиги йўлида жидду жаҳд қилган бандалар дунёда, охиратда эришадиган ютуқни эслатмоқда. Ҳа, Аллоҳ таоло мўминларни тириклик чоғларида шаҳодат калимасида собитқадам қилади, вафотларидан кейин қабрда ҳам уларга сабот беради, тилларига тавҳид калимасини келтиради. Бу дунёда залолатда, куфр-исёнда яшаган золимларни ҳақдан адаштиради. Улар ҳаётда безовта, беҳаловат эдилар. Энди қабрда ҳам жуда мушкил аҳволда қолишади.

Айримлар: “Менга қабрда қандай саволлар берилишини, унга қанақа жавоб қайтаришни ўргатинг. Ёдлаб оламан”, деб сўрайди. Хўп, ўргатамиз. Бироқ, биз имон-эътиқодда, солиҳ амалларда бардавом бўлсак, Аллоҳ бизни дунёда, ўлим чоғида, қабрда, қиёматда ёрдамсиз қолдирмайди, собитқадам қилади. Дин-диёнатдан узоқ юрганлар, Аллоҳ айтганини қилмаганлар қабрдаги саволга “Билмайман”, деб жавоб қайтаради. Кейин қабр азобига гирифтор бўлади.

Оят мазмунини яхшироқ тушуниш учун қуйидаги ривоятни кўриб чиқамиз. Баро ибн Озиб розияллоҳу анҳу Набий саллаллоҳу алайҳи ва салламдан ривоят қилади: “Агар мўмин қабрида ўтказиб қўйилса, унинг олдига келинади. Сўнг “Ашҳаду аллаа илааҳа иллаллоҳ ва анна Муҳаммадан росулуллоҳ”, деб гувоҳлик беради. Ана ўша Аллоҳнинг “Аллоҳ имон келтирганларни дунё ҳаётида ҳам, охиратда ҳам устивор сўз билан собитқадам қилади” деган сўзидир” (Бухорий, Муслим ривояти).

Яъни, мўмин банда дафн этилганидан кейин уни савол-жавоб қилиш учун қабрида ўтказиб қўйилади. Сўнг унинг олдига қорамтир кўк рангдаги икки фаришта келади. “Мункар” ва “Накир” номли бу фаришталар мўминни сўроққа тутганида Аллоҳ уни тавҳид калимаси билан собитқадам қилади. Мўмин қабрида шаҳодат калимасини айтишга муяссар бўлади.

Зиёвуддин РАҲИМ

ЎМИ Матбуот хизмати

Published in Мақолалар

Субота, 31 март 2018 00:00

Саудия қироли олимлар ва исломшуносларни мукофотлади

Саудия Арабистони қироли Салмон ибн Абдулазиз ал Сауд Қирол Фейсал халқаро мукофоти совриндорларини мукофотлади. Saudi Gazette нинг маълум қилишича, ғолиблар бешта номинация бўйича тақдирландилар: «Араб тили ва адабиёти», «Тиббиёт», «Исломшунослик», «Фан» ва «Исломга хизмат».

АҚШ, Буюк Британия, Тунис, Индонезия ва Иорданиялик олимлар совринларни қўлга киритдилар. «Исломга хизмати учун» номинацияси бўйича Халқаро Ҳалол тадқиқотлар ва кадрлар тайёрлаш институти декани, Малайзия Халқаро Ислом университети профессорлар кенгаши котиби Ирванди Жасвир тақдирланди. У маҳсулотларда ҳалол бўлмаган таркибий қисмларни тезкор аниқлаш усулларини ишлаб чиққани учун эътирофга сазовор бўлди.
«Исломий тарихий ва биографик матнларнинг танқидий нашрлари» номли тадқиқот «Исломшунослик» номинациясида Иордания Ислом университети ҳадислар профессори Башар Авадга ғолиблик келтирди. Шунингдек, математика ва онкологик касалликлар соҳасидаги изланишлар муаллифлари ҳам тақдирландилар.
Таъкидлаш жоиз, Қирол Фейсал халқаро мукофоти соф олтиндан тайёрланган 200 граммлик медаль ҳамда 200 минг АҚШ доллари миқдоридаги пул мукофотини ўз ичига олади.

Islam-today

Published in Дунё янгиликлари

Субота, 31 март 2018 00:00

Туркиядаги энг йирик масжид

“Султон Сулаймон” жоме масжиди Туркиянинг Истанбул шаҳридаги энг йирик масжидлардан биридир (“Султон Аҳмад” масжидидан кейин). У Вефа вилоятида жойлашган. 1550 йил Султон Сулаймоннинг топшириқига биноан етти йил давомида қурилган. Масжиднинг иккита 74 метр ва иккита 56 метр узунликдаги 4 та минораси, 10 та айвони ҳамда иккита 53 метр баландликдаги гумбази бор. Бу подшоҳнинг Усмонлилар империяси томонидан Константинопол шаҳри эгалланганидан кейинги тўртинчи ва империянинг ўнинчи подшоҳи эканини англатади. Масжид ҳонақоҳи эни 63 метр, узунлиги 69 метр.

Меҳроб ичига қуйидаги оят туширилган: «Албатта, (барча) масжидлар Аллоҳникидир. Бас, (масжидларда) Аллоҳ билан қўшиб яна бирор кимсага дуо (ибодат) қилмангиз!» (Жин сураси, 18-оят)

Жоменинг асосий кириш дарвозасининг юқори қисмига Қуръони каримдаги: «Яна улар намозларини (вақтида адо этиб) юрувчилардир. Айнан ўшалар (жаннатдаги) боғларда иззат-икром этилувчилардир» (Маориж сураси, 34-35-оятлар), ояти ёзилган. Масжидга жами 11 та эшикдан кириш мумкин. Масжид меҳроб ва минбари оқ мармардан ишланган. Гумбазнинг ичкари қисмига: «Албатта, Аллоҳ осмонлар ва Ерни завол топишларидан сақлаб турар. Агар заволга юз тутсалар, У зотдан сўнг (Ундан ўзга) ҳеч ким уларни сақлай олмас. Дарҳақиқат, У ҳалим ва мағфиратли зотдир» (Фотир сураси, 41-оят), ояти битилган.

Масжид 5 минг намозхонни сиғдира олади. 136 та дераза масжидни ёруғ бўлишини таъминлайди. Умумий майдони 10 гектар ерни ташкил этувчи мазкур масжид ўз ичига мадраса, кутубхонани қамраб олади. Шунингдек, масжид ҳовлисида иккита мақбара бўлиб, уларда Сулаймон I ва унинг аёли Ҳуррам Султоннинг қабри бор.

1957 йил масжид қурилганининг 400 йиллиги муносабати билан масжидда таъмирлаш ишлари олиб борилди. 1985 йил “Султон Сулаймон” жоме масжиди ЮНЕСКОнинг “Маданий мероси” рўйхатига киритилди.

Даврон НУРМУҲАММАД

тайёрлади

ЎМИ Матбуот хизмати

Published in Мақолалар