Ўзбекистоннинг Малайзиядаги элчихонаси кўмагида Ўзбекистон кинематография агентлиги, «Ўзбекфильм» киноконцерни, Малайзиянинг «Aquila Emas» ва «Nusantara Gong Production» компаниялари вакиллари ўртасида мамлакатимизда кўп қисмли фильмни суратга олиш бўйича қўшма лойиҳани амалга ошириш юзасидан онлайн-музокаралар ташкил этилди, деб хабар бермоқда «Дунё» АА мухбири.
Музокараларда Малайзия компаниялари раҳбариятига Ўзбекистонда миллий кино санъатини тизимли ривожлантириш, ушбу соҳани давлат томонидан қўллаб-қувватлашни такомиллаштириш, илғор хорижий тажрибалар асосида кино ишлаб чиқаришнинг самарали механизмларини жорий этиш, шунингдек, кино саноатининг замонавий инфратузилмасини яратиш ва кино тарқатиш тизимини ривожлантириш борасида амалга оширилаётган ишлар ҳақида маълумот берилди.
Онлайн-мулоқот якунида малайзиялик киночилар томонидан фильм сценарий лойиҳасини Ўзбекистон кинематография агентлигига тақдим этиш, «Aquila Emas» ва «Nusantara Gong Production» компаниялари раҳбариятининг мамлакатимизга амалий сафарини ташкил бўйича келишувга эришилди.
2005 йилда асос солинган «Aquila Emas» компанияси телерадиокомпаниялар буюртмаси асосида махсус видео/аудиоконтентлар, сериаллар ва фильмлар ишлаб чиқаришга ихтисослашган. Компания Малайзия телепродюсерлар ассоциацияси ва Малайзия ижодий контент ассоциациясининг аъзоси ҳисобланади. 2015 йил Малайзия компанияси Бухоро вилоятида «Fajar Di Bukhara» («Бухорода тонг отгунча») кўп қисмли бадиий фильмини суратга олган. Ушбу фильм Малайзия, Сингапур, Бруней ва Индонезия телеканалларида намойиш этилган ва «Anugerah Telenovela Award 2015» мукофотига сазовор бўлган.
«Nusantara Gong Production» 2010 йилдан бери кино саноати соҳасида фаолият кўрсатиб келмоқда. Компания Жануби-Шарқий Осиё мамлакатлари билан ушбу соҳада ҳамкорлик қилиш тажрибасига эга, бадиий ва ҳужжатли фильмлар суратга олиш билан шуғулланади.
Аввал хабар берилгандек, "Ўзбеккино" миллий агентлиги ва Малайзиянинг AQUILA EMAS Illusion Pictures компанияси икки томонлама ҳамкорлик тўғрисидаги меморандум имзолаб, бу ҳамкорлик доирасида “Имом ал-Бухорий” телесериалини суратга туширишни режалаштирган.

Ўзбекистон мусулмонлари идораси Матбуот хизмати

Ахборот узатиш усуллари ичида аудио материалларнинг ҳам алоҳида ўрни бор. Боиси шитоб билан одимлаётган замонда кўпчилик инсонларда матн ўқиш, видео кўришга вақт ҳар доим ҳам бўлмаслиги мумкин. Аудиоларни эса йўл-йўлакай, иш жараёнида ё дам олаётганда ҳам тинглаш мумкин.

Шуни ҳисобга олган ҳолда Ўзбекистон мусулмонлари идорасининг muslim.uz сайти аудио бўлимига мўмин-мусулмон халқимизнинг динимизга оид билимини ошириб бориш мақсадида аудиоматериаллар жойлаб борилмоқда

Қуйида сайтимизга доимий жойлаб борилаётган аудиоматериаллар билан танишишингиз мумкин:

1. Шамоилул Мустафо (Аудиокитоб);
2. Фиқҳ фани (Аудиокитоб);
3. Расулуллоҳ соллаллоҳу алайҳи васаллам ҳаётларидан лавҳалар (аудиокитоб);
4. Ал-Азкор дуо китоби (Аудиокитоб);
5. Анбиёлар қиссаси;
6. Сараланган аудио мақолалар;
7. Юртимиз уламоларининг аудиомаърузалари
8. Жаҳолатга қарши маърифат мавзусида 

Шунингдек, дунё уламоларининг гўзал суҳбатлари, тарбиявий аҳамиятга эга маърузалар, ибратли кинолардан лавҳалар, исломий мультфилмлар таржима қилиниб, овозлаштирилган ҳолда тингловчилар эътиборига ҳавола этилмоқда.

Аллоҳ таоло ушбу хайрли ишни бардавом қилсин!

Ўзбекистон мусулмонлари идораси матбуот хизмати

— Бизда майитни қабрга қўйгандан кейин ёшми-қарими, ҳамма одамлар қўлига тупроқ олади-да қабр атрофида 3 марта айланиб, майит устидан тупроқ сочишади. Ўзимча бу ишлар инсон тупроқдан яратилган, яна тупроққа қайтади, деган маънода қилинса керак, деб ўйлардим. Аммо шариатда бу борми-йўқми, билмас эканман, шунга аниқлик киритиб берсангиз...

— Маййит қабрининг бош томонидан уч сиқим тупроқ ташлаши мустаҳабдир. Абу Ҳурайра розиаллоҳу анҳудан ривоят қилинади: “Расулуллоҳ соллаллоҳу алайҳи васаллам бир маййитга намоз ўқидилар. Сўнгра қабрига келиб, боши томонидан уч сиқим тупроқ ташладилар” (Имом Аҳмад ривояти). 

Аввалгисида (минҳаа халақнаакум), яъни “Биз сизларни ундан яратдик”, иккинчисида (ва фийҳаа нуъийдукум) - “Унга қайтарурмиз”, учинчисида эса (ва минҳаа нухрижукум тааратан ухро) - “Ва сизларни яна бошқатдан ундан чиқарурмиз”, дейди. Бу “Тоҳа” сурасининг 55-оятидаги жумлалар бўлиб, оятнинг тўлиғи қуйидагича:

﴿مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَى﴾

“Биз сизларни ундан (ердан) яратдик, унга қайтарурмиз ва (қиёмат кунида) сизларни яна бошқатдан ундан чиқарурмиз”. Валлоҳу аълам!

Муҳаммад Айюб ҲОМИДОВ

Тошкент шаҳридаги бир гуруҳ таниқли имом-хатиблар пойтахтимиз масжидларига ташриф буюриб, хуфтон намозини жамоат билан бирга адо этгандан сўнг мўмин-мусулмонларга маърифий қилиб беришмоқда.

Айни пайтда қуйидаub масжидларда уламоларимиз маърифий суҳбат ўтказишмоқда:

– Олмазор туманидаги “Ҳазрати Имом” масжидига Тошкент шаҳар бош имом-хатиби Раҳматуллоҳ домла Сайфуддинов;

– Олмазор туманидаги “Аҳмаджон қори” масжидига Тошкент вилояти бош имом-хатиби Жасур домла Раупов;

– Олмазор туманидаги “Тўхтабой” масжидига Шайхонтоҳур тумани “Доруссалом” масжиди имом-хатиби Муҳаммадраҳим домла Абдуқодиров;

– Юнусобод туманидаги “Умар ибн Хаттоб” масжидига Ўзбекистон мусулмонлари идораси бўлим бошлиғи Муҳаммадайюб домла Ҳомидов;

– Юнусобод туманидаги “Мирза Юсуф” масжидига Ўзбекистон мусулмонлари идораси бўлим бошлиғи ўринбосари Аброр домла Мухтор Алий;

– Юнусобод туманидаги “Ҳасанбой” масжидига Тошкент шаҳар бош имом-хатиби ўринбосари Абдуқаҳҳор домла Юнусов;

– Юнусобод туманидаги “Муҳаммад Носир ҳожи” масжидига Чилонзор туманидаги “Новза” масжиди имом-хатиби Жалолиддин домла Ҳамрақулов;

– Чилонзор туманидаги “Собитхон ҳожи” масжидига Шайхонтоҳур тумани “Хожа Алламбардор” масжиди имом-хатиби Раҳимберди домла Раҳмонов;

– Чилонзор туманидаги “Қатортол” масжидига Шайхонтоҳур тумани бош имом-хатиби Собиржон домла Рустамов;

– Чилонзор туманидаги “Чош тепа” масжидига Олмазор тумани “Сирож Солиҳ” масжиди имом-хатиби Ҳасан домла Қодиров;

– Чилонзор туманидаги “Шайх Муҳаммад Содиқ Муҳаммад Юсуф” масжидига Олмазор тумани “Ҳазрати Имом” масжиди имом-хатиби Ҳабибуллоҳ қори Абдураззақов;

– Чилонзор туманидаги “Катта Қозиробод” масжидига Чилонзор тумани “Дўмбиробод” масжиди имом-хатиби Муҳаммадназар домла Қаюмов;

– Сергели туманидаги “Маъруфота” масжидига Яшнобод тумани “Ислом ота” масжиди имом-хатиби Йўлдошали домла Каримов;

– Миробод туманидаги “Қўйлиқ ота” масжидига Олмазор тумани бош имом-хатиби Абдуллоҳ домла Юлдошев.

Аллоҳ таоло уламоларимизнинг суҳбатини манфаатли ва давомли қилсин!

Ўзбекистон мусулмонлари идораси матбуот хизмати

Ўзбекистон мусулмонлари идораси раиси, муфтий

Нуриддин домла Холиқназаров