Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.
*****
Тулки қуённинг қичқириғини эшитганда, унинг олдига югуриб келади. Лекин ёрдам бериш учун эмас.
“Тарих мухрлаган сўзлар”
*****
Молу дунё ва омад инсонларни ўзгартирмайди. Балки уларнинг қандайликларини кўрсатади.
“Тарих мухрлаган сўзлар”
*****
Сенга аҳамият берганга сен ҳам аҳамият бер. Қолганларга эса, салом-аликнинг ўзи етади.
“Тарих мухрлаган сўзлар”
*****
Қийин вазиятларда инсонларнинг ҳақиқатлари фош бўлади.
*****
Одамлар нарсалар ҳақида гапираётганларида муболаға қилишга (бўрттиришга) мойил бўладилар. Аммо хатоларига келганда эса, ундай эмас.
“Тарих мухрлаган сўзлар”
*****
Бир донишманддан: “Душмандан нима билан ўч олинади?” деб сўралди. Шунда донишманд: “Ўз нафсини ислоҳ қилиш билан” деб жавоб берди.
“Тарих мухрлаган сўзлар”
*****
Баъзи одамлар билан гаплашганингдан кейин юксаласан. Айримларга келсак, уларнинг ёнида сукут қилсанг, шунда юксаласан.
“Тарих мухрлаган сўзлар”
*****
Сукутингни тушунолмаган киши сўзларингни ҳам тушунолмайди.
“Тарих мухрлаган сўзлар”
*****
Сафарга чиқишга қарор қилганингда, йўл кўринади.
“Тарих мухрлаган сўзлар”
*****
Албатта, ошқозон яраси еган таоминг сабабидан пайдо бўлмайди. Лекин у ичингдаги безовталик, ютган ғамларинг, ҳис-туйғуларингдаги таранглик ва қўрқув сабабли пайдо бўлади.
“Тарих мухрлаган сўзлар”
*****
Интернет материалларидан тўплаб, таржима қилувчи
Нозимжон Иминжонов
