Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.
*****
Истаган одамингга яхшилик қил, унинг амирига айланасан.
Истаган одамингдан бирор нарса сўра, унинг асирига айланасан.
Исгана одамингдан ҳеч нарса сўрама, унинг ўхшаши бўласан.
Али ибн Абу Толиб розияллоҳу анҳу
*****
Сен ҳақингда ёмон гапларни гапиришади. Кейин сен билан бир дастурхон атрофида ўтиришади. Тез-тез юзингга табассум қилиб, яхши кўрувчи инсон ролини ўйнашади. Бу пасткашликдир.
“Ҳикмат дурдоналари”
*****
Агар ташқи кўринишингни гўзал қилсанг, одамларнинг назарини ўзингга жалб қиласан.
Агар ички дунёингни гўзал қилсанг, одамларнинг қалбларини ўзингга жалб қиласан. Билиб қўйки, ичинг фосид бўла туриб, ташқингни гўзал қилишингни фойдаси йўқ.
“Ҳикмат дурдоналари”
*****
Овозингни эмас, сўзларингнинг савиясини кўтар. Атиргулнинг ўсишига сабаб бўладиган нарса яшин, момақалдироқ эмас, ёмғирдир.
“Ҳикмат дурдоналари”
*****
- Бахилдан ҳам қабиҳроқ кимиса борми?
- Ҳа, бор. Сахий одам эҳсон қилган кишисига қилган эсҳосинини миннат қилса, шу қабиҳроқдир.
“Ҳикмат дурдоналари”
*****
Баъзилар оғриқ манбаи бўлади. Баъзилар дарс бўлади. Баъзилар ширин хотира бўлади.
“Ҳикмат дурдоналари”
*****
Чиндан севадиган қалбларда вафо кишнаб туради.
“Ҳикмат дурдоналари”
*****
Мушт қилиб олинган қўл билан сўрашиб бўлмайди.
Берк ақл билан мунозара қилиб бўлмайди.
Қотиб қолган ақллар билан гаплашиб бўлмайди.
“Тарих муҳрлаган сўзлар”
*****
Мунофиқ дўст ўнта душмандан ёмонроқдир.
“Тарих муҳрлаган сўзлар”
*****
“Жим туриш унутишдир” деб ўйлашдан эҳтиёт бўл. Ер ўзи жим турса ҳам ичида мингта вулқон бор.
Форуқ Жувайда
*****
Хорлик остида минг йил яшама, азизлик сояси остида бир кун яша.
Антара ибн Шаддод
*****
Қилаётган ишимни одамларга тушунтириб ўтирмайман. Токи бирор киши “Бунинг қилаётган ҳар бир ишини билишга ҳаққим бор” деб ўйлаб қолмасин.
“Тарих муҳрлаган сўзлар”
*****
Уч киши сирни сақлай олади, агар улардан иккитаси вафот этган бўлса.
“Тарих муҳрлаган сўзлар”
*****
Ҳаётларда бирор нарсани қўлга киритишнинг уддасидан чиқа олмаганлар доим бошқаларни йиқитишга уриниб яшайдилар.
“Тарих муҳрлаган сўзлар”
Интернет материалларидан тўплаб, таржима қилувчи
Нозимжон Иминжонов
