Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган.
*****
Бугун шундай манзараларга дуч келиш мумкин:
- Бой одам фақирга сабрнинг фазилатлари ҳақида гапиради.
- Ўғри бузғунчиликка қарши кураш ҳақида лекция қилади.
- Золим мазлумга адолатни қандай ўрнатиш ҳақида сўзлаб беради.
“Ҳаётнинг нариги юзи”
*****
- Кучли бўл, лекин қўпол, бағритош бўлма.
- Мулойим бўл, лекин ўта содда, гўл бўлма.
- Жасоратли бўл, лекин аҳмоқ бўлма.
- Ўзингга ишон, лекин мағрур бўлма.
“Ҳаётнинг нариги юзи”
*****
Кийиладиган нарсаларнинг ҳаммаси бир хил бўлмайди. Дўппи бошга, туфли оёққа кийилади.
“Ҳаётнинг нариги юзи”
*****
Мени омадсиз деб ўйлашади. Ортимга ўгирилиб қарасам, менга тақлид қилишга уринаётганларини кўраман.
“Тарих муҳрлаган сўзлар”
*****
Интернет материалларидан тўплаб, таржима қилувчи
Нозимжон Иминжонов
