Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.
Бахтинг калитини бошқа шахснинг ҳамёнига солишдан эҳтиёт бўл!
“Тарих муҳрлаган сўзлар”
*****
Агар ўзингнинг нақадар бой эканингни ҳис қилмоқчи бўлсанг, ўзинг ичида турган, пулга сотиб олиш мумкин бўлмаган неъматларни санаб кўр!
“Тарих муҳрлаган сўзлар”
*****
Агар сен тирикчилик учун қийналиб меҳнат қилаётган, камситилаётган кекса аёлни кўрсанг, билгинки, сен уятсизлар ўлкасида яшаётган экансан.
“Тарих муҳрлаган сўзлар”
*****
Кўплаб душманларни учратдим. Уларнинг орасидаги энг хавфлилари менинг дўстим эканини даъво қиладиганларидир.
“Тарих муҳрлаган сўзлар”
*****
Ёқимли сўз чиройли қушга ўхшайди. Тилингдан чиқиши биланоқ бошқаларнинг дилларида сайрайди.
“Фикр дурдоналари”
*****
Дарахтга озор берадиган нарса болта эмас, балки болтанинг сопи ўша дарахтнинг шохидан эканидир.
“Фикр дурдоналари”
*****
Донишманд айтди: “Уч нарсадан фойда йўқ:
- Бахилнинг қўлидаги молдан;
- Қўрқоқнинг қўлидаги қиличдан;
- Мунофиқнинг қўлидаги қаламдан”.
“Фикр дурдоналари”
*****
Ақллар бошқалар билан машғул бўлганда кичрайиб, ўзи билан машғул бўлганда катталашади.
“Фикр дурдоналари”
Интернет материалларидан тўплаб, таржима қилувчи
Нозимжон Иминжонов
