muslimuz
مدينة شهريسبز عاصمة سياحية لمنظمة التعاون الاقتصادي لعام 2024م
عقد مؤتمر صحفي لمندوبي وسائل الإعلام بمناسبة إعلان مدينة شهريسبز عاصمة سياحية لمنظمة التعاون الاقتصادي لعام 2024
وتحدث كل من معالي السيد خسرو ناظري الأمين العام لمنظمة التعاون الاقتصادي والسيد أوميد شاديئيف هيئة السياحة لدى وزارة البيئة والحفاظ على الأوساط المحيطة والتغير المناحي بجمهورية أوزبكستان والسيد شيرزاد بوريئيف حاكم مدينة شهرسبز عن أهمية إعلان مدينة شهرسبز عاصمة سياحية لمنظمة التعاون الاقتصادي لعام 2024
واطلع الحضور على المعلومات عن تحسين البنية التحتية للسياحة في محافظة قشقادريا وتطوير مختلف أنواع السياحة
وكالة أنباء أوزبكستان، أولماس براتوف
Расулуллоҳ соллаллоҳу алайҳи васаллам 5 кун олдин вафот этдилар
“Роббингиздан бўлган мағфиратга ва жаннатга шошилинг …” (Оли Имрон сураси, 133-оят).
“Эртага тавба қиламан”, “Намозни эртадан бошлайман”, “Қуръон ўқишни ёдлашни режалаштираман”, деб яхши амални кечиктирманг!
Сунобиҳий раҳимаҳуллоҳ бундай ривоят қилади: “Биз Расулуллоҳ соллаллоҳу алайҳи васалламни зиёрат қилиш учун Ямандан йўлга чиқдик. Мадинага келганимизда, даҳшатли хабарни эшитдик: “Расулуллоҳ соллаллоҳу алайҳи васаллам БЕШ КУН олдин вафот этдилар!” (Имом Бухорий раҳимаҳуллоҳ ривояти).
Беш кунлик кечикиш уларни саҳобалик мақомидан маҳрум қилди!
Доно халқимиз: “Қолган ишга қор ёғар”, деб бежизга айтмаган.
Шошилинг! Эҳтимол бир соат кечикишингиз сизни Жаннатдан маҳрум қилар!
Абдуллоҳ Абдулмажид тайёрлади
Ишингизни пишиқ қилинг!
Ишингизни пишиқ қилинг, зеро Аллоҳ таоло Ўзини пухта қилиш билан васфлаган: “Бу ҳар бир нарсани пухта қиладиган Аллоҳнинг санъатидир” (Намл сураси 88-оят)
Пухталиксиз қилинган иш рад этилади. Аллоҳ таолонинг “У ўлим ва ҳаётини сизларнинг қайсиларингиз амалда яхшироқ эканлигингизни синаш учун яратгандир” (Мулк сураси, 2-оят) оятини муфассир уламолар: “Қай бирингиз энг тўғри ва энг холис амал қилишингизни синаш учун…”, деб тафсир қилишган.
Пухталик ҳеч ким тепангизда кузатиб турмаганда ҳам ишни яхши шаклда бажаришдир. Ҳар бир қилаётган ишингизни меҳр бериб қилинг, у иш қанчалик кичик бўлса ҳам. Мана шу муваффақият сирларидан биридир. Набий соллаллоҳу алайҳи васаллам айтадилар: “Аллоҳ ишни пухта қилишингизни хуш кўради”.
Аллоҳ таолони худди устингизда зикр қилиб турганингиздек, ичингизда ҳам зикр қилинг, сизни кузатиб турганини доим ёдингизда тутинг. Мана шу ишни пишиқ қилиш устига ихлосни ҳам қўшиш бўлади! Ахир Аллоҳ таоло айтади-ку: “Сен: “Амал қилинглар! Бас, албатта, Аллоҳ, Унинг Расули ва мўминлар амалингизни кўрарлар”, деб айт” (Тавба сураси, 105-оят).
Қачондир одамлардан холи қолсангиз, бўлди холи қолдим, деманг. Бир кузатувчингиз бор!
Ўзингизни тобора яхшилаб боришга ҳаракат қилинг. Зеро, бу “Ҳисобга тортилишингиздан олдин, ўзингизни ҳисоб-китоб қилингиз” ҳадисига мувофиқ пишиқликка ҳаракат қилиш ҳисобланади.
Ҳаётдаги баъзи тараққиёт босқичларида ортда қолганимизнинг сабаби ишимизда ихлос ва пухталик руҳини йўқотганимиздир! Шундай экан, ишингизни ҳеч қачон тез битиришга ҳаракат қилманг, уни чиройли бажаришга ҳаракат қилинг. Чунки одамлар сиздан қанча вақтда битирганингизни сўрашмайди, балки унинг пишиқлигига, сифатига қарашади.
Ҳақиқатан ҳам ҳозирги кунимизда Ислом диёрларидаги ажабланарли ҳолат – пухталик ва юқори сифатга эга бўлмаган уйларни кўраётганимиздир. Кўприклар, уйлар бузилиб тушаётгани бежизга эмас. Бунинг иккита асосий сабаби бор: ишга жон бериб, самимий ёндошмаслик (хўжа кўрсинга қилиш) ва пухта қилмаслик.
Уйларнинг чидамсизлиги ва сифацизлигидан тортиб, оддий савдо-сотиқда тарозидан уриб қолишгача мана шу икки омил асосий рол ўйнайди. Одамларда ишига содиқлик, бажараётган ишини сидқидилдан қилиш деган нарсалар тобора йўқолиб бормоқда. Ҳатто Пайғамбаримиз алайҳиссалом айтган ҳадисдаги замонга қолиб кетдиммикин деб хавотир қиласан киши: “Одамларга шундай замон келадики, киши молни ҳалолданми, ҳаромданми, қандай топаётганига парво қилмайди”.
Доктор Ҳассон Шамси Пошонинг “Метин қоялар” китобидан
Ғиёсиддин Ҳабибуллоҳ, Неъматуллоҳ Исомов таржимаси.
Нафл намозни жаҳрий ўқиш мумкинми?
Cавол: Нафл намозларни овоз чиқариб ўқисак бўладими?
Жавоб: Бисмиллаҳир Роҳманир Роҳийм. Агар нафл намозни кундузи ўқисангиз, махфий ўқийсиз. Кечаси ўқисангиз, жаҳрий ёки махфий ўқиш борасида ихтиёрли бўласиз. Агар ён-атрофда ухлаётган ёки бошқа иш билан машғул бўлаётганларга халал бермасангиз, жаҳрий ўқисангиз бўлади. Имом Бурҳониддин Марғилоний бу борада бундай деган:
“Кундузги нафл намозда махфий қироат қилади. Кечасидаги нафл намозда махфий ёки жаҳрий қироат қилишда ихтиёрли бўлади. Бу ҳукм фарз намозни ёлғиз ўқиётган кишига қиёслаб олинган. Чунки нафл намозлар фарз намозларни тўлдирувчи ҳисобланади. Демак, ҳукмда у билан бир хил бўлади” (“Ҳидоя” китоби). Валлоҳу аълам.
Ўзбекистон мусулмонлари идораси Фатво маркази
Уч асрлик жоме
Шукрки, юртимиз кўркига кўрк қўшаётган масжидларимиз сони кун сайин кўпаймоқда. Ана шундай обод, уч асрлик тарихга эга масканлардан бири “Мойбулоқ” жомесидир.
Каттақўрғон туманида жойлашган мазкур масжидда “Мойбулоқ” ва “Қоқсой” маҳаллалари аҳолиси тоат-ибодат қилишади.
XVIII асрга оид масжид дастлаб хонақоҳ бўлган. 1936 йилда ҳашар йўли билан қайта қурилган. 1990–1992 йилларда эскирган жоме биноси қайта таъмирланиб, 100–120 нафар намозхонга мўлжаллаб кенгайтирилган. 2013 йилда қўшимча 120 ўринли хонақоҳ қурилди. Намозхонлар сони кўпайиши туфайли масжид биносини кенгайтиришга 2019 йил баҳорида киришилган бўлса, 2023 йил Рамазонда 3000 ўринли жоме қад ростлади.
1936 йили қишлоғимизга Бухоро амирлигидан Ҳусайн Эшон бобо имомлик қилиш учун жўнатилган. Эшон бобонинг еттинчи авлоди бўлган Шерхон Ибодов 1957–1975 йилларда масжидимизда имомлик қилган. 1976–2021 йилларда масжидга Қўлдош Бадалов, Мардон Очилов, Сулаймон Тўраев, Камолиддин Жиянов, Мансур Маликов каби домлалар имомлик қилган. 2021 йилдан бу шарафли ишни Суннатилла Ҳакимов бажариб келмоқда.
Аллоҳнинг уйлари ободлигига ҳисса қўшаётган ҳар бир мўмин-мусулмонни Раббимиз Ўзи ваъда қилган мукофот билан сийласин. Пайғамбаримиз алайҳиссалом: “Ким Аллоҳ учун масжид бино қилса, Аллоҳ унга жаннатда уй бино қилади”, дедилар (Имом Термизий ривояти).
Хушмамат УМАРОВ,
Каттақўрғон тумани
Мақолалар
