Бугун, 11 ноябрь куни Тошкент шаҳридаги бир гуруҳ таниқли имом-хатиблар пойтахтимиз масжидларига ташриф буюриб, ? пешин ва хуфтон намозларини жамоат билан бирга адо этгандан сўнг мўмин-мусулмонларга маърифий суҳбат қилиб беришади.

Қуйида уламолар пешин ва хуфтонга борадиган масжидлар рўйхати билан танишишингиз мумкин:

Шайхонтоҳур туманидаги “Шайх Зайниддин” масжидига пешинга, тумандаги “Сузук ота” масжидига хуфтонга Ўзбекистон мусулмонлари идораси раиси ўринбосари Иброҳимжон домла Иномов;

Шайхонтоҳур туманидаги “Доруссалом” масжидига пешинга, тумандаги “Коҳ ота Бузрук” масжидига хуфтонга Тошкент вилояти бош имом-хатиби Жасур домла Раупов;

Олмазор туманидаги “Дўстжонбой” масжидига пешинга, тумандаги “Абу Бакр Қаффоли Шоший” масжидига хуфтонга Ўзбекистон мусулмонлари идораси бўлим бошлиғи Муҳаммадайюб домла Ҳомидов;

Олмазор туманидаги “Масжидус-салом” масжидига пешинга, Шайхонтоҳур туманидаги “Хожа Аламбардор” масжидига хуфтонга Ўзбекистон мусулмонлари идораси бўлим бошлиғи ўринбосари Аброр домла Мухтор Алий;

Чилонзор туманидаги “Носирхон” масжидига пешинга, Шайхонтоҳур туманидаги “Мўйи муборак” масжидига хуфтонга Тошкент шаҳар бош имом-хатиби ўринбосари Абдуқаҳҳор домла Юнусов;

Шайхонтоҳур туманидаги “Имом Ҳасан” масжидига пешинга, Шайхонтоҳур туманидаги
“Обидхон Махдум” масжидига хуфтонга Шайхонтоҳур тумани бош имом-хатиби Собир домла Рустамов;

Олмазор туманидаги “Иброҳим ота” масжидига пешинга, тумандаги “Иброҳимбой Орифжонбой” масжидига хуфтонга Олмазор тумани бош имом-хатиби Абдуллоҳ домла Юлдошев;

Олмазор туманидаги “Ҳофиз Кўҳакий” масжидига пешинга, тумандаги “Тўлқин Акром ўғли” масжидига хуфтонга
Шайхонтоҳур тумани “Доруссалом” масжиди имом-хатиби Муҳаммадраҳим домла Абдуқодиров;

Олмазор туманидаги “Мевазор” масжидига пешинга, тумандаги “Исматилло ҳожи” масжидига хуфтонга Чилонзор туманидаги “Новза” масжиди имом-хатиби Жалолиддин домла Ҳамрақулов;

Олмазор тумани “Искандар хўжа” масжидига пешинга, тумандаги “Сафабой ота” масжидига хуфтонга Яккасарой туманидаги “Ракат” масжиди имом-хатиби Роббимқул домла Муҳаммадиев;

Юнусобод туманидаги “Юнусобод Оқ тепа” масжидига пешинга, тумандаги “Омина” масжидига хуфтонга Олмазор тумани “Сирож Солиҳ” масжиди имом-хатиби Ҳасан домла Қодиров;

Чилонзор туманидаги “Бўта Бува” масжидига пешинга, Олмазор туманидаги “Мирза Ғолиб” масжидига хуфтонга Олмазор тумани “Ҳазрати Имом” масжиди имом-хатиби Ҳабибуллоҳ қори Абдураззақов;

Шайхонтоҳур туманидаги “Ҳувайдо” масжидига пешинга, тумандаги “Мунаввар қори” масжидига хуфтонга Юнусобод туманидаги “Мирза Юсуф” масжиди имом-хатиби Фозилжон домла Убайдуллаев;

Олмазор туманидаги “Охунгузар” масжидига пешинга, Шайхонтоҳур туманидаги “Ислом нури” масжидига хуфтонга Яшнобод тумани “Ислом ота” масжиди имом-хатиби Йўлдошали домла Каримов;

Аллоҳ таоло уламоларимизнинг суҳбатини манфаатли ва давомли қилсин!

Ўзбекистон мусулмонлари идораси Матбуот хизмати

Кениянинг Ламу шаҳрида Муҳаммад Пайғамбар соллаллоҳу алайҳи васаллам таваллудларига бағишланган Мавлид ун-набавий фестивали ўтказилди. Байрамга 6000 нафар меҳмон ташриф буюрди. Мавлид Шарқий Африка қирғоқ ҳудудларида энг қадимгиларидан бири Ар-Риёд масжидида бўлиб ўтди. Унда Марокаш, Комор ороллари, Танзания ва Угандадан фахрий меҳмонлар иштирок этиши хабар қилинди.

Илгари Расулуллоҳнинг таваллудларига бағишланган тадбирда 20 000 дан 30 000 нафаргача меҳмонлар иштирок эган. Бу йил COVID-19 билан боғлиқ вазият туфайли ташриф буюрувчилар сони чекланган.

Фестиваль давомида Ламу аҳолиси ва меҳмонлари бепул тиббий лагерлардан фойдаланишлари мумкин. Хизматлар саратон учун бепул кўрикдан ўтиш, катаракт жарроҳлик операцияси ва қон босимини текширишни ўз ичига олади.

Islam.ru хабар қилишича, Мавлид ун-набавий фестивалининг авж нуқтаси 4 ноябрь куни бўлиб ўтди. Байрам танловлар, футбол, елканли қайиқда сузиш мусобақалари, ислом хаттотлик кўргазмаси ва намойишни ўз ичига олади.

Ўзбекистон мусулмонлари идораси матбуот хизмати

Туркияда бўлиб турган Ўзбекистондаги Имом Мотуридий ва Имом Бухорий халқаро илмий-тадқиқот марказлари мутахассислари Ислом тафаккури институти ва «ТРТ Аваз» телерадиоканалида учрашувлар ўтказди, деб хабар бермоқда «Дунё» АА мухбири.

Ислом тафаккури институти директори, доктор Меҳмет Гўрмез билан кечган мулоқотда Туркия вакиллари Ўзбекистонда илм-фанни ривожлантириш, соф ислом дини таълимотини кенг тарғиб этиш, буюк аждодларимиз қолдирган бой меросни ёшларга етказиш борасида амалга оширилаётган изчил саъй-ҳаракталар билан таништирилди.

Давлатимиз раҳбарининг ташаббуси билан мамлакатимизда буюк мутафаккир аждодларнинг меросини чуқур ўрганиш, уларнинг ақида ва калом илми ривожига қўшган бебаҳо ҳиссасини тадқиқ этиш ва кенг тарғиб қилиш, миллий-диний қадриятларимизни асраб-авайлаш ва ривожлантириш, шу асосда ёш авлодни эзгу умуминсоний ғоялар руҳида тарбиялаш, уларда маънавий ва маърифий қарашларимизга ёт бўлган зарарли таъсирларга қарши мафкуравий иммунитетни кучайтириш мақсадида Имом Бухорий, Имом Мотуридий, Имом Термизий илмий-тадқиқот марказлари, Ўзбекистон халқаро ислом академияси ва Ўзбекистондаги Ислом цивилизацияси маркази ташкил этилгани алоҳида қайд этилди.

Доктор Меҳмет Гўрмез Мовароуннаҳр ислом тамаддунининг бешиги ҳисобланишини таъкидлади. Унинг сўзларига кўра, шу сабабли бугунги кунда Ўзбекистоннинг ислом цивилизацияси тарихида эришган шонли мавқеини қайта тиклаш бўйича қилинаётган сайъ-ҳаракатларни фақат олқишлаш керак.

- Биз барчамиз Имом Бухорийни севамиз. Имом Мотуридийга бўлган муҳаббатимиз чексиз, - деди Меҳмет Гўрмез. - Шу билан бир қаторда, янги Имом Бухорийлару Имом Мотуридийларга ҳам муҳтожмиз. Мотуридийлик таълимотини чуқур ўзлаштирган, бугунги куннинг долзарб масалаларига ечим топа оладиган кадрларни тайёрлаш долзарб вазифа бўлиб турибди. Бу борада Ўзбекистон билан яқин ҳамкорликка тайёрмиз.

«ТРТ Аваз» телерадиоканали директори Седат Сағиркая билан бўлиб ўтган суҳбатда ислом дини ривожига салмоқли ҳисса қўшган аждодларимиз ҳақидаги телематериалларни ҳамкорликда яратиш, хусусан Имом Бухорий ва Имом Мотуридий марказлари фаолиятини бутун туркий оламда тарғиб этиш бўйича ҳамкорлик масалалари муҳокама қилинди.

Телеканал вакиллари билан Ўзбекистондаги муқаддас қадамжолар, диний илм масканлари, илмий тадқиқот марказлари фаолиятига доир туркум кўрсатувлар тайёрлаш бўйича келишиб олинди.

Ўзбекистон мусулмонлари идораси Матбуот хизмати

Ўзбекистон мусулмонлари идораси раиси, муфтий

Нуриддин домла Холиқназаров