Ахborot 24 

Ўзбекистон мусулмонлари идораси жамоаси Ўзбекистон Республикаси Президенти Администрацияси шўъба мудири Зикрулло Маҳмудовнинг қайнотаси Самаджон Акбаровнинг вафоти муносабати билан у кишининг яқинларига чуқур таъзия изҳор этади.

Аллоҳ таоло марҳум отахоннинг барча солиҳ амалларини ўзларига ҳамроҳ айлаб, Ўз мағфиратига олсин. Ҳақ таоло марҳум отахоннинг яқинлари, фарзанду аржумандларига чиройли сабр бериб, бу мусибатларига ажру мукофотлар ато этсин.

Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан Зикруллоҳ Маҳмудовга, у кишининг оила аъзолари, ёр-биродарлари, яқинларига ҳамдардлик билдирамиз.

"Иннаа лиллааҳи ва иннаа илайҳи рожиъуун". 

«Мусибат етганда «Албатта, биз Аллоҳникимиз ва албатта, биз Унга қайтувчимиз», деган сабрлиларга хушхабар беринг».

Ўтган ҳафтада диний-маърифий соҳада рўй берган муҳим хабарларнинг қисқача тафсилоти

00:00 Анонс
01:14 Президент Ўзбекистон халқига табрик йўллади
01:25 Рамазон фазилати ва тинчлик қадри ҳақида самимий мулоқот бўлди
01:45 Муфтий ҳазратларининг табриклари нуфузли халқаро ташкилот саҳифаларида эълон қилинди
01:55 Матбуот саҳифаларида Рамазон тилаклари
02:07 Файзга тўла таровеҳ намози
02:35 Мурожаатлар ўз ечимини топмоқда
02:57 Рамазон – “Меҳр-мурувват ва хайру саховат ойи”деб эълон қилинди.
04:15 Умрачиларимиз Рамазонни Мадинада қарши олдилар
04:37 Имконияти чекланган ҳамюртларимизга мазмунли суҳбат қилиб берилди
04:54 Муборак ой олдидан муносиб туҳфа
05:35 Муфтий шайх ҳазратлари жума намозини "Оқ уй” масжидида адо этдилар
05:56 Халқаро тил сертификати имтиҳони ўтказилди
06:27 Шайх Нуриддин Холиқназар ҳазратларининг Рамазон ойи қутлови Миср матбуоти нигоҳида

Ўзбекистон мусулмонлари идораси Матбуот хизмати

Ахборот 24

Ислом ҳамкорлик ташкилоти ахборот агентликлари иттифоқи (UNA-OIC) маълум қилишича, Мусулмонлар Жаҳон лигаси Бош котибияти Бирлашган Миллатлар Ташкилоти Бош Ассамблеяси томонидан исломофобияга қарши кураш чора-тадбирлари тўғрисидаги резолюция қабул қилинишини ва БМТнинг Исломофобияга қарши кураш бўйича махсус вакили тайинланганини олқишлади.

Бош котиб, Мусулмон уламолари уюшмаси раиси, шайх доктор Муҳаммад бин Абдулкарим Ал-Исо ушбу қарор дунёда хавотирли салбий қараш кучайиб бораётган бир шароитда жуда муҳимлигини таъкидлаб, “Ислом раҳм-шафқат, бағрикенглик, адолат ва осойишталик дини сифатида тинчлик, поклик, инсонийлик, меҳр-мурувват, ватанпарварлик, илм олишга чақирувчи дин” эканини қўшимча қилди.

Уюшма экстремистик ғояларга қарши кураш, тинчлик, биргаликда яшаш, дин ва цивилизациялар ўртасидаги ўзаро ҳурмат ва қадриятларни рағбатлантиришга қаратилган ҳар қандай халқаро саъй-ҳаракатни қўллаб-қувватлашини яна бир бор тасдиқлади.

Эслатиб ўтамиз, жорий йил 15 март куни БМТ Бош Ассамблеяси исломофобияга қарши кураш резолюциясини қабул қилди. Покистон томонидан тақдим этилган ҳужжатда, жумладан, ушбу масала бўйича махсус вакил тайинлашга чақирилган.

Муслимларга нисбатан зўравонликка қарши курашга мувофиқлаштирилган ёндашувни ҳам талаб қиладиган резолюцияни 113 давлат ёқлади. 44 давлат бу масалада бетарафлигини билдирди. Ҳеч бир давлат қарши овоз бергани йўқ. Бош Ассамблея Европанинг бир неча давлати томонидан таклиф қилинган, резолюция матнига жузъий ўзгариш киритиш, масалан Махсус вакил ўрнига Координатор тайинлаш, муқаддас китобни таҳқирлаганга қарши чора кўриш тўғрисидаги ҳаволани олиб ташлаш чақириғидан иборат тузатишларни қабул қилмади.

БМТ Бош котиби Антониу Гутерриш ўз баёнотида одамларни ажратувчи, фактни бузиб кўрсатувчи риторика бутун аҳоли қораланишига олиб келиши, халқаро ҳамжамият муросасизлик, стереотип ва тарафкашликка қарши курашиш учун бирлашиши кераклигини уқтирди.

“Онлайн нафрат сўзлари реал ҳаётда зўравонликни кучайтиради”, дея рақамли платформалар нафратни ифодалайдиган контентни ўзгартириши, фойдаланувчиларни таъқибдан ҳимоя қилиши шартлигини таъкидлади.

– Биз ақидапарастликка қарши туришимиз, ҳар қандай салбий кўринишларни йўқ қилишимиз керак, – таъкидлади БМТ раҳбари. – Раҳбарлар ғазаблантирувчи сўзни қоралаши, диний эркинликни ҳимоя қилиши лозим.

Дарвоқе, 15 март – Халқаро исломофобияга қарши кураш куни. БМТ бу санани 2019 йил Янги Зеландиянинг Крайстчерч шаҳридаги масжидларга 51 кишининг ўлимига сабаб бўлган ҳужумлар уюштирилиши муносабати билан белгилаган.

Муҳаррама Пирматова, ЎзА