بسم الله الرحمن الرحيم

Ўзининг каломи Қуръони Каримни  ўқи дея бошлаган ва мусулмонларга илм олишликни фарз қилган Аллоҳ азза ва жаллага ҳамдлар бўлсин.

Ўз ҳаёт йўлларида умматларига энг тўғри ва соф ислом йўлидан қандай юриш кераклигини  кўрсатиб берган Росулуллоҳ соллоллоҳу алайҳи васалламга саловот ва саломлар бўлсин.

Тарихдан маълумки асрлар мобайнида жилоланиб келаётган ислом дини инсониятни тарқоқлик ва ўзаро адоватга берилишдан қайтариб, якдиллик ва бирлашишга буюриб келган.

Аллоҳ таоло Қуръони Каримда шундай дейди:

وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا وَاذْكُرُوا نِعْمَتَ اللَّهِ عَلَيْكُمْ إِذْ كُنتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَانًا وَكُنتُمْ عَلَى شَفَا حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَهْتَدُونَ

Барчангиз Аллоҳнинг арқонини маҳкам тутинг ва бўлиниб кетманг. Ва Аллоҳнинг сизга берган неъматини эсланг: бир вақтлар душман эдингиз, бас, қалбларингизни улфат қилди. Унинг неъмати ила биродар бўлдингиз. Ўтли жар ёқасида эдингиз, сизни ундан қутқарди. Аллоҳ сизга Ўз оятларини ана шундай баён қилади. Шоядки, ҳидоят топсангиз.

Оли имрон сураси 103-оят

Исломдан аввал инсоният ўзаро адоват ва душманчиликка берилиб, ўзларидан аввалгиларга келган ҳидоят маёқларини йўқотиб йўлдан адашишган эди.

Бугунги кундаги айрим фирқалар ҳам мусаффо ислом динини нотўғри талқин қилаётганликлари туфайли тўғри йўлни йўқотиб, инсонлар орасида  турли хил  ихтилофларга сабаб бўлаётганликлари сир эмас.

Хусусан бугунги кунда халқимиз орасида турли зиддиятлар келиб Чиқишига сабаб бўлаётган сохта салафийлар айни шулар жумласидандир.

Уларни қилаётган  иддаолари негизида динимизни нотўғри талқин қилганликлари ётади. Жумладан ўзларини салафий дея аташларини ўзи нотўғри, биламизки мутақаддим уламолар билан, мутааххир

уламолар орасини ажратиб турувчи чегара учинчи асрнинг сўнги яъни дастлабки ҳижрий уч асридир. Бу уч аср авлодининг фазилатлари шундаки улар шу умматни устозлари ва инсониятнинг энг яхши авлоди бўлиб ана ўшалар ҳақиқий  салафи солиҳлар ҳисобланадилар.

عَنْ عَبْدِ اللَّهِ بن مسعود رَضِيَ اللَّهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: ( خَيْرُ النَّاسِ قَرْنِي، ثُمَّ الَّذِينَ يَلُونَهُمْ، ثُمَّ الَّذِينَ يَلُونَهُمْ،  روى البخاري و مسلم .

Абдуллоҳ ибн Масъуд родияллоҳу анҳудан ривоят қилинади:

Пайғамбаримиз соллоллоҳу алайҳи васаллам муборак ҳадисларида: “инсониятни энг яхши авлоди менинг асрдошларим. кейин улардан кенинги авлод.кейин улардан кейинги аср авлоди“. деганлар ( Имом Бухорий,  Имом Муслим,)

Ушбу ҳадисдан маълум бўладики салафи солиҳлардан бўлиш учун улар каби бўлиш, солиҳ амаллар қилш билан бир қаторда ислом аввалидаги уч муборак асрда яшаш ҳам зарур. Шундай экан Ибн Таймия тарафидан “ Исломни қайта жонлантириш , салафлар йўлига кайтиш “ шиори остида янги фирқалар , мужтаҳидлар ижмосига хилоф карашлар , тўрт мазҳаб уламоларининг на фикҳий ва на акидавий асосларига мос бўлмаган ҳукмларни жорий килган. Манбаларга кўра , Ибн Таймиянинг акидавий ва фикхий масалаларда мужтаҳидлар кенгаши - ижмога хилоф назариётлари умумий ҳисобда олтмишга яқин масалада бўлган Масалан: қабрлар зиёратига бориш, мавлид, табаррук каби амаллар гўёки ширк ҳиссобланган. Қурон ва суннада келган қоидаларни сўзма сўз тушуниб кўр-кўрона амал қилиш орқали бошқа манбаларни ботилга чиқарадилар. Жиҳодни исломни олтинч аркони деб ҳиссоблайдилар. Тасаввуф, урф-одат ва миллий қадриятларни рад этадилар. Ҳар қандай янгиликни бидат деб ҳисоблаб, уни инкор атадилар. Айниқса, соҳта салафийлар томонидан тарғиб қилинаётган мазҳабсизлик ғояси, асрлар давомида шаклланган диний ананаларни издан чиқариб бир юрт мусулмонлари ўртасида парокандаликни юзага чиқармоқда. Бугунги кунда соҳта салафийлар ўзларининг ғаразлий мақсадлари йўлида техника тараққиёти ютуқларидан фаол бўлган ҳолда фойдаланишга интилмоқдалар. Жумладан улар интернетни ўзларининг ёвуз қуролига айлатириб, унинг воситасида глобал тармоқда вертуал жамоат ташкил этиб,диний мутаассиб ғояларини тарғиб қилишмоқда. Соҳта салафийларнинг ёшлар онгини эгаллашга қаратилган бундай ҳаракатларидан доимо сергак турмоғимиз ва ўз ўрнида вазиятга тўғри баҳо бериб нотўғри талқинларга қарши иммунитетни ўзимизда шакиллантирмоғимиз зарур бўлади.

Хулоса ўрнида ёшларимизга эслатмамиз шуки, юртимиздаги аҳли илмлар ва диний соҳа вакиллари ва уларнинг китобларни қўйиб турли ҳил нотўғри ғояларни тарғиб қилувчи шахси, қаерда, қандай таълим олганлиги номаълум бўлган соҳта даватчиларни пуч ғаяларига алданиб қолмаслик учун уларни вертуал тармоқдаги саҳифаларига кирмасликлари ва доимо ўз юртимизда илм маскани, устозлари ва шаҳсияти маълум бўлган мутабар устозларимиз  уларнинг езган китоблари ва фаолиятлари билан якиндан танишиб  керакли билим ва куникмаларни урганишларини тавсия этилади. 

МУСОХОН АББАСИТДИНОВ,

Наманган вилояти бош имом-хатиби

Бугун, 12 октябрь куни Ўзбекистон мусулмонлари идораси Уламолар Кенгашининг навбатдаги йиғилиши бўлиб ўтди. Унда Қорақалпоғистон мусулмонлари қозиёти қозиси, вилоятлар ва Тошкент шаҳар бош имом-хатиблари, диний таълим муассасалари ҳамда илмий-марказлар раҳбарлари, таниқли уламолар ва имом-домлалар иштирок этди.

Мажлис Қуръони карим тиловати ва эзгу дуолар ила бошланди.

Ўзбекистон мусулмонлари идораси ҳамда Уламолар Кенгаши раиси, муфтий Шайх Нуриддин домла Холиқназар ҳазратлари иштирокчиларга 2023 йилнинг ўтган даврида амалга оширилган хайрли ишлар тўғрисида маълумот бериш асносида барча диний соҳа ходимларини мўмин-мусулмонлар эҳтиёжларини тўла таъминлаш, ислом уммати бирлигини мустаҳкамлаш ва ўлкамиз фаровонлиги йўлида янада ғайрат билан меҳнат қилишга даъват этдилар. Дин пешволари аввало халқимиз томонидан берилган ишончни оқлаш даркорлиги, бунинг учун эса тинимсиз меҳнат қилиш, изланишлар олиб бориш ва касб-маҳоратни муттасил ошириш зарурлигига эътибор қаратдилар.

Муфтий ҳазратлари имом-хатиблар шариат ва ибодатга тегишли масалаларни доимий ўрганиб бориши, аҳоли билан ишлаш кўламини кенгайтириш, кунлик намозларда фаол қатнашиш, интернетда чиқишлар сифатини ошириш, иш фаолиятда ҳалоллик ва садоқатни бош мезон, деб билиш баробарида имомнинг энг асосий фазилати Аллоҳга тақво қилиш эканига катта урғу қаратдилар.

Муҳокамаларда сўзга чиққан Дин ишлари бўйича қўмита раисининг биринчи ўринбосари Махсудов Давронбек ва бошқа мутасаддилар томонидан бугунги ҳаёт талаблари қатъийлашиб бораётгани, замонавий таҳдидлар ва хуружларга имом-хатиблар биринчи навбатда қарши туришлари алоҳида қайд этилди. Ўз навбатида, ҳар бир диний соҳа ходими ўзи масъул бўлган ишни танқидий баҳолаш билан бир қаторда зиммасига юклатилган вазифани масъулият билан бажариш таъкидланди.

Шунингдек, йиғилишда Ўзбекистон мусулмонлари идораси раиси ўринбосари Жалолиддин домла Ҳамроқулов томонидан Ўзбекистон мусулмонлари мусулмонлари идораси меъёрий ҳужжатлари, ҳудудий вакилликлар иш самарадорлигини ошириш борасидаги янги лойиҳалар муҳокамага қўйилди.

Йиғилишда кўтарилган масалалар юзасидан тегишли қарорлар қабул қилинди.

збекистон мусулмонлари идораси
Матбуот хизмати

2023 йилнинг 10-11 октябрь кунлари Қозоғистон Республикаси Остона шаҳрида Жаҳон ва анъанавий динлар етакчилари қурултойи Котибиятининг ХХI-йиғилиши бўлиб ўтди. Дунёнинг 23 давлатидан келган дин пешволари Жаҳон ва анъанавий динлар етакчиларининг VII қурултойида қабул қилинган Декларация қоидаларини амалга оширишни муҳокама қилдилар. Давра суҳбатида турли динлар, халқаро ташкилотлар вакиллари қаторида Ўзбекистон мусулмонлари идораси раиси ўринбосари Ҳомиджон домла Ишматбеков иштирок этди.

Халқаро анжуманда сўзга чиққанлар мазкур форум ишининг алоҳида аҳамиятини қайд этдилар. Шунингдек, динлар ва маданиятлар ўртасида ўзаро ҳамжиҳатликка эришиш учун диний ва сиёсий етакчиларнинг саъй-ҳаракатларини бирлаштириш муҳимлиги таъкидланди. Қурултой иштирокчилари тинчлик ва конфессиялараро тотувликни асрашга қаратилган масалаларга алоҳида тўхталди.

Эътиборлиси, тадбир давомида Ўзбекистон мусулмонлари идораси раиси биринчи ўринбосари Ҳомиджон домла Ишматбеков "Жаҳон ва анъанавий динлар етакчилари қурултойининг ҳурмат медали" билан тақдирлангани эълон қилиниб, тантанали тарзда тақдим этилди.

Йиғилиш якунида “Жаҳон ва анъанавий динлар етакчилари қурултойининг 2023-2033 йиллар учун ривожлантириш концепцияси” қабул қилинди.

Ўзбекистон мусулмонлари идораси
Матбуот хизмати

Шу йил 10 октябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари раисликларида Фарғона вилоятида фаолият юритаётган имом-хатибларнинг мажлиси бўлиб ўтди.

Йиғилиш Қуръони карим тиловати ва хайрли дуолар билан бошланди.

Ўзбекистон мусулмонлари идораси раиси, муфтий Шайх Нуриддин Холиқназар ҳазратлари имом-хатиблик масъулияти, дин ва миллат ривожи учун хизмат қилиш ҳамда кейинги йилларда диний-маърифий соҳада бўлаётган ўзгаришлар ҳақида сўз юритдилар. Шунингдек, Муфтий ҳазратлари Фарғона вилоятида охирги йилларда диний соҳада кўплаб натижаларга эришилгани, ҳали тизимда кўплаб қилиниши лозим бўлган ишлар борлигини алоҳида таъкидлаб, мазкур жараёнда баъзи имом-хатиблар фаолиятида камчиликлар кузатилаётганини мисоллар билан келтириб ўтдилар.

Йиғилиш давомида Фарғона вилояти бош имом-хатиби Убайдуллоҳ домла Абдуллаев Муфтий ҳазратлари айтган ҳар бир масала юзасидан барча имом-хатиблар тўғри хулоса қилиши, бундай буён ҳамжиҳатликда динимиз равнақи ва мўмин-мусулмон халқимиз фаровонлиги йўлида астойдил хизмат қилишларини баён этдилар.

Ўзбекистон мусулмонлари идораси
Матбуот хизмати

Бугун, 9 октябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари водий сафари давомида Андижон вилоятидаги “Саййид Муҳйиддин махдум” ўрта махсус ислом билим юртига ташриф буюрдилар. Муфтий ҳазратларига Андижон вилояти бош имом-хатиби Мирзамақсуд домла Алимов ва билим юрти мудири Рустамжон домла Маҳмудов ҳамроҳлик қилди.

Муфтий ҳазратлари билим юрти педагог-ўқитувчи ва талабаларга яратилган шарт-шароитлар билан яқиндан танишдилар, хусусан, у ердаги ўқув хоналари, дарс жараёнларини кўздан кечириб, таълим муассасаси фаолиятини янада ривожлантириш борасида тавсия ва фикр-мулоҳазаларини билдирдилар.

Ташриф чоғида Муфтий ҳазратлари муассасада талаба-ёшлар билан мулоқот қилдилар. Суҳбат асносида толиби илмларга барча билимларни пухта эгаллаши, келажакда етук олим бўлиб етишишга астойдил ҳаракат қилиши лозимлигини таъкидладилар. Шунингдек, Муфтий ҳазратлари талабалар билан араб тили ва фиқҳ фани бўйича савол-жавоб қилдилар. Ушбу билимлардаги талабаларнинг заковати барчани мамнун этди.

Шундан сўнг Муфтий ҳазратлари таълим муассасасида устоз ва шогирдлик мақоми ҳақида илмий суҳбат қилиб бериш билан бирга, устоз ва талабалар ҳаққига дуои хайр қилдилар.

Ўзбекистон мусулмонлари идораси
Матбуот хизмати