muslim.uz

Пятница, 12 Ноябрь 2021 00:00

Миссионерларнинг айёрона режаси

ХХ асрнинг бошларида бошланган, миллатнинг диний қадриятлари урф-одатларини йўқотиб, ўзлигини қарам қилиш мақсадида тузилган шўролар тузумниг ғоя ва мафкуралари шу асринг охирларига келиб, инқирозга учради. Ушбу тузумни барбод бўлиши унинг ғоя ва мафкураларининг инқирозга учраши унга ишонган кўпгина инсонларни саросимага солиб қўйди. Хўш, агар бу мафкура нотўғри ва пуч бўлса, қайси мафкурага амал қилиш лозим? деган савол пайдо бўлди. Шундай қилиб, шўровий тузум ҳудудларида ўзининг режали равишда амалга оширган ғоявий инқилоблари оқибатида мафкуравий бўшлик пайдо бўлишига замин яратди. Бу кўпгина ноанъанавий диний оқимлар учун айни муддао эди.

Биринчидан, дин инсоният тарихининг барча босқичларида маънавий ҳаётнинг муҳим қисми бўлиб келган, мамлакатлар ва жамиятларнинг маданий ҳаётига таъсир кўрсатаган. Шўро даврида олиб борилган атеистик сиёсат туфайли бу ҳудуд аҳолиси айнан шундай озуқа ва таъсир манбаидан бир мунча узоқлаштирилди ва унга ўзига хос чанқоқлик юзага келди .

Иккинчидан, юқори иқтисодий тараққиёт ва аҳолини моддий фаравонлигига ҳавас билан қараган одамлар Ғарб мамлакатларидан кириб келаётган барча нарса ва ҳодисаларни ижобий мазмунда қабул қила бошлган эдилар.

Юқорида қайд этилган ҳолатлар миссионерлик фаолияти учун қулай замин яратди. Миссионерликнинг кириб келиши ХIХ-ХХ асрда юзага келган бўлса, ҳозирги кунга келиб глобал кўриниш олди.

Миссионерлик *missio* лотин тилидан олинган бўлиб, “юбориш”, “вазифа топшириш”, миссионер эса “вазифани бажарувчи” деган маъноларни англатади. Ҳақиқатдан уларни “ раҳбарлари” миссионерларни махсус вазифа билан жўнатишади, у ҳам бўлса , анъанавий тарзда бир динга эътиқод қилиб келаётган халқлар орасида бошқа динни тарғиб қилишни англатади. Яъни, асрлар давомида мусулмон бўлиб яшаган халқни християнлаштириш мақсад қилишган.

Ҳозирги кунда миссионерлик сертармоқ соҳа ҳисобланади. Бугун миссионерлар кириб бормаган жабҳа, улар фаолият юритмаётган мамлакат дунёда топилиши қийин. Миссионерлар алоҳида эътибор қаратаётган жиҳатлар қаторида таълим, соғлиқни сақлаш ва бепул ижтимоий ёрдам тизимини кўрсатиш мумкин. “Wold Book” энциклопедиясида келтирилган маълумотларга кўра, дунёдаги умумий миссионерларнинг 2/3 қисмини католик миссионерлари ташкил этади. Шунга қарамай ҳозирги кунда миссионерликнинг асоосий ҳомийси протестантлик бўлиб қолмоқда.

Бир неча оқимларга бўлиниб кетган ушбу йўналишда миссионерлик “дин” арконларидан ҳисобланиб, унга аъзо бўлганлар бу амалиёт билан шуғулланишни ўзига “фарз” деб билади. Шундан келиб чиқиб, улар тарғибот-ташвиқот билан фаол шуғулланади. Тўғри айтиш мумкин Қомусимизнинг 31 –моддасида “ Ҳамма учун виждон эркинлиги кафолатланади", кейинида “Диний қарашларни мажбуран сингдиришга йўл қўйилмайди”, деб белгилаб кўйилган. Хоҳ мажбурлаш йўли орқали хоҳ алдов йўллар билан бўлсин , қонун жиҳатидан ушбу фаолият билан шуғулланиш тақиқланади. Протестантлик оқими йўналишларидан бири «Иегово Шоҳидлари» улар ҳатто христианларни ўзидаги бўлган учлик ҳақидаги ақидани инкор этади, лекин бошқа оқимлар каби унинг барча кўринишларини изоҳлашади.

Ҳозирги кунда Иегова шоҳидлари 220 дан ортиқ мамлакатда фаолият олиб боради ва дунё бўйлаб 111та мамлакатда ўз бўлимига эга. Ташкилотнинг “Қўриқчи минора” журнали ойига икки марта 125 тилда 22 миллиондан ортиқ нусхада, “Уйғонинглар” журнали ойига бир маротаба 81 тилда 20 миллион ададда тарқатилади. Ушбу нашрлар асосан миссионерлик фаолиятини ривожлантиришга қаратилган. Маълумотларга кўра, ҳозирда иеговачилар дунё бўйича 6,7 миллионни ташкил этади. Иегова шоҳидларининг бош ташкилоти томонидан адабиётлар нашр этиш, черковлар фаолиятини таъминлашга кетадиган сарф харажатлардан ташқари миссионерларнинг «кундалик харажатлари»га йилига 100 миллион АҚШ доллардан ортиқ маблағ сарфланади.

Ўзбекистон халқи кўп миллатли бўлиш билан бирга, маҳаллий аҳоли ўз урф одатларига жуда ҳам содиқ. Ислом дини эса маҳалий аҳолининг ҳаёт тарзига айланган. Халқимизнинг тарихи, бугуни ва келажаги Ислом дини билан чамбарчас боғлиқ. Иеговачиларнинг хато тушунчалардан бири инсоннинг қонини бошқага қуйишни гуноҳ деб биладилар. Инсон ҳаёти учун кутилмаган вазиятларда қон қуйиш ҳал қилувчи аҳамият касб этишини инобатга оладиган бўлсак бундай ғоявий тарғиботнинг оқибатини тасаввур этиш қийин эмас. Ушбу йўналиш аъзолари, давлат хафсизлигини таъминлаш учун ҳарбий хизматдан ҳам бош тортади, бу дегани давлат хавфсизлиги таҳдид остида қолганда уларнинг қўл қовуштириб туриш ғояси қандайдир кучлар томонидан таъкитлангандек гўё. Ҳар бир инсоннинг бошида ўлим бор. Насронийликни қабул қилган қишининг вафот этгач нима бўлишини тасаввур қилинг. Ким уни дафн қилади?! Ким уни жанозасини ўқийди ?! Ким унинг ортидан дуога қўл очиб юзига фотиҳа тортади?! Ким уни қандоқ ва қаерда дафн қилиши керак деган муаммолар юзага келади. Албатта ҳеч бир мусулмон ота-она фарзандини бежаноза, бекафан кўмишни истамайди. Аза бўлган хонадонга маҳалла кўйдан ҳеч ким таъзия билдириб бормаса, бу қандай оғир оқибатларга олиб келишини тушуниш қийин эмас. Қайси ота-она фарзандига “Аросат” филмидаги каби жасади хор-зор бўлишини хохлайди, ҳеч бир ота –она, қавму-қариндош ўз яқинига ҳаргиз бундай ҳолатда ўлим топишига рози бўлмаса рози бўлмаса керак..Халқимизда қиз олиб қиз беришда нафақат келин куёвнинг ўзига балки унинг етти пуштига аҳамият беради.

Хулоса қилиш мумкинки ушбу оқимга кўр-кўрона ёки ўз ҳавои нафсини устун қўйиб, ўзининг соф этиқоди, пок қадриятини арзимаган матоҳ учун сотиб юборадиган кимсалар билиб қўйсинлар, улар икки дунёсини ҳам куйдиради. Аллоҳ Таоло Ўзининг каломи Қуръони каримнинг Оли Имрон сураси 19-оятида “Аллоҳ наздида энг мақбул дин Исломдир” деб турган бўлса, наҳотки улар ўз динларини қўйиб, бошқа динни хохлашлари мумкин.

Аллоҳ Таоло ушбу суранинг 85-оятида “Ким Исломдан бошқа динни хохласа, бас, ундан бу ҳаргиз қабул қилинмас,ва у охиратда зиён кўргувчилардан бўладир”. Аллоҳ ҳузурида мақбул бўлган ягона Ислом динининг охирги ва мукаммал кўриниши Мухаммад алайҳиссаломга юборилган ҳақиқий Ислом динидир. Ана энди ундан бошқа динни истаб ўша бошқа динда юрганлардан у динлари ҳаргиз-ҳаргиз қабул қилинмайди. Улар охиратда зиён кўргувчилардан бўлади. Аллоҳ уларни ҳидоятга солмайди. Тоинки бу йўлларидан тавба қилиб, қайтмагунларича Аллоҳ Таоло уларни залолатларига бардавом қилиб, уларни лаънатлаб туради.

Когон туман «Саид Амир Кулол» жоме масжиди

имом-хатиби Сабуров Жалолиддин

Бўлим МАҚОЛА

Пятница, 12 Ноябрь 2021 00:00

Франция ОАВси Тошкент Ислом цивилизацияси маркази қурилиши ҳақида

"Musulmans en France" ихтисослаштирилган онлайн нашри бош муҳаррири Жан-Мишель Бруннинг "Ўзбекистонда дунёда ноёб Ислом цивилизациясининг маркази очилмоқда" номли мақоласини чоп этди, деб хабар бермоқда “Дунё” ахборот агентлиги.

Нашрнинг таъкидлашича, Усмон Қуръонининг машҳур нусхаси жойлашган Тошкентда Президент Шавкат Мирзиёев ташаббуси билан замонавий мусулмон дунёсининг дурдоналаридан бири бўлишга мўлжалланган Ислом цивилизацияси маркази биносини қуришга киришишга қарор қилинган.

Қайд этилишича, интерьер дизайни Қатар пойтахти Дохада Ислом санъати музейини яратган франциялик архитектор Жан-Мишел Вильмоттга топширилган.

Келгуси йил охирида эшикларини очиши керак бўлган янги марказ 15 000 квадрат метр майдонга эга катта кўргазма зали, санъат ва китобларни рақамлаштириш ва тиклаш бўлимига эга тадқиқот маркази, шунингдек, 500 кишилик конференция залини ўз ичига олади. Ниҳоят, марказда 200 дан ортиқ талаба магистратура ёки докторантурада ўқишни давом эттириш имкониятига эга бўлган Халқаро ислом академияси жойлашади, дейилади мақолада.

Саккиз галереяда 4 мингдан ортиқ объект, шунингдек, 1000 қўлёзмани намойиш этиш режалаштирилган. Марказда, гумбаз остида VII асрга оид қўлёзма Усмон Қуръонининг жуда қимматли ва нодир нусхаси ўрнатилади, дея хулоса қилади интернет-ресурс.

Ўзбекистон мусулмонлари идораси матбуот хизмати

Бўлим Ўзбекистон янгиликлари

Пятница, 12 Ноябрь 2021 00:00

Эҳсон қилувчиларга охиратда хавф бўлмас!

Аллоҳ таоло берган барча нарсалар бизга омонат. Молу бойлик ҳам. Уни Ўзи буюрган жойларга сарфлаш даркор. Мусулмон киши хайру эҳсон ва садақа қилишда пешқадам бўлишга ҳаракат қилиши керак.

Қуръони каримда марҳамат қилинади: “Суйган нарсаларингиздан эҳсон қилмагунингизгача сира яхшиликка (жаннатга) эриша олмайсизлар. Ниманики эҳсон қилсангиз, албатта, Аллоҳ уни билувчидир” (Оли Имрон сураси, 92-оят). Бошқа ояти каримада: “Мол (бойлик)ларини кечаю кундуз, пинҳонаю ошкора эҳсон қиладиган кишилар учун Парвардигорлари ҳузурида (махсус) мукофотлари муҳайёдир. Уларга (охиратда) хавф ҳам бўлмас ва улар ташвиш ҳам чекмаслар” (Бақара сураси, 274-оят), дейилади.

Шу ўринда айтиш жоиз, Ургут туманидаги “Ғузни” масжиди имом-хатиби Абдуқодир домла Нурмуҳуммедов бошчилигида бир гуруҳ саҳоватпеша инсонлар “Mehr saxovat Urgut” номли жамоага бирлашди. Бундан мақсад эҳтиёжманд, кам таъминланган оилалар, етим болалар ва ногиронларга моддий ёрдам кўрсатиш, сахий инсонларни ушбу хайрли ишга даъват этишдир.

Ҳозирги кунга қадар жамоа минглаб оилалар камчиликлари бартараф этиб келмоқда. Масалан, тумандаги 287 нафар болажонга мустақилликнинг 30 йиллиги муносабати билан ўқув қуроллари ва кийим бошлар топширилди. Шунингдек, 50 нафарга яқин етим ва ижтимоий кўмакка муҳтож мактаб ёшидаги болаларга қишки кийимлар олиб берилди. Яна 300 нафар болажонга кийим бош олиб бериш режа қилинган. Ҳар бир болага бош-оёқ кийим қилиш учун ҳомийлар томонидан ўрта ҳисобда 820 минг сўм миқдоридаги маблағ эҳсон қилинмокда.

Бундан ташқари, тумандаги уй жойга муҳтож 5 та оилага янги уйлар қуриб фойдаланишга топширилди. Бемор ва касаллиги бўлган 150 нафар киши тумандаги хусусий шифохоналар ҳамкорлигида даволанди. 500 дан зиёд фуқарога дори-дармон олиб берилди.

Қуръони каримда марҳамат қилинади: “Аллоҳ йўлида молларини эҳсон қилувчилар (савобининг) мисоли гўё бир донга ўхшайдики, у ҳар бир бошоғида юзтадан дони бўлган еттита бошоқни ундириб чиқаради. Аллоҳ хоҳлаган кишиларга (савобини) янада кўпайтириб беради. Аллоҳ (карами) кенг ва билимдон зотдир” (Бақара сураси, 261-оят).

Ояти каримада бир эҳсон эвазига битта эмас, балки етти юз ва ундан ортиқ савоб бериши мумкинлиги билдирилмоқда. Эҳсон қилувчи киши бу эҳсони эвазига фақатгина охиратда ажр олибгина қолмай, бу дунёда ҳам мукофотларга эга бўлади.

Эҳсоннинг маъноси яхшилик қилишдир. Зеро, эзгу ишларга сарф қилинмаган, балки гуноҳ ва маъсият, одамлар орасини бузиш, ўртага зиддият ва адоват солишга сабаб бўладиган ишларга мол-мулк сарфлаш эҳсон дейилмайди ва қабул бўлмайди. Албатта, эҳсонни ўз жойига, муносиб кишиларга бериш шартдир.

Азиз юртдошлар, ниятимиз сахий инсонларнинг хайрли ишларини ўрнак сифатида кўрсатишдир. Асло уларнинг савобли амалларини кўз-кўз қилиб, риё эмас.

Аллоҳ таоло барчамизни эҳсон қилувчи, сахий ва кўпчиликка ёрдами тегадиган кишилардан бўлишимизни насиб этсин!

Самарқанд вилояти вакиллиги матбуот хизмати

Бўлим Мақолалар

Пятница, 12 Ноябрь 2021 00:00

Мусулмон ҳар куни уйсизларга бошпана, муҳтожларга нон бермоқда

Бельгия пойтахтида истиқомат қилувчи 68 ёшли марокашлик Аҳмад бин Абдураҳмон хусусий машинасида тунда муҳтожларга нон етказиб беради ва ўз меҳмонхонасида бошпанасиз фуқароларга бошпана беради. Мусулмон 27 йилдан бери Брюссель марказидаги Grand Place tourist майдонига олиб борувчи кўчалардан биридаги меҳмонхонани бошқармоқда.

Шаҳардаги кўпчилик одамлар Аҳмадни хушчақчақ, бақувват ва дилкаш табиати ҳамда хайрия фаолияти туфайли билишади.

Islam.ru хабарига кўра, журналистлар билан суҳбатда марокашлик Аҳмад ислом талаб қилган ишни қилаётганини таъкидлайди.

"Мен қийин аҳволга тушиб қолган одамлар учун бирор нарса қила олишимдан фахрланаман. Мен инсонпарварман, мусулмонман", - таъкидлайди Аҳмад.

Кечқурунлари бир неча новвойхонага бориб нон сотиб олади, кейин муҳтожларга етказади. Аҳмад бин Абдураҳмоннинг айтишича, кундалик садақа унинг ўзига ёрдам беради – 68 ёшда бўлишига қарамай ўзини анча ёш ҳис қилади.

Ўзбекистон мусулмонлари идораси матбуот хизмати

Бўлим Дунё янгиликлари

Пятница, 12 Ноябрь 2021 00:00

Фиқҳий мазҳаблар (аудио)

Абдусамад домла ЖЎРАҚУЛОВ

Тошкент тумани "Ҳамд" жоме масжиди имом-хатиби

Бўлим АУДИО

Страница 695 из 1670