muslim.uz
Online: Қуръон мусобақаси. (Самарқанд)
ЎМИ Матбуот хизмати
Диққат: Самарқанддаги Қуръон мусобақаси онлайн узатилади
Самарқанд шаҳридаги энг кўркам масжидлардан бири “Хўжа Исҳоқи Валий” жоме масжидида Қуръон мусобақасининг ҳудудий босқичига оқ фотиҳа берилди. Мусобақани онлайн узатиш ишлари бир неча дақиқадан сўнг бошланади.
Азиз мухлислар интернет тезлигида рўй бериши мумкин бўлган муаммолар сабаб, мусобақани онлайн узатишда айрим камчиликлар бўлиши мумкин. Шуни инобатга олиб сиз азизлардан олдиндан узр сўраймиз. Лекин биз бор куч ва имкониятимизни ишга солиб, камчиликларни бартараф этишга ҳаракат қилишга ваъда берамиз.
Бизнинг muslim.uz портали ва ижтимоий тармоқлар орқали кузатиб боринг. Энг хушовоз қориларнинг ҳузурбахш тиловатларидан баҳраманд бўлишга барчани чорлаймиз.
Ўзбекистон мусулмонлари идораси Матбуот хизмати
Шайх Муҳаммад Содиқ Муҳаммад Юсуф ҳазратлари ҳақида фильм
ЎМИ Матбуот хизмати
Самарқандда қорилар беллашувига тайёргарлик жуда ҳам юқори (фото)
Барчамиз гувоҳ бўлганимиздек, юртимиз бўйлаб бир ой давомида Қуръони карим мусобақасининг ҳудудий босқичлари ўта кўтаринки руҳда, байрамона кайфиятда ўтказилди.
Қуръонга ошно қалблар сурурла Ҳақ таоло каломига сомеъ бўлдилар. Руҳлар озуқаланди, зеҳнлар ўткирлашди юртга барака инди. Ҳозирда қорилар мусобақасининг Самарқанд вилояти босқичини ўтказиш остонасида турилибди.
Эртага 19 февраль куни соат 9.00 да Самарқанд шаҳридаги энг кўркам масжидлардан бири “Хўжа Исҳоқи Валий” жоме масжидида мусобақанинг вилоят босқичи бошланади.
Туман босқичида ҳудудлар бўйича ўтказилган мусобақаларда ғолибликни қўлга киритганлар ўзаро беллашадилар.
Ҳозирда Қуръони карим мусобақасининг вилоят босқичини ўтказиш учун қизғин тайёргарликлар кетмоқда. Иншааллоҳ, бу гал ҳам ўзига хос Қуръон байрамига гувоҳ бўласиз. Мусобақани юқори савияда ўтказишга алоҳида эҳтимом билан ёндашилган.
16 февраль куни иштирокчилар билан вилоят вакиллиги биносида мусобақа олдидан учрашув бўлиб ўтди.
Яна бир бор эслатамиз, мусобақа 2018 йил 19 ФЕВРАЛ, ДУШАНБА куни соат 09.00 да Самарқанд шаҳридаги “ХЎЖА ИСҲОҚИ ВАЛИЙ” жоме масжидида бошланади.
Мўлжал: Самарқанд халқаро аэропорти
Қуръон зиёфатига шошилинг.
ЎМИ Самарқанд вилояти вакиллиги
ЎМИ Матбуот хизмати
Қуръон мусобақасининг биринчи босқичи қандай ўтди?
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.