Фирқалар ҳақида гапирар эканмиз, бузғунчи оқимлардан бири бўлмиш Сохта салафийлардир. Бу оқим мутаассиб оқимлар тоифасига киради. Сўнгги вақтларда «салаф солиҳларга эргашиш» шиори остида "Салафийлик" мафкурасини байроқ қилиб олган, ўзларини гўёки салафларнинг издошларимиз деб ҳисоблайдиган мутаассиб сохта салафийлар пайдо бўлганини алоҳида қайд этиш лозим.

Ҳозирги кунда сохта салафийларнинг умумлаштириб, икки гуруҳга ажратиш мумкин.
• Биринчиси, давлат бошқарувида шариатнинг устуворлигига эришиш йўлида жангу жадаллар билан харакат қиладиган «радикал салафийлар». Бу тоифадаги сохта салафийлар жиҳод ғоясининг мазмунини бузиб талқин қилиб, унга жангарилик, қўпорувчилик тусини бермоқдалар. Улар нафақат бошқа дин вакиллари, балки мусулмонларга қарши зўравонлик, қўпорувчилик ҳамда босқинчилик хатти - ҳаракатларини асослаш ва оқлаш учун «жиҳод» тушунчасидан фойдаланмоқдалар.
• Иккинчиси, ўзларини гўёки давлатдаги мавжуд қонун қоидаларга бўйсинадиган ва уларга қарши чиқмайдиган қилиб кўрсатадиган, бироқ жангарилик фаолияти билан шуғулланмайдиган, гўёки мўътадил салафийлар ҳисобланади. Улар ўзларининг мутаассиб фикрларидан қайтмаган ҳолда, муайян мазҳабга мансуб бўлишни ёқламайдилар. Улар бу ғоя остида анъанавий мазҳаблардан воз кечиш ва исломнинг илк даврига қайтишни даъват қиладилар.

Манбалар асосида Сўфиев Абдулҳаким таёрлади

Масжидул Ҳаромда сўнгги технологиялар асосида янги аудиотизим ишга туширилди. Уни созлаш ва ўрнатиш ишларида 120 нафардан ортиқ овоз муҳандислари иштирок этди, дея хабар берди islamnews нашри.
Зиёратчиларга азон садоси ва жамоат намоз овозини етказиш учун 7000 дан ортиқ карнай ўрнатилди. Овоз тизимини мувофиқлаштириш учун Масжидул Ҳаром ҳудудида иккита пульт бошқаруви хонаси ва яна бир захира тизими мавжуд.
Мазкур техник янгиликлар Масжидул Ҳаром ва унга туташ ҳудудларни кенгайтириш бўйича кенг кўламли лойиҳа доирасида амалга оширилмоқда.

20 февраль куни Инсон ҳуқуқлари бўйича Ўзбекистон Республикаси Миллий марказида “Инсон ҳуқуқлари соҳасида таълим ва тадқиқотлар” танлови ғолибларини тақдирлашга бағишланган тантанали маросим бўлиб ўтди. Ушбу тадбир мамлакатимизда 20 февралдан – 28 февралга қадар давом этадиган “Инсон ҳуқуқлари ҳафталиги” доирасида ташкил этилди.
Мазкур танловнинг “Инсон ҳуқуқлари ва эркинликларига бағишланган энг яхши видеоролик” номинацияси бўйича – Қорақалпоғистон мусулмонлари қозиёти ахборот-медиа мутахассиси Нурмуҳаммед Жумағулов 1-ўринни эгаллади.
Инсон ҳуқуқлари бўйича Ўзбекистон Республикаси Миллий маркази директори Акмал Саидов тақдирлаш маросимини очар экан, айни мавзудаги республика танлови Ўзбекистон Республикаси Конституцияси қабул қилинганининг 30 йиллиги, БМТнинг Инсон ҳуқуқлари соҳасидаги Жаҳон таълим дастури ҳамда Инсон ҳуқуқлари соҳасида таълим ва тарбия тўғрисидаги декларациясига бағишланганини қайд этиб ўтди.
Ғолибларга ташкилотчилар томонидан 1-даражали диплом ва қимматбаҳо совғалар билан тақдим этилди.
Маълумот учун, турли хил танловларда фаол иштирок этувчи Н.Жумағуловнинг шу пайтга қадар 21 марта фахрли ўринларни эгаллаган. Ушбу мутахассисимиз ютуқларининг муносиб тақдирланиши соҳа ходимларининг жамият ижтимоий, илмий салоҳиятини юксалтиришдаги муносиб ҳиссалари учун эътироф ўлароқ кўнгилларга қувонч бағишлайди.

ЎМИ Масжидлар билан ишлаш бўлими

Жорий йил 21 февраль куни Ҳидоя ўрта махсус ислом билим юртида ўқитувчи ва талабалар иштирокида давра суҳбати ташкил этилди. 

Давра суҳбатига Ўзбекистон Дин ишлари бўйича қўмита мутахассиси Нодирбек Шомирзаев ташриф буюрди ва талабаларга "Ахборот тизимидан фойдаланишда истеъмол маданияти" мавзусида суҳбати қилиб берди.

Шунингдек, ислом билим юртида битирувчи курс талабалари ўртасида “Ягона олимпиада“ танловининг биринчи босқичи бўлиб ўтди.

***

“Кўкалдош” ўрта-махсус ислом таълим муассасаси талабалари учун “Ёш авлодда ижтимоий тармоқлардан оқилона фойдаланиш маданиятини шакллантириш йўллари” мавзусида давра суҳбати тишкил этилди. Тадбирда таълим муассасаси Ёшлар билан ишлаш, маънавият ва маърифат бўлими бошлиғи А.Ғаниев ва таълим муассасаси катта мударриси Холмўминов Жалолиддин домла талабаларга ижтимой тармоқлардан фойдаланиш одоблари ҳақида маъруза қилди.

***

2023 йил 20 февраль куни  Aндижон "Саййид Муҳйиддин махдум" ўрта махсус ислом билим юртида "Жомеъ aс- сунaн", "Сaҳиҳи Бухорий" шарҳи, "Сунaни термизий" шарҳи китоблари тақдимоти бўлиб ўтди.

***

21 февраль куни  Қорақалпоғистон Республикаси Нукус шаҳридаги “Муҳаммад ал-Беруний” ўтра махсус ислом билим юртида Ўзбекистон мусулмонлари идораси “Қуръони карим ва тажвидни ўргатиш” бўлими мудири Шайх Алижон қори  иштирокида илмий суҳбат ташкил этилди.

Таъкидлаш жоизки, юртимиз делегация вакилларининг Миср Араб Республикасидаги сафари муваффақиятли кечмоқда. Сафар давомида турли илмий муассасалар фаолияти билан яқиндан танишилмоқда. Навбатдаги манзил – Мисрнинг “Ал-Азҳар” мажмуаси Ислом тадқиқотлари академияси бўлди.

Академияда Дин ишлари бўйича қўмита раисининг биринчи ўринбосари Давронбек Махсудов, Ўзбекистон халқаро ислом академияси Халқаро бўлим бошлиғи Баҳодир Хўжаев ҳамда “Ал-Азҳар” мажмуаси Ислом тадқиқотлари академияси раҳбари, доктор Назир Айёд билан учрашуви бўлиб ўтди.

Учрашув аввалида ҳар икки юрт вакиллари томонидан Ўзбекистон ва Миср билан алоқалар тобора ривожланиб бораётгани, айниқса, илмий ва таълим йўналишлардаги ҳамкорликлар сўнгги йилларда кенг тараққий этаётгани таъкидланди.

Мулоқот давомида Давронбек Махсудов томонлар ўртасида ҳамкорлик масалаларини янада ривожлантириш масалалари бўйича таклифларини берди.

Академия раҳбари Назир Айёд эса қадим Мовароуннаҳр диёридан ислом илмлари, фалсафа, тиббиёт, мантиқ ва бошқа кўплаб илмлар бўйича етук олимлар етишиб чиққани, улар ўз наватида жаҳон тамаддуни ривожига муносиб ҳисса қўшганини таъкидлади. Назир Айёд Имом Мотуридий халқаро илмий тадқиқот маркази қошидаги Халқаро илмий ҳайъат ва “Мотуридия” илмий журнали таҳрир ҳайъати аъзоси эканини фахр ва миннатдорлик билан айтиб ўтди. Келажакда ўзи бошчилик қилаётган Академияда ўзбекистонлик тадқиқотчиларнинг фаолият олиб боришлари мумкинилигини айтди.

Суҳбатдан сўнг, Ислом тадқиқотлари Академияси фаолияти билан атрофлича танишиб чиқилди. Академия “Ал-Азҳар” мажмуасидаги энг йирик марказлардан бири саналади. Унда бугунги кунда олти юз нафар ходим фаолият олиб боради. Академияда таржима, ахборот, экспертиза, матбаа ва нашриёт каби бўлим фаолият юритади.

Учрашув якунида Академия раҳбарияти ва жамоаси Ўзбекистондаги илмий марказлар ҳамда тадқиқотчилар билан яқиндан ҳамкорлик қилишга катта қизиқиш билдирди.

Манба