muslim.uz
Тошкент ислом институтида модуль таълим учун қабул бошланди
Тошкент ислом институтида 2024-2025 ўқув йили Модуль таълим учун абитуриентлардан ҳужжатларни қабул қилиш оффлайн шаклда 10 июлдан бошланди.
Институтда Қабул комиссияси таркиби шакллантирилган бўлиб, Низом талабларига мувофиқ зарур техник-ташкилий ишлар амалга оширилиб, абитуриентлар учун барча шарт-шароитлар ҳозирланган.
Катта кўчадан институтгача ва ички ҳудудда ҳам қабул ҳайъатини кўрсатувчи йўналтиргичлар ўрнатилган. Махсус хона эълонлар ва ҳужжатлар доскалари, компьютер ва алоқа техникалари, концелярия ва мебель жиҳозлари билан таъминланган.
https://goo.gl/maps/Ng8xP1yVfJwJvB3e7
Қабул вақти:
Модуль таълими учун "Қабул-2024" 10 июлдан 30 июль, соат 18:00гача давом этади.
09:00 - 17:00
Тушлик: 12:30 - 13:30
Якшанба дам
71-240-01-15, 77-308-73-13
Қабул ҳайъати манзили: Тошкент шаҳар, Олмазор тумани, Зарқайнар 18-берк кўча, 47-уй.
Ҳамдардлик билдирамиз
Ўзбекистон мусулмонлари идораси жамоаси Тошкент шаҳар «Кўкча оқтепа» жоме масжиди имом-хатиби, Абдуллажон домла Ғуломовнинг волидаи муҳтарамаларининг вафоти муносабати билан таъзия билдиради.
Аллоҳ таоло марҳума онахонни раҳматига олсин, маконини жаннат қилсин. Бу дунёда қилган барча хайрли ишларини бошларига соя, охиратларига захира айласин. Ортда қолган барча яқинларига гўзал сабр берсин.
Иннаа лиллааҳи ва иннаа илайҳи рожиъуун.
«Мусибат етганда «Албатта, биз Аллоҳникимиз ва албатта, биз Унга қайтувчимиз», деган сабрлиларга хушхабар беринг».
Ўзбекистон мусулмонлари идораси
MAZHABLAR - QUR'ON VA SUNNAT MAHSULIDIR
YUNUSXON UMAROV
Kosonsoy tumani "SADPIRI KOMIL" jome masjidi imom xatibi
Угандада биринчи Aфрика Қуръони карим мусобақаси бўлиб ўтади
Жорий йилнинг октябрь ойида Уганда давлатида Қуръони карим мусобақаси ўтказилиши режалаштирилган.
Биринчи Aфрика Қуръони карим мусобақасини “Salam TV” телеканали ташкил этмоқда. Бу ҳақда IQNA сайти “Pulse” нашрига таяниб хабар бермоқда.
Телеканалнинг маълум қилишича, ушбу дастурдан мақсад бутун қитъа мусулмонларини бирлаштириш, Қуръони карим тиловати даражасини ошириш, қориларнинг ўз истеъдодларини намойиш этишига кўмаклашиш ва Африка халқлари ўртасида ўзаро дўстона муносабатларни мустаҳкамлашга қаратилган.
Мазкур мусобақада Aфрика қитъасининг 50 дан ортиқ давлатларидан иштирокчилар қатнашишии кутилмоқда. Бу эса қитъадаги ислом мамлакатларида муҳим воқеага айланади.
ЎМИ ходими Илёсхон Аҳмедов тайёрлади.
Икки томонлама ҳамкорлик йўлга қўйилди
Шу йил 9 июль куни Ўзбекистон мусулмонлари идораси раисининг биринчи ўринбосари Ҳомиджон домла Ишматбеков Италия ислом дини жамияти вице-президенти Имом Яҳё Паллавичини билан учрашув ўтказди.
Мулоқотда Ҳомиджон домла сўнгги йилларда Ўзбекистон ва Италия ўртасидаги яқин дўстлик алоқалари мустаҳкамланаётгани, бунда иккала давлат Раҳбарларининг самимий мулоқотлари, ўзаро ташрифлар ва имзоланган олий даражадаги ҳужжатларнинг ўрни муҳимлигини таъкидлади. Шунингдек, икки давлат ўртасидаги дўстлик, илмий-маърифий, маданий ва зиёрат туризми йўналишларида ўзаро ҳамкорлик қилишга кенг йўл берилганини ҳам алоҳида қайд этди.
Ўз навбатида, Имом Яҳё Паллавичини ҳам самимий қабул учун миннатдорлик билдириб, Ўзбекистонда олиб борилаётган ислоҳотларни юқори баҳолаб, бундай ўзгаришлар янада бардавом бўлишини тилади. Ўзбекистон бой маънавий меросга эга экани, ўзи ҳам бир неча кун давомида Бухоро, Самарқанд ва Тошкент шаҳарларидаги табаррук зиёратгоҳлар ҳамда масжид-мадрасалар зиёратида бўлганини таъкидлаб, Имом Бухорий, Имом Термизий, Баҳоуддин Нақшбанд каби мўътабар зотлар бутун мусулмон дунёсига маънавий устоз эканларини эътироф этди.
Мулоқот якунида Ўзбекистон мусулмонлари идораси ва Италия ислом дини жамияти ўртасида Англашув меморандуми имзоланди.
Учрашув дўстона ва самимий руҳда ўтди.
Ўзбекистон мусулмонлари идораси Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.