muslim.uz

الإثنين, 04 كانون1/ديسمبر 2023 00:00

“Ҳаж – 2024” мавсуми учун нимча (камзул) ва сумка тайёрлаб бериш бўйича танлов эълон қилинади

I. Танловда қатнашиш учун қуйидаги ҳужжатлар талаб этилади:

1. Ташкилотнинг гувоҳномаси, раҳбар шахснинг паспорт нусхаси
2. Тижорат банклардан К-2 шаклдаги маълумотнома
3. Нимча (камзул) ва сумка намуналари
4. Тижорат таклифи
5. Корхонанинг банкдаги сўнгги бир йиллик пул маблағлари айланмаси ҳақида маълумотнома
6. Боғланиш маълумотлари
7. Амалдаги қонунчиликка мувофиқ қўшимча ҳужжатлар талаб этилиши мумкин.

II. Маҳсулотларга қўйилган талаблар

1. Эркаклар нимчаси
Ўлчамлари 50-52-54-56-58 бўлиши, тугмали, кийимнинг орқа томонида Ўзбекистон байроғининг тасвири ва UZBEKISTAN ёзуви бўлиши, оғирлиги 190-220 грамм зичликда бўлиб, ранги мовий бўлиши лозим. Олд томонида учта чўнтак бўлиб, юқори чап чўнтак устига Ўзбекистон мусулмонлар идораси ҳузуридаги “Ҳаж” ва “Умра” марказининг логотипи туширилиши керак.
2. Аёллар нимчаси
Ўлчамлари 50-52-54-56-58 бўлиши, тугмали, кийимнинг орқа томонига Ўзбекистон байроғининг тасвири ва UZBEKISTAN ёзуви тушурилиши, оғирлиги 190-220 грамм зичликда бўлиб, ранги мовий бўлиши керак. Олд томонида иккита чўнтак бўлиб, юқори чап қисмида Ўзбекистон мусулмонлар идораси ҳузуридаги “Ҳаж” ва “Умра” марказининг логотипи туширилиши лозим.
3. Сумка
Ёрқин кўк рангда бўлиб, оғирлиги 250-280 грамм зичликдаги матодан тикилиши, ён томонида сув олиб юришга мўлжалланган чўнтак бўлиши, олд томонида эса телефон учун чўнтак ва шахсни тасдиқловчи ҳужжатлар учун шаффоф чўнтак жойлашган бўлиши талаб этилади.
Танловда иштирок этмоқчи бўлган корхона ва ташкилотлар 2023 йил 14 декабрь кунига қадар мазкур ҳужжатларни Ўзбекистон мусулмонлари идорасига тақдим этиши зарур.
Манзил: Тошкент шаҳри, Олмазор тумани, Қорасарой кўчаси, 47-уй. Телефонлар: 71-240-04-75.

Ўзбекистон мусулмонлари идораси

Published in Ўзбекистон янгиликлари

السبت, 02 كانون1/ديسمبر 2023 00:00

Бебаҳо неъмат қадри

Ўзбекистон мусулмонлари идораси раисининг биринчи ўринбосари Ҳомиджон домла Ишматбеков

Published in Видеолавҳалар

السبت, 02 كانون1/ديسمبر 2023 00:00

Исроф қилувчилардан бўлманг!

Ўзбекистон мусулмонлари идораси Наманган вилояти бош имом-хатиби Мусохон Аббаситдинов

Published in ВИДЕО

السبت, 02 كانون1/ديسمبر 2023 00:00

Тошкент шаҳридаги яна бир жоме масжид қайта бунёд этилди

Бугун, 2 декабрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Тошкент шаҳрида қайта қурилган “Искандархўжа” жоме масжидининг янги биноси очилиш маросимида иштирок этдилар.

Шайх Нуриддин Холиқназар ҳазратлари маросимда юртимизда диний-маърифий жабҳада амалга оширилаётган ислоҳотлар, янги масжид очиш, мавжудларини қайта қуриш ва таъмирлаш борасида кенг кўламли ишлар амалга оширилаётгани, уларда намозхонларга яратилган шарт-шароитлар ҳақида сўз юритдилар. Шунингдек, масжид қуриш ва обод этишнинг фазлини баён этиш баробарида қурилиш ишларида кўмакчи бўлган ҳомийлар, устаю-муҳандислар, қурувчилар ва масжид қавми улуғ ажрларга эга бўлганини билдирдилар. Муфтий ҳазратлари ушбу жоме атрофида яқин ўтмишдаги улуғ зотлар истиқомат қилганлари ва масжидда ҳам мўътабар зотлар хизмат қилганларига алоҳида урғу қаратдилар.

Маросим якунида Тошкент шаҳар бош имом-хатиби Абдуқаҳҳор домла Юнусов Қуръони карим тиловати қилди, Тошкент шаҳридаги "Кўкалдош" ўрта махсус ислом билим юрти мудири, қори-домлалар устози, мазкур жомеда Рамазон ойларидаги бир неча бор хатми Қуръон ўқиган Абдуҳаким қори Матқулов томонидан хайрли дуолар қилинди.

Маълумот ўрнида, масжиднинг янги биноси қурилиш ишлари 2022 йил май ойида бошланган. Жоме илк маротаба 1995 йилда қурилган, 1998 йилда эса давлат рўйхатидан ўтказилган. Масжиднинг эътиборга молик жиҳати шундаки, мажмуанинг умумий майдони 20 сотих бўлиб, хонақоҳ ва айвонларда 5000 нафардан зиёд намозхон ибодатларни эмин-эркин адо этиши мумкин. Баландлиги 10 метр бўлган гумбазлар ва битта минора масжид кўркига кўрк қўшмоқда.

Мажмуада иссиқлик ва совутиш тизимлари, шу билан бирга замонавий овоз кучайтиргичлар ўрнатилган. Имом-хатиб, мутаввалли ва қоровулхона каби маъмурий бинолари ҳам бор.

Замонавий таҳоратхонасида бир вақтнинг ўзида 100 дан зиёд киши фойдаланиши учун барча шароитлар муҳайё этилган.

Аллоҳ таоло бундай хушхабарларни бардавом қилсин.

Ўзбекистон мусулмонлари идораси Матбуот хизмати

Published in Ўзбекистон янгиликлари