Ўзбекистон мусулмонлари идораси жамоаси кўп йиллар диний-маърифий соҳада, жумладан, Мирзачўл тумани бош имом-хатиби вазифасида фаолият юритган Жиззах вилояти Мирзачўл тумани "Тожиддин ўғли Абдул Аҳад ота" жоме масжиди имом ноиби Ҳасанбой домла Султоновнинг вафоти муносабати билан чуқур таъзия изҳор этади.

Аллоҳ таоло марҳум уламони Ўз мағфиратига олсин, иймонларини саломат қилсин, солиҳ амалларини ўзларига ҳамроҳ этсин. Охиратларини обод этиб, жойларини Фирдавс жаннатларидан қилсин!

Ҳақ таоло марҳум олимнинг аҳли оиласи, фарзанду аржумандлари, сафдошлари, шогирдлари ва яқинларига чиройли сабр бериб, бу мусибатларини яхшиликлар ила тўлдирсин. Биз Буюк Парвардигордан дуо қилиб сўраймизки, марҳум олимни ўзининг чексиз раҳматига олсин, жаннат боғларига дохил этсин.

Инна лиллаҳи ва инна илайҳи рожиъун!

«Албатта, биз Аллоҳникимиз ва албатта, биз У Зотга қайтувчимиз».

(У зот) ҳеч бир ихтилофсиз барча пайғамбарларнинг имомидирлар ва барча (ёмон сифатлардан) холи бандаларнинг нуқсонсиз тожидирлар.

Ўший раҳматуллоҳи алайҳ Расулуллоҳ соллаллоҳу алайҳи васалламнинг сифатларини баён қилишда давом этиб, у зотни пайғамбарларнинг имоми, улуғ афиф бандаларнинг тожи дея васф қилган. Бу васфдан Расулуллоҳ соллаллоҳу алайҳи васалламнинг қиёмат кунида барча пайғамбарлардан муқаддам туришларига ҳам ишора бор. Бу ҳақида қуйидаги ривоят келган:

Абу Саиддан ривоят қилинади: “Расулуллоҳ соллаллоҳу алайҳи васаллам: “Мен қиёмат кунида Одам боласининг саййидиман, лекин мақтаниш эмас. Ҳамд байроғи менинг қўлимда бўлади, лекин мақтаниш эмас. Ўша кунда Одамми, ундан бошқасими, менинг байроғим остида бўлмаган бирор пайғамбар бўлмайди. Мен ер унинг устидан ёриладиган биринчи кишиман, лекин мақтаниш эмас” , – дедилар”. “Сунани Термизий”да келган.

Набий соллаллоҳу алайҳи васаллам “Барча афиф бандаларнинг тожидирлар” дея васф қилинди. Афиф инсонлар деганда қалблари нафсий иллатлардан холи бўлган олимлар, шаҳидлар ва бошқа тақводор мўминлар тушунилади. Тож безак турларининг ичида энг кўзга кўриниб турадиган ва энг қиймати юксак бўлганидек, Набий соллаллоҳу алайҳи васаллам ҳам афиф инсонларнинг энг кўзга кўриниб турадигани ва энг қийматлисидирлар.

Расулуллоҳ соллаллоҳу алайҳи васалламни яхши кўриш иймон тақозоси ҳисобланади. Яъни Ислом динини бино деб тасаввур қилинадиган бўлса, Расулуллоҳ соллаллоҳу алайҳи васалламни яхши кўриш ўша бинони тутиб турадиган пойдевор мақомидаги тушунча ҳисобланади. Бу ҳақида у зотнинг ўзлари шундай хабар берганлар:

Абу Саиддан ривоят қилинади: “Расулуллоҳ соллаллоҳу алайҳи васаллам: “Мен қиёмат кунидаги Одам боласининг саййидиман, лекин мақтаниш эмас” , – дедилар”. Бухорий ривоят қилган. Саййидул башарга салавот ва саломлар бўлсин.

«Эътиқод дурдоналари»

Дубайнинг Ислом ва хайрия ишлари департаменти 75 нафаргача намозхонни сиғдира оладиган сув ости масжиди қуришни режалаштираётганини маълум қилди.
“IQNA” сайтининг “Gulf Times” нашрига таяниб хабар беришича, Дубай расмийлари сув остида сузувчи масжид қуриш режасини эълон қилишди, бунинг учун 55 миллион дирҳам сарф этилиши кутилмоқда.

Эълон қилинган тасвирларга кўра, масжид иншоотининг ярми сув устидаги турар-жой ва кафени ўз ичига олади, қолган ярми, жумладан, намозхона ҳам сув остида бўлади.

Дунёда ўзига хос архитектурага эга бўлган биринчи бундай иншоот уч қаватли бўлиб, намоз ўқиладиган жой сифатида сув ости намозхонасидан фойдаланилади.

Ушбу масжид 50 дан 75 гача намозхонларни сиғдиради, улар сув остида намоз ўқишнинг ноёб тажрибасига эга бўлади. Сув ости иншоотида таҳоратхона ҳам бўлади.

Мазкур масжид қурилиши режаси Дубайнинг Исломий ва хайрия фаолияти бошқармаси диний туризм лойиҳаси бўйича йиғилиш ўтказганида эълон қилинди. Бу ташкилот аъзоси Aҳмад ал-Мансурий БAAда ушбу масжид қурилиши яқин вақт ичида бошланишини айтди. Масжиднинг аниқ жойлашиш ўрни ҳали аниқланмаган.

Ал-Мансурий: “Бу масжид қирғоққа жуда яқин бўлади. Мўминлар бу масжидга ерга уланган кўприк орқали киришлари мумкин”, – деди.
Унинг сўзларига кўра, масжид барча дин вакиллари учун очиқ бўлади, бироқ cузиб юрувчи масжидга ташриф буюрувчилар оддий кийим кийишлари, исломий анъана ва урф-одатларга риоя қилишлари керак.

Ўзбекистон мусулмонлари идораси
Матбуот хизмати

Ҳомиджон домла Ишматбеков,
Ўзбекистон мусулмонлари идораси раиси ўринбосари

Британияда ўтказилган «Йил раҳбари» нуфузли танлов мукофотига халқаро хайрия ташкилотининг биринчи аёл бош раҳбари Ридвана Уоллес Лаҳер сазовор бўлди.

Уоллес Лаҳер 1 сентябрь куни Бирмингемда бўлиб ўтган тақдирлаш маросимида бош совринни қўлга киритди. Бу ҳақда Wakefield Express манбаси хабар берди. 

«British Asian Professional Awards 2023»танловида «Йилнинг бош раҳбари» мукофотини қўлга киритиш мен учун шарафдир», дейди Уоллес Лаҳер.

– Бу эътироф нафақат шахсий ютуқ, балки жамоамнинг саъй-ҳаракатлари ва ижобий ўзгаришларни илгари суриш мажбуриятимизга ҳурматдир. Мен хилма-хиллик ва инклюзивликни қадрлайдиган жамиятнинг бир қисми эканлигимдан фахрланаман. Бундан кейин ҳам муваффақият ва имкониятлар йўлини кенгайтиришда давом этаман.

Oceanic Consulting томонидан ташкил этилган Британия Осиё Профессионал мукофотлари Британия ҳамжамиятида муҳим роль ўйнайди.

Уоллес Лаҳер шу йил бошида халқаро мусулмон хайрия ташкилотининг янги бош ижрочи раҳбари этиб тайинланган. У биринчи мусулмон аёл сифатида тарихга кирди.

У таълим ва хайрия соҳасида қарийб 20 йилдан бери етакчилик қилиб келмоқда. Катта тажрибага эга бўлган Уоллес Лаҳер инновациялар, ҳамкорлик ва рақамли трансформацияни тарғиб этиш орқали ташкилий ўсиш ва диверсификацияни рағбатлантирди.