Аҳмедов Абдуллоҳ

Бухоро тумани

"Имом Аъзам" жоме масжиди

имом - хатиби

Ўзбекистон мусулмонлари идораси жамоаси Сурхондарё вилояти Термиз шаҳридаги “Мурч бобо” жоме масжиди имом-ноиби Мақсудхон домла Амриддин ўғлининг вафоти муносабати билан марҳумнинг оила аъзолари ва яқинларига чуқур таъзия изҳор этади.

Аллоҳ таоло марҳум домламизни Ўз мағфиратига олсин, имонларини саломат қилсин, солиҳ амалларини ўзларига ҳамроҳ этсин. Охиратларини обод этиб, жойларини Фирдавс жаннатларидан қилсин!

Ҳақ таоло марҳум домламизнинг барча солиҳ амалларини, динимизга қилган хизматларини, илм-маърифат, зиё таратиш йўлидаги саъй-ҳаракатларини ҳусни қабул айлаб, Ўз мағфиратига олсин, чеккан дардларини барча саҳву хатоларига каффорат қилиб, раҳматига чулғасин, қабрларини жаннат боғчаларидан қилиб, охиратларини обод айласин!

Аллоҳ таоло марҳум домламизнинг аҳли оиласи, фарзанду аржумандлари ва яқинларига чиройли сабр бериб, бу мусибатларини яхшиликлар ила тўлдирсин.

Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан марҳум Мақсудхон домла Амриддин ўғлининг оила аъзолари, фарзандлари, ёр-биродарлари, яқинларига ҳамдардлик билдирамиз.

Иннаа лиллааҳи ва иннаа илайҳи рожиъуун.

«Мусибат етганда «Албатта, биз Аллоҳникимиз ва албатта, биз Унга қайтувчимиз», деган сабрлиларга хушхабар беринг».

Ўзбекистон мусулмонлари идораси

Масжид – мўмин-мусулмонлар учун қадрли жой. Фақат ибодат маскани сифатида эмас, балки руҳий озуқа оладиган ва ўзаро биродарлик ришталарини боғлайдиган макон сифатида табаррук маскандир. Шунга кўра, янги масжид очиш, жомеларни бунёд этиш ва мавжудларини гўзал ҳолатга келтириш савоби улуғ амал ҳисобланади.

Охирги вақтларда диёримиздаги масжидларда етарли шарт-шароитлар ҳозирлаш, ибодат қилиш учун қулайликлар қилиб бериш ва ваъз-насиҳатлар тинглаш учун кенг имкониятлар муҳайё этилмоқда.

Жумладан, 2021 йилнинг 8 ойи давомида мамлакатимиз мўмин-мусулмонларининг диний-маърифий эҳтиёжларини таъминлаш, масжидларни давлат рўйхатидан ўтказиш, янгидан қуриш, таъмирлаш борасида қуйидаги хайрли ишлар амалга оширилди:

– 14 та масжидлар Адлия вазирилигидан рўйхатдан ўтказилди;
– 42 та масжид янгидан қурилди;
– 88 та масжид таъмирдан чиқарилди;

Шунингдек, ҳозирда 180 дан зиёд масжидда қурилиш ишлари жадал давом этмоқда. 41 та масжиднинг лойиҳа смета ҳужжатлари тайёрланмоқда.

Маълумот учун, айни пайтда юртимизда фаолият юритаётган масжидлар сони 2093 тани ташкил этмоқда.

Маърифат ва руҳий тарбия маскани бўлмиш Аллоҳнинг уйларини обод этиш ва янгисини очиш каби хайрли ишлар юртимизда бардавом бўлади, иншоАллоҳ.

Ўзбекистон мусулмонлари идораси масжидлар бўлими

Чеченистонда кенг кўламли реконструкциядан сўнг 100 га яқин ўрта асрларга оид архитектура объектларидан иборат Шарой тарихий-меъморий мажмуаси очилди, унда 25 та турар-жой ва 7 та жанговар минора, шунингдек, 300 нафар намозхонга мўлжалланган масжид қайта тикланди. Islam.ru хабар беришича, бу ҳақда минтақа ва ҳукумат раҳбари матбуот хизматида хабар берилди.

2019 йилдан бошлаб реконструкция ишлари амалга оширилди. Бу вақт мобайнида зикр этилган минора ва масжид асл ҳолида — эски тошларнинг сақланиб қолган пойдеворларида қайта тикланди.

Мажмуа чечен халқи учун катта аҳамиятга эга. Бу қачонлардир муҳим йўллар чорраҳасида ва стратегик аҳамиятга эга тепалик устида жойлашган қалъа бўлган эди ва ҳозир у маданий мерос объекти ҳисобланади.

Ўзбекистон мусулмонлари идораси матбуот хизмати