Бугун, 1 декабрь куни «Шайх Муҳаммад Содиқ Муҳаммад Юсуф» мажмуасида Ўзбекистон мусулмонлари идораси ташаббуси билан имконияти чекланган юртдошларимизнинг "Қўл меҳнати маҳсулотлари ва ҳаттотлик" кўргазмаси ташкил этилди. Унда ЎМИ бўлим бошлиғи Муҳаммад Айюб домла Ҳомидов, Дин ишлари бўйича қўмита бўлим бошлиғи Муҳиддин Ҳакимов, Диний идора масъул ходимлари Марямхон Абдуллаева ва Мунирахон Абубакирова ва бошқалар қатнашди.

“Сиз бизга доим кераксиз» шиори остида ўтган маросимда нотиқлар иштирокчиларга гўзал мавъиза қилиб бердилар. Кўргазма давомида имконияти чекланган кишилар тайёрлаган ҳар хил уй жиҳозлари, болалар учун ўйинчоқлар, қизчаларга чиройли соч турмаклари, махсус совғалар, қалпоқчалар, жойнамоз, лавҳ, тасбиҳлар, қўйингки, ўзлари тайёрлаб келган кўплаб маҳсулотлар савдоси ҳам бўлиб ўтди.

Кўргазмада имконияти чекланган юртдошларимиз ҳар қандай кишининг кўзини қувнатиши мумкин бўлган қўл меҳнати маҳсулотлари қатнашчиларни ҳайратга солди.

Дарҳақиқат, мўмин киши ҳалол ризқ топиш ҳаракатида бўлганда Аллоҳнинг амрига мувофиқ амал қилиши билан бирга Расулуллоҳ алайҳиссаломнинг кўрсатмаларига ҳам риоя қилаётган бўлади. Шунингдек, киши бировга муҳтож бўлмаслик учун меҳнат қилар экан, ўзининг инсонлик шарафини ҳам ҳимоя қилади. Зеро, ҳадиси шарифда марҳамат қилинади: “Киши ўз қўл меҳнати билан топганидан кўра яхшироқ ва покизароқ таом емайди” (Имом Ибн Можа ривоятлари).

Кўргазмада қатнашган юртдошларимиз имконияти чекланган азизларимизнинг кўплаб маҳсулотларини сотиб олишга ҳаракат қилишди.

Аллоҳ таоло хайрли ишларни бардавомли қилсин!

Ўзбекистон мусулмонлари идораси матбуот хизмати

Ассалому алайкум, азиз мухлислар!

Ўзбекистон мусулмонлари идораси ҳузуридаги “Shamsuddinxon Boboxonov” нашриёт-матбаа ижодий уйи ? “Мўминалар” журнали учун мақолалар танловини эълон қилади.

Асосий мавзулар:

1. Ёшлар тарбияси;
2. Бидъат ва хурофотлар;
3. Огоҳлик;
4. Нотўғри йўлдагилар;
5. Маърифатли аёл.

Шунингдек, қаламкаш ўзини қизиқтирган бошқа мавзуларда ҳам мақолалар юбориши мумкин. Саралаб олинган мақолалар “Мўминалар” журналида чоп этилади ва муаллифга қалам ҳақи берилади.

Бундан ташқари, нашриёт расмий сайти ва ижтимоий тармоқлардаги саҳифаларига ҳам ушбу мақолалар қўйиб борилади.

Қадрли муштарийлар, ижод намуналарингизни қуйидаги манзилга исм-шарифингизни тўлиқ кўрсатган ҳолда юборишингиз мумкин:

@Muminalaruz_bot
@Muminalar_jurnali

Ёки почта орқали қуйидаги манзилга хат юборишингиз мумкин:
Тошкент – 100002, Зарқайнар 18-берк кўча 47-а уй.

Муҳтарам муштарийлар, мақолаларингизни кутиб қоламиз.

❗️Мақолалар шу йил 31 декабрь санасигача қабул қилинади.

? 2021 йил 1 декабрь куни эрта тонгда Ўзбекистон мусулмонлари идораси раиси, муфтий Нуриддин домла Холиқназаров ҳазратлари ва Дин ишлари бўйича қўмита раиси Содиқжон Тошбоев бошчилигидаги Ўзбекистон делегацияси аъзолари Саудия Арабистонига жўнаб кетди.

Маълумки, ўтган икки йил давомида пандемия туфайли бутун дунё мўмин-мусулмонлари “Ҳаж” ва “Умра” амалларини адо этиш бахтидан бебаҳра бўлдилар.

Аллоҳга шукрки, сўнгги вақтларда Саудия Арабистони ва юртимизда коронавирус билан боғлиқ вазият яхшиланаётгани, кунлик касалланиш даражаси камаяётгани, вакцина олган аҳоли миқдори ошиб бораётгани ва чекловлар юмшатилаётгани Ўзбекистон халқини чексиз қувонтирмоқда.

Айни кунларда юртимиз мўмин-мусулмонлари катта интиқлик билан умра мавсумининг бошланишини кутишмоқда. Умид қиламизки, тез орада мавжуд эҳтиёт чоралари ҳам юмшаб, юртимиз мусулмонлари яна эмин-эркин умра ибодатларини адо этиш саодатига эришадилар, инша Аллоҳ.

Ҳақ таоло ушбу сафарни хайрли қилсин, мана шундай шарафли ва масъулиятли вазифада Ўзбекистон делегациясига куч-қувват ва муваффақиятлар ато этсин.

Ўзбекистон мусулмонлари идораси Матбуот хизмати
@muslimuzportal | @vaqfuz | @diniysavollar

Бугун, 30 ноябрь куни Ўзбекистон халқаро ислом академияси ҳузуридаги илмий даражалар берувчи Илмий кенгашда “Жўйбори Калон” мадрасаси мудири, Мир Араб олий мадрасаси катта ўқитувчиси ва Бухоро вилояти “Чор Бакр” жоме масжиди имом-хатиби Aзизхўжа домла Иноятов ҳамда Тошкент ислом институти кафедра мудири Соатмурот домла Примовларнинг Исломшунослик фанлари бўйича фалсафа доктори (PhD) илмий даражаси учун диссертация ҳимояси муваффақиятли ўтди.

Азизхўжа домла Иноятовнинг “Имом Бухорийнинг “Ал-Жоме ас-саҳиҳ” асаридаги тафсир илмига оид қарашлари” мавзусидаги тадқиқоти Илмий кенгаш аъзолари томонидан бир овоздан 100 фоиз қўллаб-қувватланди.

Соатмурот домла Примовнинг ҳам “Абу Шакур Кеший “Тамҳид” асарининг мотуридия таълимоти ривожида тутган ўрни” мавзусидаги тадқиқот иши Кенгашнинг 18 нафар аъзосининг барчаси томонидан қўллаб-қувватланиб 100 фоизлик кўрсаткич берилди.

Таниқли уламоларнинг диссертация ҳимояси илмий доира вакиллари ва кенг жамоатчилик томонидан илмий йиғилишда ва масофадан туриб кузатиб борилди.

Айтиш жоизки, диссертация ҳимояси жуда мазмунли ва қизғин савол-жавобга бой бўлди.

Аллоҳ таоло уламоларимизга Исломшунослик фанлари бўйича фалсафа доктори (PhD) илмий даражасини муборак айласин, соҳадаги тадқиқотчиларнинг ҳимояларини бардавом ва зиёда қилсин!

Ўзбекистон мусулмонлари идораси матбуот хизмати

Inson yaralibdiki yer yuzida tinch-totuv va farovon yashashga urinadi. O’z uyida xotirjam, emin-erkin yashab, umr kechirishni orzu qiladi. Buning uchun barcha imkoniyatlarini safarbar etadi. Ammo yengil hayot kechirishni, osonlik bilan boylik orttirishni istaganlar ham oramizda kam emas. Albatta, bularning asosiy sababi ota-onalar ish-ish deb yuraverib, farzandlarining tarbiyasiga bee’tibor bo’lib qolmoqda. Natijada yoshlar turli internet saytlari orqali to’g’ri, noto’g’ri narsalarni o’rganib, hayotga tatbiq etishga harakat qilmoqda. Farzandlarimiz Alloh taolo tomonidan bizga berilgan eng ulkan ne’matlardan va omonatlardan biri hisoblanadi, uni qadriga yetib, omonat Egasiga kun kelib go’zal holda topshirishimiz va ular haqida hisob berishimiz muqarrar ekanini anglab yetishimiz kerak.

Hadisi sharifda shunday deyiladi. Abu Hurayra roziyallohu anhudan rivoyat qilinadi. Rasululloh sollallohu alayhi va sallam aytdilar: “Odam bolasi vafot etsa, uning barcha amali kesiladi. Magar, uch narsadan yaxshilik, savob borishi bardavom bo’ladi:

Sadaqai joriya (yo’l, ko’prik qurish va shu kabi uzoq yillar insonlarga foydasi tegadigan amal);

 U ila manfaat olinadigan ilm (kitoblar yozib qoldirish, shogirdlar chiqarish va shu kabilar);

 Haqqiga duo qiluvchi solih farzand qoldirish (inson vafot etib, ortida Alloh taoloni taniydigan farzand qoldirsa, uning duosi va yaxshi amallaridan ota-onaga savob borib turadi).

Agar har bir inson farzandining dinni to’g’ri anglashiga ko’maklashsa, savobli amallar va gunohga olib boruvchi ishlarning orasini farqlashni, barcha qilingan ishlar uchun dunyoning o’zida ham, oxiratda ham javob berishimiz kerak ekanini chuqur anglatsa, albatta, yoshlar biror jinoyat qilishdan avval uning oqibatini o’ylaydi hamda u ishidan qaytadi.

Zero, ertangi kelajagimiz yoshlarimiz qo’lida, ularning tarbiyasi esa bevosita bizning qaratayotgan e’tiborimiz va berayotgan bilimimizga bog’liqdir.

Muhammad Yunus Muhammad Muso o’g’li,

Mir Arab Oliy madrasa xodimi.